DANIEL 6:4 - SHEEYU BAIBEL (BSI)

⁴ Südonou aduso maitao ae peikho maitao nou Daniel nou vah souyu hi puhvei mah phoue, ana puletao nou puh hisü mah phouhare, daiolouzü puh hai mainou louchelou veiyu mai alie, alia puhnou kaomoyu ae cheche moyu vah khesü aliro sou moe.

DANIEL 6:4 Iomraidhean Croise

SHURAI 41:38

Veo nou kilai maitao hisü paoe, “Ramai rako nou koa buyu Josef haina büa maikukhe Etao hrohi ngaolou hoe.”

SHURAI 43:18

Josef ki hi save thoupei khaie, puletao sü ngaopi loure alia raichoki Etao thouh lekha hi pousha thoupeiyu süna vanou Etaoye haihi saveyu phae tea choloure. Puletao nou lapasoua Etaoye daishi louveie alia Etao rheisühtao poloua Etaoye poa puhvei qila soulou bailai momo tea tsücho loure.

TSÜCHITAO 29:27

Mai ashi maiye sü acheche mainou ngaora-e, ae acheche maiye mai ashimai nou ngaora-e.

KOPAODOUWO 4:4

Süthai Enou ngaoe, süolouzü maili vei terouyu alia dokai teitei hai puh kinapa vei thainüyu vanou pawe. Haire-a hamakoe alia teikhaiye thaihuyu ali baie.

JEREMIAH 18:18

Süthaisü maikhe maitao nou paoe, “Etao nou Jeremiah pei hi hali soupei laikhe! Daiolouzü teisa nou napao maitao ae hasüyu maitao nou Etaoye paodou peia bailai, ae rachipaola maitao Ramai vei chipao sü paopeia bailai. Eletao nou puhye chipao lakonou paodu peilaikhe, ae puhnou paoyu chi sü keipeilai moshe.”

JEREMIAH 18:23

Ana, Mapaowo, Eye southare donou shodo ashi souyu khesü nenou süwe. Puletao nou shodo ashi souyu ae mah souyu khesü khaipeisou. Puletaoye ne nghoujü nou khilai peio, ae nevei lekha rarou hinou puletao hi souzü nasü peio.”

JEREMIAH 20:10

Mai hrülai nou “Buliki hai ngaopiyu khaibaire,” tea kheikheisoua phakuyu sü Enou chou-e. Südonou Etao nou puhye peikho maitao hi paopei laikhe tea bure. Avei samaitao koute-a E kaodu tare sü kho-a bure. “Puhye lalou laishe, süthaisü Etao nou puh jünou veiloulai, ae puh pei hi khüngu phouloulai,” tea puletao nou paoe.

JEREMIAH 29:7

Enou neletaoye hukhamai soua seitayu nuhdutao donou te-a vah aveih soupeio. Puletao thaosou veachi paopeio, daiolouzü puletao nou sava louzü, neletao-a vasalai.

DANIEL 3:8

Haibüyu phateile hinou Babilon hi kamaia nou Jihudimaiye mah dukakhai peire zhoukao aveih nasü poloure.

DANIEL 5:12

Maipou süna hisü soulou süyu dokai, hasüyu, me paolapa peilou süyu, nadachi süyu, alia khei khupayu khesü paolou süyu bue; südonou maipu sünaye ne puo Veo nou Belteshazzar tea kuyu, Danielye sü kulo, sütoulouzü puhnou ne hi kivo va hi rükhai touyu larücha nasü daitouwe touyu paopei lousüe.”

DANIEL 6:22

Avei Ramai nou puhvei rakivamai seikou souveotao mü sü phupeiwure, alia puletao nou Eye soushi moe, daiolouzü Enou Puh nghoujü nou mah soumoe, alia Oh Puo Veo, Enou ne nghoujü hia mah soumoe touyu Puhnou süwe.”

MATHIU 26:4

alia Jisu ye kheia niloua southea loure donou chikhai loure.

MATHIU 27:18

Daiolouzü puletao nou Jisu ye ngaoraiyu vanou puh bah hi thoupei baie touyu hai puh nou sütoua bue.

LUK NOU RÜYU KO AVEIBVÜ 20:20

Südonou puletao nou puhye dahpo-a ea puhvei chipao hinou puhye niloua soulousü zü ea khouko buyu teideikhowo bah hi thoupeire donou chechekho soua laiyu maikhao-zhai zhuyu maitaoye seive.

LUK NOU RÜYU KO AVEIBVÜ 20:26

Alia puletao nou maikhemai nghojünou puhye sü puhvei chipao hinou nilou hore; ana puhvei chila hinou khupaloua puletaosü paikhaimo zheire.

LUK NOU RÜYU KO AVEIBVÜ 22:2

Alia napao adumaitao ea razhai dou-apei maitao nou maisouye piyu donou kheikheisoua Jisu ye southea loure bosü puletao nou phouwe.

JOHAN 19:4

Pilat nou vakouhi tapapuloua puletao hi paoe, “Zhukhaio, Enou puh hinou soumahyu alia ngaoloumoe touyu sü neletaoye panou süloure donou Enou puhye neletao hi sapalai.”

2 KORINTHMAI 11:12

Kukhe “Sei-atamaitaoye” panou khaophu souloure qo alia phouha loure donou ea Ehnou vah souyu büa puletao-a souwe tea panou paolou more donou, chu Enou souyu süsü Enou thaokhaimoa soulai.

PHILIPPIMAI 2:15

sübüa neletaosü ashi ea paoyu zübayu maikha hrohinou mah hayu ea sheeyu Ramai vei licheyu nahmaitao büa buloulai. Neletao hai puletao hrohinou ratei hi teivuhtao büa vapei-a buvu zülai,

1 TIMOTHI 5:14

Südonou nahleyu meapfümai taonou nghiyu, nahmai hrüyu, puletao vei kikha vahsü zhutou louyu, alia sübüa ngaobamaiye panou Eletaoye konüre zhou avei peimoresü Enou züpae.

TITA 2:8

Eletao vanou ha chishi lia paoloure ha-a nevei ngaobamai taoye panou hraoloure donou mainou veilou hoyu sheetouyu chipaonou sei-a paokhaio.

1 PITAR 2:12

Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

1 PITAR 3:16

anou süsü natai-a ea khuhao-a souloukhaio. Khrista thaifümai alisoua neletao nou tayu zhai avei naye sü paoshiyu süolouzü neletaoye chi ashinou ngheihyuki puletaoye panou ahrao ngaoloure donou neletao peikhao leikei-a bulo.

CHIKUAPEI MAITAO 14:4

Haibüyu hai Mapao hinou vewe touyu puh pfüpuo nou sümoe, daiolouzü Mapao nou souyu hai Philistin maiye panou kabüa züvei loure ludu phouwe. Süpha teile hi Philistin mainou Israel maiye khasa-a hrüe.

1 SAMUEL 12:4

Maikhe mainou chila peie, “Moe, nenou Etao hi da-zhu moe, moyuma Etaoye souveayu vah haso ali-a soumoe, moyuma Etao mai ali hinoua halia polou moe.”

1 SAMUEL 18:14

ae puhnou soureih soutayu teitei sü ngaloue, daiolouzü Mapao nou puhye koa salai peie.

1 SAMUEL 22:14

Süthaisü Ahimelek nou veo hi chila peie, “Nevei peikho maitao hrohinou David hai mainou louchelou veikayu nasü mowu? Puh hai nevei tyao baie, neye reihkhao souyu maitao pei hi peikhowo, ae nevei kihikha maitao nou tsükhou kayu maina mowu?