DANIEL 7:14 - SHEEYU BAIBEL (BSI)

¹⁴ Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

DANIEL 7:14 Iomraidhean Croise

LOUTAO 102:22

ae tyahrütao ae vedei khenou koa tave Mapao ye thoyu phaki, puhye sü paosholai.

LOUTAO 103:19

Mapao nou puhvei vebuh hai raki hi khaikhai toue, ae puhnou ha veishi pei hinou veo sü soua bue.

LOUTAO 145:13

Nevei vedei hai teisa vei vedei soulai, ae nenou akhai ha-a teisa nou veo sü soulai. Mapao nou paokhai touyu chipao teitei hai cheche-a vete-a bailai, ae puhnou soupfüyu veishi hai zhuvea leshi hinou soupeia baie.

LOUTAO 146:10

Mapao nou teisa sü veo soulai. Oh Zion, nevei Ramai nou akhai ha-a teisa nou veo sü soulai. Mapao ye paosholo.

LOUTAO 45:6

Ramai nou neye peikhai touyu vedei nasü teisa nou akhai ha-a bukou telai. Nevei maitaoye sü nenou kaozü hinou khasa-a hrüpeilai;

LOUTAO 72:11

Veo mai hrülai nou puhye khurülai, tyahrü veishi nou puhvei kuvah sü soulai.

LOUTAO 72:17

Veo vei zhih sü panou teisa ngaikhai peiso, puhvei kathe sü teinghi loumo koute panou bulo. Ramai nou veo hi hapei khaitouyu büa tyahrü veishia sübüa shiha peio tea panou Ramai hinou kholo.

LOUTAO 8:6

Puhye panou ne basha veishi pei khowo soure donou nenou puhye sü dopapeie; nenou puhye ne basha teitei pei hi khore donou pokhai peie:

ISAIAH 16:5

Süthaisü acheche ae leshi hinou vebuh ali soushulai, vebuh sühisü David vei tyaosholea hinou hrüveyu mai ali nou bulai. Puhnou acheche hisünou chiku peilai, kaozü nasü phoulai, ae checheyu nasü thashoa soupeilai.)

ISAIAH 60:12

Ana neletao vei kuvah soumoyu tyahrütao sü souhazei bailai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

ISAIAH 9:7

Nuh teidei khasa-a hrülai puhvei khouko sü dupupalai; puhvei vedei sü teisa nou kaona-a bulai. David veo vei tyaosholea sou-a Puhnou vebuh hi bulai, chunou poa akhai koute acheche hinou ae kaozü hinou puhnou khasa-a hrülai. Khoukhoulai Mapao nou hai teitei sü haibüa soulai tea le lawure.

DANIEL 2:35

Süthaisü hu, nai, baosahu, shahu ae sana taosü posasa tare, alia teilüki chathaibu hinou thouba khesü teikhai nou hüpoa tayu büa hüsha takhaire. Ana maizhurai daokhai touyu neye khyaphoyu chuh nasü dulailaipa deichi adu ali büa deiphao teitei holoure.

DANIEL 2:37

Vemai pei nou veo soua buyu Oh Puo Veo, rakibu Ramai nou neye vedei, khouko, pfüchi, mainou tsükhouyu alia kathe sü peie.

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 3:4

Süthaisü chi shayu mai ali nou haibüa shusoua chi sü shae, “Deiphao kainghou adai hinou hrüa buyu mai hrülai, tyahrü veishi ae la kukua paiyu mai hrülai, neletao hisü haibüa soulo tea kharochi peiwe:

DANIEL 4:3

“Puhvei khupayu hai daizhou koute dusa! Puhvei khupa vah hai daizhou koute khouko busa! Teisa puhnou veo sü soulai; ae puhnou mai khaphao teitei hisü khasa-a hrülai.

DANIEL 6:26

Enou kharochi haina sü peiwe, süolouzü avei vedei hi hrüyu mai hrülai nou “Daniel nou thoyu Ramai ye sü ngaopia tsükhoulai. Daiolouzü puh hai hriyu Ramai nasüe, Puhnou teisa khasa-a hrülai; Puhvei vedei sü akhai bulai moe, alia puhnou khosa-a hrüre hai akhai bulai moe.

DANIEL 7:18

Ana Kukulai Ramai vei maitao nou vedei sü poloulai, alia vedei sü teisa puletao vei souloulai.”

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

OBADIAH 1:21

Ramai nou vupa peiyu maitao nou Esau deichi nasü tukhasa-a hrüre donou Zion deichi hi velai; alia vedei sü Mapao vei soulai.”

MIKAH 4:7

Puletao hai shovaire ae ki hinou kadou sho-a tare, ana ki thaowua vakou tayu maitaoye Enou hrü ashu panou hrütalai, ae duso shoyu tyahrü ali soupeilai. Süzhou sü Mapao nou puletaoye teisa donou Zion Deichi hinou khasa-a hrülai.”

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

LUK NOU RÜYU KO AVEIBVÜ 1:33

alia puhnou teisanou Jakob tyaonah khemai pei hisü veo soua hrülai, alia puhvei vebuh sü hakia akhai bulaimoe!”

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 12:34

Maisounou puh hi chila peie, “Ehnou razhai hinou Khrista hai teisanou hrilai tea choue. Sükulouzü nenou kakua Mainah Potuoye sü polashu vuzülai tea paowe? Mai Nahpoutu hainasü thaoh-e?”

JOHAN 3:35

Puonou Nahpoutuye leshie, alia puh bah hi ha teitei thaothoukhai peire.

EBRIAMAI 12:28

Südonou soungulou hoyu vedei nasü Eletao nou ngaolouyu vanou kalo paolaikhe, alia sübüa Eletao nou khuhaoyu ea piyu nou koa puh züpa zhaina hinou Ramaiye tholaikhe;

1 PITAR 3:22

Jisu Khrista hai raki hi khetare ea puhnou Ramai bahkha zhoulo vahinou bu-a rakivamai hrülai pei hi, alia kukhe raki vanou paopu souyu ea khouko buyu rakotao pei hi tukha-a buloure.

PONGAOPEIYU 1:6

alia Puo ea puh Ramaiye kuvah soure donou puhnou Eletaoye sü panou napaomai taovei vedei ali souloure. Jisu Khrista hisü teisanou adusho ea khouko buyu sü souloutheo! Amen.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.