DANIEL 6:10 - SHEEYU BAIBEL (BSI)

¹⁰ Veo nou chikha nasü ae-ao souloua sheesao nopeiwure touyu Daniel nou süa bulikhei, puhnou teithetsü puh ki hi veloua puhvei kide areina hinou buyu vabome, Jerusalem hilova reipoa buyu hinou khoukhüloua teitheli hinou bakha asü Ramai hi veachi paoe alia puhye paoshowe.

DANIEL 6:10 Iomraidhean Croise

1 VEMAITO 8:30

Avei veachi alia avei maitao nou buh haina hi reiloua veachi paoyu khesü keinou peio. Nenou buyu rakiva nou Etao nou khoyu khesü keipeio ae Etaoye khaipeio.

1 VEMAITO 8:38

puletao nou veachi paoyu sü keinou peio. Nevei Israel mai tarali noua ledaloua levea nou Rathoki hai hinou bah lapoa veachi pao louzü,

1 VEMAITO 8:44

“Nenou nevei maitaoye taho ngaoba maiye reih soukhaio tea kharochi peiyu phaki, ae puletao nou buh taraki buyuma nenou dopa khai touyu nuhdu ae Enou Rathoki soukhai touyu nahi reiloua veachi paolouzü,

1 VEMAITO 8:54

Solomon nou Mapao hi veachi pao cheyu thai, puhnou khoukhe-a bah la-a buyu posheelabu nghoujü hinou tashu laloure.

2 PUOPAOKO 6:13

(Solomon nou maisou nghoujü tashu laloua chipaoyu buh ali baosahu nou jha duyu nou mitar 2.2 ae sa so-a mitar 2.2 alia kuyu nou mitar 1.3 nou souloua maisou vejüyu toutsü hisü khaipeie. Puhnou maisou panou zhingao khailou süyu buh sühi sünou khoukhü loure, ae puh bah sü ratei lashu loure).

2 PUOPAOKO 6:38

Puletao nou cheche vujünou ledaloua nenou Etao puopaoh hi peikhai touyu teidei, nenou dopa louyu nuhdu, ae neye thore donou Enou soupeiyu Rathoki haina hilo pah pfürei loua veachi pao louzü,

EZRA 9:5

Koukhe vei posheelayu teile veyu phaki, Enou dopfüa buyu hinou lashu loure alia avei sahnü payutao noupoa Enou Ramai hi khoukhü loua ae abah khapaloua

NEHEMIAH 6:11

Enou chila peie, “E hai maiye ngaopi-a tutsüa laiyu mai moe. Avei hrirai vupa loure donou E hai Rathoki hinou tutsüa bushulai tea ne tsüchovu? Enou sübüa soulai moe.”

LOUTAO 34:1

Enou Mapao kalo pao-a bukou telai, Enou puhye teisa nou paosholai.

LOUTAO 5:7

Ana nevei dushoyu lesha vanou nevei ki hisü Enou tave loulou veie; Nevei sheeyu Rathoki hinou ve Enou ratho louveie, ae neye khuhao-a thora louveie.

LOUTAO 55:17

Enou shona, hea ae khei mathe avei veahoyu ae dopfüa laiyu nasü puh hi chouveyu phaki puhnou avei pai sü keinou peilai.

LOUTAO 86:3

Ne hai avei Ramai-e, südonou Eye zhuvea peio; Enou ne hisü teisa nou veachi pao-a bue.

LOUTAO 95:6

Tavelo, Etao puhye nakou khurüloua tho laikhe; Etaoye Sou-apeio Mapao nghoujü nou Eletao khoukhü loulai she!

DANIEL 6:13

Süthaisü puletao nou veo hisü chila peie, “Oh Veo, Judah teidei hinou nüpoa veyu maipu ali Daniel tea kua buyu nanou neye tsükhou moe alia nenou soukhai touyu chikha nasü zümoa puhnou teithe ali hinou bakha asü veachi paowe.”

DANIEL 9:4

Enou Ramai Mapao hi avei maitao nou mah soukhai touyu khesü paopa-a veachi paoe, “Oh Mapaowo, dushoyu ae khupa shoyu Ramai, newo vo soukhai touyu nahai veikhai timoe, alia neye leshiyu mai ae nenou zho lükhai touyu nahai soupfüa buyu mai hisü nevei tobai soumoyu leshi hai bue.

JONAH 2:4

Süthai Enou paoe, ‘Eye sü ne nghoujü nou polaire; chuo kabüa nou nevei rathoki nasü ngaopu khailou laige?’

MARK 3:3

Alia Jisu nou mai nahi paoe, “Nghojülo takoulo.”

LUK NOU RÜYU KO AVEIBVÜ 14:26

“Maita linou Ahi taveloua lah puhvei puo, pfü, chapfü, nahmaitao, thaihou-jürai, tumaitao, ovai puhlah puh pfüzhoye-a ngaoramo louzü puhsü Arozümai soulou hoe.

LUK NOU RÜYU KO AVEIBVÜ 22:41

Alia puhnou puletao hinou chuh laikoulou süpha tadou kouloua sühinou kou khou khüloua veachi paotare,

SEI-ATAMAI VAHTAO 10:9

Thainaisho kisü puletao nou ludu hinou ta-a nuhdu sünahi takou ngheiyu kisü, Pitar sü heako teilecho kiahai tayu phakisü kipei hinou veachi paore donou tapare.

