DANIEL 7:13 - SHEEYU BAIBEL (BSI)

¹³ Enou mai ali büa rakiva teihao nou koa jüpoa veyu avei zho kounou ngaoe, alia puhye sü teisa hria buyu nahisü sapoa koupeiwure.

DANIEL 7:13 Iomraidhean Croise

LOUTAO 110:2

Mapao nou nevei vebuh nasü Zion hinou souduso papeilai. “Neye ngaobayu maitaoye sü khasa-a hrülo,” tea puhnou paopeilai.

LOUTAO 2:8

Kho khaio ae Enou tyahrü hrülaiye sü ne hi peilai, alia deiphao teitei sü panou nevei soulai.

LOUTAO 47:5

Ramai nou puhvei vebuh hisü takhe buloure. Mapao nou takheyu phaki asayu nou shurao soupoa ae shabe nghoupoa nou khe-e.

JEREMIAH 49:19

Chipeikhaoduo nou Jordan vaohro hinou tapa heiphao hinou poutoua buyu zhaotu aliye nütou louyu büa Enou Edom maiye sü tave puletao vei teidei hinou hulaikhai touwulai. Süthaisü Enou dopa louyu süthai-apeio nanou tyahrü nasü khasa-a hrülai. Thaonou Eye paonada laige? Thaonou Eye chare bue? Süthai-apei mai kananou Eye dulaige?

EZEKIEL 1:26

Hrikhaonatao pei hinou haorüa soukhai touyu phaova nou mutei chuh saphir nou soukhai touyu vebuh ali büa nou bue, ae vebuh sühisü mai ali nou buyu büa nou bue.

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 7:12

Soukhao kukhetao louzü southa moa panou phateile daotu hrüre donou phapeiwure, ana puletao vei khouko louzü puletao hinou popawure.

DANIEL 7:2

Enou zhia buyu phaki, avei zho kounou deiphao kainghou adai hinou teikhai sü hüpoa ve zaidu dzü sü hülüa ngaoe.

DANIEL 7:22

Süthaisü teisa hria abuwo nou Kukulai Ramai vei maitao jüpa hinou chikude peiwure, alia Ramai vei maitao nou vedei nasü ngaoloure teile sü vere.

DANIEL 7:9

Enou zhua buyu phaki, vebuh khesü pokou khaipeia zhingaoe. Teisa nou hria buyu mai süna sünou vebuh ali hi kou buloure. Puhvei sabanü hai vürah büa kaawe ae puhvei peishu hai veikayu phako büe. Puhvei vebuh hai lukiphi pfüa mei taopoa tawe.

DANIEL 8:15

Enou zho ngaoyu nasü daivanousa tea sülounüa buyu phaki, mai ali raibüa anghoujü hisü kou laloure.

MATHIU 13:41

Mai Nahpoutu nou puh vei Vedei hinou maikhe maiye mah southou peiyu maitao ea kukhe vahshi souyumai hrülaiye podzü loure donou puh vei rakivamaiye seitalai,

MATHIU 24:30

Süthaisü ratei hinou Mai Nahpoutu vere shee nasü ngaolai, alia süthaisü deiphao hi Tahrüh khemai hrülainou khao khoulai, alia puletao nou Mai Nahpoutu nou khouko ea dushoyu khouko-ava nou pu raki teihao peinou taveyu sü ngaolai.

MATHIU 25:31

“Mai Nahpoutu nou khouko ava hinou rakivamai taoye koa veyu kisü, puhsü puhvei dushoyu vebuh hinou ve bulai.

MATHIU 26:64

Jisu nou puh hi chila peie, “Nenou sünasü paopare. Ana Enou neletao hrülaihi paowe, chu thainou Mai Nahpoutu nou Khoukhoulai Ramai bah zhoulo hinou bua raki teihao pei vanou taveyu neletao nou ngaolai!”

