DANIEL 6:16 - SHEEYU BAIBEL (BSI)

¹⁶ Süthaisü veo nou Danielye sü nülo alia souveo be hisü laithouwo tea kharochi peiwure. Veo nou Daniel hi paoe, “Nenou chilee chechea thoyu Ramai ye panou neye vupapei theo!”

DANIEL 6:16 Iomraidhean Croise

2 SAMUEL 3:39

Ramai nou Eye panou veo soure donou dopapeiyu E koute-a zhou teithe hai lülou hore. Zeruiah nahpoutu maitao hai soushilere. Mai ashimai haitao hisü puletao nou ngaozü veahoyu nasü Ramai ye panou peitheo.”

JOB VEI LARÜBVÜ 5:19

Puhnou neye veayu hinou vupapei khai khailai.

TSÜCHITAO 29:25

Maiye piyu haio rüh hi lou-a baiwe, ana Mapao ye louche-a bulouzü zhouvei-a bailai.

ISAIAH 41:10

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

ISAIAH 43:2

Neletao nou reidzü kacho phaki, Enou neletaoye salai peilai; ae veahoyu ve daoyu phaki, sükheye panou neletao jünou veilou ngalou laimoe. Neletao nou mei tachoyu phaki, meiye sü panou neletaoye dei laimoe; ae neletao vei hrümai hi tatei shoyu vedao-a buyuma sükheye panou neletaoye soushiwulai moe.

JEREMIAH 26:14

Ana Ewo louzü neletao vei bah hi bubaie. Neletao nou apei hisü kananou vei-e ae kao-e touyu nasü soulo.

JEREMIAH 38:5

Veo Zedekiah nou chila peie, “Puh sü neletao bah hi bua baie, Enou halia neletaoye nulai moe.”

JEREMIAH 38:6

Südonou puletao nou Eye poloua peikho maitao nou vejüa buyu Veo nahpoutu Malkiah vei dzükhao hi rai nou khiloua laithou khaiwure. Dzükhao hisü dzü ha-e, ana konai khaiko bua baie, ae Esü konai hinou leitare.

JEREMIAH 39:17

Ana Mapao Enou neye vupa peilai, ae neye nenou ngaopiyu maitao bah hi thoupeilai moe.

DANIEL 3:15

Chuo neletao nou shabe, gaigu, lanabvü, khubvü alia poa lou souyu basei natao khosü nghoupayu pai choure toulouzü neletao pei pfüa nakou maizhurai nasü thokhaio. Sübüa neletao nou pei pfüa nakou tho more toulouzü neletaoye sü mei hi laithou deithealai. Neletaoye abah hinou vupapei lousüyu rah kukhe bue tea neletao nou chowu?”

DANIEL 3:17

Etao nou thoa buyu Ramai nanou Etaoye mei hinou ae ne bah hinou vupa peilai toulouzü vupapei shulai.

DANIEL 3:28

Veo Nebukhadnezzar nou paoe, “Rakivamaiye seive puhvei kilai maitaoye vupa peiyu Shadrak, Meshak ae Abednego Ramai ye paosholo! Puletao hai avei kharochi koutea züba-a ae rah kukhe liye thore jüo thaiyu koute ngaopi moa lah puletao vei Ramai ye thoa baie.

DANIEL 6:20

Daniel nou buyu buh hisü puhnou nghikouyu phaki leveashoa puhnou Danielye shusoua lae, “Oh Daniel, Hriyu Ramai vei kilaiwo, nenou nevei hrümai teitei nou peia thoyu Ramai nanou neye souveotao hinou vupapei homoe?”

DANIEL 6:7

Ne khenou buyu Etao peikho maitao, vedei zhu-apei maitao, alia vahdubu buyu mai hrülai nou neye panou chikha ali soupeilai ae sünasü panou vedei teitei hi zhai ali soua talai tea ae-ao souloure, süolouzü Oh Veo, ne hinou moa rah tarali hinou moyuma mai tarali hinou teithe shirou lihai veachi paolouzü, puhye sü souveo be hi laithoulai.

SEI-ATAMAI VAHTAO 24:27

Ana po ahai thaisü Porkia Festa nou Felix thao thaoloure; ana Felix nou Jihudimai züpa sounüa Paul ye hukha hinou phapeimoa khaire.

SEI-ATAMAI VAHTAO 25:11

Ana Enou hakinou thaizüyu mah tali soure toulouzü athai hinou tupa loure halia Enou phoumoe. Ana puletao nou Apei hi mah dukhaiyu sütaosü cheche moe toulouzü, maitalinoua Eye puletao bah hi thoupei louhoe. Enou Achi hai Kaisar nghojünou kupure phouwe.”

SEI-ATAMAI VAHTAO 25:9

Ana Festa nou Jihudimai züpa soupeinüa Paul hi noue, “Nenou chi haitao hai Jerusalem hi takhe Anghojünou kuyu züpawu?”

ROMMAI 13:3

Daiolouzü teidei khomaiye sü avei souyu puletao nou piwu laimoe, ana ashi souyu puletao nou pilai. Teidei khomai puhye sü nenou pilai mowu? Sükulouzü avei nasü soukhaio, alia puhnou neye paosholai,

2 KORINTHMAI 1:10

Haibüyu ngaopi shoyu athai vei rakoshi hinou puhnou Eletaoye khaipapeie, alia Eletaoye khailu peilai; alia puhnou Eletaoye khailu pupei khailai tea Ehnou puh hinou rei-a bue,