DANIEL 6:7 - SHEEYU BAIBEL (BSI)

⁷ Ne khenou buyu Etao peikho maitao, vedei zhu-apei maitao, alia vahdubu buyu mai hrülai nou neye panou chikha ali soupeilai ae sünasü panou vedei teitei hi zhai ali soua talai tea ae-ao souloure, süolouzü Oh Veo, ne hinou moa rah tarali hinou moyuma mai tarali hinou teithe shirou lihai veachi paolouzü, puhye sü souveo be hi laithoulai.

DANIEL 6:7 Iomraidhean Croise

LOUTAO 10:9

khaosouveo büa puletao nou tutsüa buyu buh hinou kho-a bubaiwe. lelou hoyu maiye nüloure donou dapoa nou bue; puletao nou lelou hoyu maiye sü puletao vei rüh hinou muloua sapoa ta-a baiwe.

LOUTAO 2:2

Deiphao hi veo maitao nou me souloue, ae peikho maitao nou kheichi phazholoua Mapao hi ae puhnou dolouyu veoye hraiwe.

LOUTAO 59:3

Zhukhaio, puletao nou Eye southare donou da-a bure, zhaipou shiyu maitao nou Eye soushire donou tave meime soua buloure. Puletao nou haibüa souyu hai Enou soumah pfümah khaitouyu donou moe,

LOUTAO 59:5

Khoukhoulai Ramai Mapao, tashulo, ae tave Eye soukha peio; Israel maivei Ramai, hai khesü ne lah zhukhaio! cheche moyu rataoye tho-a buyu maitaoye sü tudee peio. Maishi maitaoye sü zhuvea peiso.

LOUTAO 62:4

Neletao nou puhye sü tsükhouyu buh hinou pokou peiyu likhei jüpa-a bubaie, neletao hai darua laiyu nasü jüpa shoe. Neletao mü hiolouzü shiha peiyu chipao khesü paowe, ana lekhevai-o chaa pei baiwe.

LOUTAO 83:5

Puletao nou tsüle ali souloua me zholoure; puletao nou ne pei hi hrailai donou vo souloure:

LOUTAO 94:20

Shee moyu chiku apei maitao, kaozü moyu khesü veiwe tea chikha soupeiyu maitao, mai aveih maiye soushi peire donou do ashi phouyu maitao ae mah hayu maiye southare donou chidei peiyu maitaoye koa neletao nou vah souzholou veiyu sü halia hae.

DANIEL 2:4

Puletao nou veo hisü Aram mai la hinou chila peie, “Oh veowo! Ne kilai Etao hi nevei me nasü paopeio, sütoulouzü Etao nou süna vei ko sü daitouwe touyu paolapa peilai.”

DANIEL 3:11

alia mai taralia pei pfüa nakou thomoyu maiye sü mei deitoutou khaitouyu bvü hinou pothou deitheawulai tea kharochi peikhaitoue.

DANIEL 3:2

Süthaisü puhnou puh khehinou buyu peikhomai hrülai, vemai nahpoutu hrülai, nuhteidei khoyu mai, kaozü zhua vah soupeire mai, kini pojüyu mai, chilou kupeiyu mai, alia puhvei vedei hinou peikhomai hrülaiye puhnou soukhai touyu maizhurai nasü sathoure donou veloukhai toupeio tea kharochi peie.

DANIEL 3:27

Süthaisü buh sühinou vejüa buyu vemai nahpoutu maitao, nuh teidei khoyu maitao ae vedei hi peikhomai hrülai nou puletao mai asütaoye mei nou deidei moyu shatya kou zhue. Puletao vasou hisü mei nou deiyu paomo deinou puletao vei peishupo ali koutea mei ramoe, alia puletao vei sabanüa mei deimoe ae puletao hisü meikhao kai-a ngimoe.

DANIEL 3:6

Mai tarali noua sünaye pei pfüa nakou thomoyu maiye sü thalasou mei hinou deithea bailai.”

DANIEL 6:16

Süthaisü veo nou Danielye sü nülo alia souveo be hisü laithouwo tea kharochi peiwure. Veo nou Daniel hi paoe, “Nenou chilee chechea thoyu Ramai ye panou neye vupapei theo!”

DANIEL 6:22

Avei Ramai nou puhvei rakivamai seikou souveotao mü sü phupeiwure, alia puletao nou Eye soushi moe, daiolouzü Enou Puh nghoujü nou mah soumoe, alia Oh Puo Veo, Enou ne nghoujü hia mah soumoe touyu Puhnou süwe.”

MIKAH 6:5

Oh avei maitaore, Moab hi Veo Balak nou neletao hi shodo ashi soupeilai tea tsüchoda-a buyu ae Beor nahpoutu Balaam nou puh hi chila peiyu sü lichokhaio. Akasia fühao hinou Gilgal hi kouyu phaki daidai vepa-e touyu khesü lichokhaio. Hai khesü licho louyu phaki neletaoye Mapao nou khailupa peire donou soua baie touyu hai neletao nou süloulai.”

NAHUM 2:12

Kipeikhaodu nou puh tyouye donou tude tuhü peiwe, alia puh paye donou soukhaona kitha peiwe; puh buh hisü soukhaona nou kitha pove phou khailoue, alia puh phe hisü sounou pove khai phoulouwe.

MATHIU 12:14

Süthaisü Phariseemai taonou taho Jisu ye southeare donou phoutare.

MATHIU 26:4

alia Jisu ye kheia niloua southea loure donou chikhai loure.

MARK 15:1

Alia shohna hisü napao adumaitao nou thashoa tsümaitao, razhai dou-apeimaitao ea tsüme teiteiye koa chikhai loure; alia puletao nou Jisu ye baorai phure ea sataloua Pilat bah hi thoupeire.

JOHAN 12:10

Südonou napao adumai taonou Lazarasye-a southeare donou do phouloure,