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

MATHIU 8:20

Jisu nou puh hi chila peie, “Lakhaotao vei kulu bue, alia raohoutao-a phe bue, ana Mai Nahpoutuwo louzü puhpei khüyu buh koutea hae.”

MARK 13:26

Sükisü Mai Nahpoutuwo nou dushoyu khouko ea khouko avanoupu teihao vanou taveyu sü puletao nou ngaolai.

LUK NOU RÜYU KO AVEIBVÜ 21:27

Alia sükisü Mai Nahpoutu nou khouko ea dushoyu khouko avanoupu teihao peinou taveyu sü puletao nou ngaolai.

LUK NOU RÜYU KO AVEIBVÜ 21:36

Ana pare sütao teitei hinou tupa loure ea Mai Nahpoutu nghojühi lalou süre khouko buloure donou teile veishi hinou veachi paoyu noupu zhaihe-a bulo.”

LUK NOU RÜYU KO AVEIBVÜ 24:27

Alia Moses vei larübvütao ea rachi paolamaitao hrülainou rükhai touyu taohinou shupoa, puhnou puhai hisü lah puh vanou sheeyu larübvü teitei hinou paokhai touyu taosü paodapa sheetoua doupeie.

JOHAN 12:34

Maisounou puh hi chila peie, “Ehnou razhai hinou Khrista hai teisanou hrilai tea choue. Sükulouzü nenou kakua Mainah Potuoye sü polashu vuzülai tea paowe? Mai Nahpoutu hainasü thaoh-e?”

JOHAN 3:13

Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 5:27

alia puh hi chikukou peire zü nasü peiwure, daiolouzü puh sü Mai Nahpoutue.

SEI-ATAMAI VAHTAO 7:56

“Zhukhaio! raki houpakhai touyu ea Mai Nahpoutu nou Ramai bah zhoulo vanou la-a buyu sü ngaoe,” tea paoe.

1 THESSALONIMAI 4:17

süshonou süphaki hria buyu Eletaoye sü ratei vanou Mapaoye koa teihao vahi paive dzüloulai. Alia sükua Eletao nou Mapaoye koa teisanou hrülai.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

EBRIAMAI 2:14

Puhnou “Nahmaitao” tea kuyu puletao sü kezhe pfüyu maikhemai baiyu donou Jisu lah-a puletao kuloua puletao vei zhai hrüsü zha ngaozho loure. Puhnou haikua souyu sü puhvei athai vanou athai pei hi khouko buyu Rashinaye souha loure donoue,

EBRIAMAI 9:24

Daiolouzü acheche sünavei zhairai soua buyu emai bahnou souyu Mashi Buh sühi Khrista nou talou moe. Ana puhwo raki vuzühi talouloua; sühinou chuwo puhnou Eletao sühsoua Ramai nghojünou la-a bure.

PONGAOPEIYU 1:13

alia meibvü dzükhaiyu buh sütao hrohisü Mainah Poutu büyu mailisü puhvei zaodu nanou puh phipha hi chakou-a alia sana khyakho alinou puhkhao hi khokhai tou-a bue.

PONGAOPEIYU 1:18

Esü hria buyu nasüe; Esü thaire, alia zhukhaio Esü teisanou hriwe, alia athai ea thaimai deiphao pei hi khore khoukosü ahi bue.

PONGAOPEIYU 1:7

Zhukhaio, puhsü teihao peinou laire! Mai hrülainou ea puhye heung nou khüyu maitao koute nou puhye sü ngaolai. Puh vanou deiphao hi maikhemai hrülainou do-a kralai. Südonou süsü sübüa pavu zülai! Amen.

PONGAOPEIYU 14:14

Süthaisü Enou zhue, alia zhukhaio, sühisü teihao kaali bue, alia süva hisü sana vepeirü ali rüpfüyu ea puh bah hi haishoyu kairao ali poa buyu, Mainah Poutu büyu alinou chobua bue.