DANIEL 7:25 - SHEEYU BAIBEL (BSI)

²⁵ Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

DANIEL 7:25 Iomraidhean Croise

ISAIAH 37:23

Nenou ngaophou moa jünüyu sü thaowe? Nenou paoshiyu nasü thaoge? Nenou ngaophou moyu nasü Israel maivei Sheeyu Ramai-e.

DANIEL 11:28

Sairia hi veo sünou reih souyu hinou polouyu kini taoli pfüloua lahvei teidei hisü dakhai talai, ana puh nou Ramai vei maitao rathoyu zhai nasü souhawure donou tsücho talai. Puh sü lah sounü pfünüyu khesü soupfü loulai alia lahvei teidei hisü dakhai talai.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 2:21

Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

DANIEL 3:26

Süthaisü Veo Nebukhadnezzar nou meifü vei kikhu bomü hisü kouloua “Shadrak, Meshek ae Abednego, Khoukhoulai Ramai vei kilai maitao, neletao vakou tapalo” tea pai kushoa kue. Südonou puletao nou vakou tapa loure.

DANIEL 4:17

Haibüa nou chikude peiyu hai leikeia khoyu rakivamai nanoue, süsü daivanoue toulouzü Kukulai hi abuwo Ramai hai deiphao maivei vedei hia puhvei khouko bue, alia puhnou vedei nasü mai tarali hia peinüyu mai hisü peilou süe touyu deiphao mai hrülaiye panou süloulai.’

DANIEL 4:2

Kukulai Ramai nou ahi khupa shoyu ngao-a buyu nasü neletao hi paosü ngaowe.

DANIEL 4:25

Süolouzü neye maisou hrohinou hulaiwulai, ae neye panou rekhaona taoye koa hrütalai; Kukulai hi Abuwo Ramai nou deiphao mai vedei pei hia khosa-a hrüwe alia puhnou vebuh sü peinüyu mai hi peiwe touyu nenou süloumo koute po anai hai neye panou chode ali büa poudai toulai, alia neye rakiva nou kouyu vidzü panou ne pfüphao sü koucha-a hrülai.

DANIEL 4:32

Neye mai hrohinou hulaiwulai, alia rekhaona taoye koa panou sa-a hrülai, ae chode ali büa neye panou poudai toulai. Kukulai hi Abuwo Ramai nou deiphao maivei vedei teitei pei hi khasa-a bue alia puhnou vebuh sü peinüyu mai hi peia baiwe touyu nenou süloumo koute po anai hai nenou sübüa hrülai.”

DANIEL 7:18

Ana Kukulai Ramai vei maitao nou vedei sü poloulai, alia vedei sü teisa puletao vei souloulai.”

DANIEL 7:20

Alia kai kirou pfüyu, ae kai taitou ali tsüpayu ae süna nghoujü nou kai asü latayu, alia nghithou ali ae khaophu soushoa raoyu mü pfüa kukhe jünou duyu büa buyu kai süna vanou Enou süpulou nüre.

DANIEL 7:8

Enou kai sütao sü tsüchoa zhua buyu phaki, kaitao hrohinou kai taitou ali paopa-a zhingaoe, kai sünatou nou paopaloua rai-a buyu kai kukhe asü taoye sü bei hinou soula laiwure. Kai sünatou hisü nghithou ali bue, alia khouphu soushoyu chipao paoyu mü ali bue.

DANIEL 8:11

Haina nou rakiva reihmaitao vei Veo nahpoutu koutea ngaophou more, ae puhye mei nou deia posheelayu koutea panou soumore, alia puhye thoyu rathoki hai-a soushi laiwure.

DANIEL 8:14

Rakivamai nanou ahi paoe, “Teithe thelia kaihlia raingou (1150) bupulai hie, süthai sünou Rathoki nasü ngaozü buyu maitao nou podakhai loulai.”

DANIEL 8:9

Kai adai hrohinou kai taitou ali hai tsüpapure, alia puhnou khelova, teinghi palova ae Hüveishoa buyu Teidei hilosü dulailai poa tsüpare.

DANIEL 9:27

Puhnou po anai lihai mai taoli hi khoushoyu vo ali thoulai, alia sübüyu teile dahli takouyu phaki, puhnou posheelayu khesü panou soumoa nukhai bailai. Ramai nou puhye donou souda khaitouyu teile akhai koumo koute puhnou Ngaopi Shoyu vakou maivei rah ae bashara khesü Rathoki hi pove khailai.”

HOSEA 7:16

Puletao nou khouko hayu Baal rahye thotare; puletao hai chuo louche loushiyu voulou büa baire, puletao vei peikho maitao hai khoche vanou kaolai, daiolouzü puletao nou chidu-ladu paoa laibaire, haka tayu phaki puletao hai Ejipt mai dzünü souwulai.”

2 THESSALONIMAI 2:3

Hatali hinou maiye panou neleye lawuso; daiolouzü meizaihi thouvuzü laiyu Mai Ashina nou taveloua raia akhai vei reih nasü soubvüro moyu koutesü teithe sünasü velaimoe.

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.

2 THESSALONIMAI 2:8

Alia süthaisü Mai Ashi nasü velai, ana Mapao Jisu nou veyu kisü puhnou puhye sü puh mü hinou payu puhvei ssünou southealai ea puhvei peivavayu zhu sünanou puletaoye sü souhalai.

PONGAOPEIYU 12:14

Ana naotupai sünaye panou puhye donou soudakhai touyu buh, rekouhi zhaoholoua sühinou puhye sü zai nghoudu sünanou souveayu hinou khaipaloua po asü-a pohli kipeia buloure donou puh hisü dushoyu lühche sünavei shouh ahai peire,

PONGAOPEIYU 12:6

Alia naotu süpaisü rekouhi tuhore, alia puhye donou Ramai nou soudakhai touyu buh sühinou bua puhye panou teithe 1,260 kiko peire donou sühinou buloure.

PONGAOPEIYU 14:12

Haihisü Ramai chikha züa buyu ea Jisu hinou cheche-a buyu sheeyu maitaoye donou shamea loure ku-a bue.

PONGAOPEIYU 16:6

Daiolouzü puletao nou nevei sheeyu maitao ea rachi paolamai taovei zhesü soupare, alia südonou nenou puletao hisü zhe küloure donou peire. Haisü puletao nou ngaozüe!

PONGAOPEIYU 17:6

Alia sheeyu maitao vei zhe ea Jisu hinou cheche-a buyu vanou southeayu maitao vei zhenou shozhia buyu naotupai sünaye sü Enou ngaoe. Enou puhye ngaolouyu kisü, Esü khupasho loure.

PONGAOPEIYU 18:24

Alia rachi paolamai, sheeyu maitao ea deiphao hinou southeawuyu maikhemai hrülai vei zhesü puh hinou ngaolouyu vanou Babilon ye sü tudee peire.