SEI-ATAMAI VAHTAO 2:15

Neletao nou choyu kua mai haitao louzü zhaoh shozhi moe, daiolouzü chu teile haisü shona teilecho akü tabai hie.

SEI-ATAMAI VAHTAO 20:24

Sütoukhaima Enou lah Ahrühai Eye donou ha muhlia hae tea chobaie; Enou züpayuwo louzü Ahrü hi soure vah ea Enou Mapao Jisu hinou ngaolouyu Ramai zhuvea vei ko aveina vanou zhopaoh soure vah souchere sütao likhei baie.

SEI-ATAMAI VAHTAO 20:36

Alia puhnou sübüa paocheyu thaisü puletao hrülaiye koa kou khou khüloua veachi paoe.

SEI-ATAMAI VAHTAO 21:5

Ana Eletao nou puletaoye koa sühinou bure teile cheyu kisü buh süsü thaowu-a Eletao veih duhi talou khaire; alia puletao hrülainou maipfümai ea nahmaitao ye koa Eletaoye nuhdu hinou paosapoa zaipei hi vepeiwu-a sühinou Eletao hrülaisü kou khou khüloua veachi paoe.

SEI-ATAMAI VAHTAO 3:1

Teithe ali hisü Pitar ea Johan sü koukhe teilecho asü tayu pha süolouzü veachi paoyu pha hinou Rathoki hi tave.

SEI-ATAMAI VAHTAO 4:29

Alia chuo, Mapao puletao nou soupiyu hisü zhupeikhaio, alia ne kilai taohi nevei chipao sü khuveishoa paoloure donou soukha peikhaio.

SEI-ATAMAI VAHTAO 5:20

“Takhaio ea Rathoki hinou ve laloua hrü ashu hainavei kosü maikhe mai hi soutaosoua paongao khaio.”

SEI-ATAMAI VAHTAO 5:29

Ana Pitar ea kukhe sei-atamai taonou chila peie, “Ehwo mai chi züre jünou Ramai chinou zü vuzü bailai.

SEI-ATAMAI VAHTAO 7:60

Alia puhnou kou khoukhüloua pai kushoa paoe, “Mapao, mah haina hai puletao pei hi chokhai peiwuso!” Alia puhnou süsü paowu-a zhitare.

SEI-ATAMAI VAHTAO 9:40

Ana Pitar nou puletao hrülaiye panou vakou lüpawu-a kou khou khüloua veachi paoe; süthaisü puhnou thaiphao nahi reiveloua, “Tabitha, tashulouwo tea paoe.” Sühinou puh nghi hepa loure ea Pitarye ngaoloua tashu chobu loure.

EPHESAMAI 3:14

Qo haina vanou Enou Puo nghojünou kou Akhou khüloua veachi paowe,

PHILIPPIMAI 1:14

Alia Enou hukhahi louyu vanou thaihou jürai maitaoliye panou Mapaoye louche puloure, alia sübüa puletaosü Ramai chipao paodouyu hisü pikhai moa teisa nou khuvei pusho loure.

PHILIPPIMAI 1:20

Enou züpashoa ea rei-a buwe süolouzü Eye panou hakia sou ahraowu laimoe, ana teisanou, alia koulihsoua chuo, Enou khuvei sholai, sübüa Ahrümai teiteinou Ehai hri-a, thai-a, Apfüphao hinou Khristaye khuhaoyu sü pongaolai.

PHILIPPIMAI 4:6

Hatali donou dowuso, ana hateitei hinou kalo paoyu noupu veachi pao-a ea kho-a neletao vei akho pfüphousü Ramai hi süngaokhaio.

KOLOSSEMAI 3:17

Neletao nou souyu moa paoyu hata hisü, Mapaowo Jisu zhih hinou Puo, Ramai hi puh vanou kalo pao-a soupfülouwo.

EBRIAMAI 13:15

Sükuyu thaisü, Eletao nou Jisu vanou Ramai hisü tobai soumoa paoshoyu vei posheelayu süolouzü puhye nou Mapaowo süe tea münou dua paopayu sü popei laikhe.

EBRIAMAI 4:16

Südonou Eletao nou Eletao vei moshilaiyu phaki leshi ea zhuvea ngaoloure donou lülouche-a zhuvea vei vebuh hisü takou ngheilou laikhe.

PONGAOPEIYU 2:10

Nenou thala-a veahoyu daore süvanou pikhaiso. Zhukhaio rashinanou neletao kamaiye zhai zhure donou hukhahi laithoulai, alia neletaosü teithe kiruopha veaholai. Athai koute Ahinou cheche-a bulo, alia ahri Veo peirüsü peilai.

PONGAOPEIYU 2:13

Nenou hrüa buyu buh sü Enou süwe, sühisü Saitan vei vebuh bue. Newo Azhih hinou cheche-a bue, alia Avei cheche zhopaoh sou-apeio Antipas ye Saitan nou buyu buh sühinou southeayu ki koutea newo Ahi lüa buyu hai hakia thaokhai moe.