DANIEL 5:2 - SHEEYU BAIBEL (BSI)

² Puletao nou zhaoh soa buyu phaki, Veo Belshazzar nou puhvei peikho maitao, puhvei chapfü maitao ae phuvei khopfü maitaoye panou zhaoh poa sore donou puh puo Nebukhadnezzar nou Jerusalem Rathoki hinou pove khaitouyu sana ae shahu nou soukhai touyu paikhao taosü popawo tea kharochi peie.

DANIEL 5:2 Iomraidhean Croise

2 SAMUEL 9:7

“Ne piso, E ne vei puo Jonathan ye donou Enou neye leshi peilai. Daoh ne paoh Saul teidei teitei sü ne hi lukhai peilai ae neye teisa Enou tousoyu buh hinou koa touso zholai.”

2 VEMAITO 24:13

ae Rathoki hinou buyu ae veo vei ki hinou buyu kini teitei hai Babilon maivei teidei hi potare. Mapao nou rai-a paopeikhai touyu büa Nebukhadnezzar nou Veo Solomon nou Rathoki hi poa vah soure donou sana nou soukhai touyu paikhao khesü daphe daphowure.

2 VEMAITO 25:15

Sana ae shahu nou soukhai touyu khaoshao ae poa meithou biyu natao-a poloua takhai toure.

2 PUOPAOKO 11:20

Puhnou haithai naki kou Absalom nah naotupai Maakah ye napuloue, ae honapai nou puhye nahpoutu adai napeie: Abijah, Attai, Ziza ae Shelomith.

2 PUOPAOKO 15:16

Veo Asa nou puh paih Maakah koute-a veo pfüpai soua buyu buh hinou pophawure, daiolouzü honapai nou ngaorayu Asherah rapfüpai zhurai souloua tho-e. Asa nou honapai vei bashara sü daodere ae souphe soupho sasaloua Kidron deikho hinou meidei laiwure.

2 PUOPAOKO 36:10

Süünghou ae poudai lapayu phaki, Veo Nebukhadnezzar nou Jehoiakin ye sü hukhamai soua Babilon hi nüpoa tare, ae Rathoki hi mutei shoyu na-a taoli poloua tare. Süthaisü Nebukhadnezzar nou Jehoiakin puo thaihou Zedekiah ye panou Judah ae Jerusalem hi veo soure donou vebuh peiwure.

2 PUOPAOKO 36:18

Babilon hi veo nou Rathoki hi buyu kini, veo vei thou-dzü ae puhvei peikho maitao vei sana raka, alia Judah teidei hi buyu na veishi hai Babilon hi potare.

EZRA 5:14

Veo Nebukhadnezzar nou Jerusalem Rathoki hinou sana alia shahu vei na poloua Babilon Rathoki hi khaitouyu tao-a Sairus veo nou popaloua puhnou dopa khaitouyu teidei khowo Sheshbazzar hi peiwure.’

JEREMIAH 27:7

Tyahrü hrülai nou puhvei kuvah soulai, ae puhvei vedei hai kaodu tare teile vemo koute hai puletao nou puhvei nahmai ae tyaomaitao vei kuvah sü soulai. Süthaisü puhvei tyahrü sünou khouko buyu tyahrütao ae dusoyu vemaitao vei kuvah soulai.

JEREMIAH 50:35

Mapao nou paoe, “Babilon sü thaiwulai! Sühi maitao sü southalai, veo nahmaitao ae tsüveiyu maitao thaiwulai.

JEREMIAH 52:19

Puletao nou sana ae shahu nou soukhai touyu na teitei: khaosao taitya, meithou pore khaotao, posheelayu phaki souzhe thoure bvütao, poukai nüvei thouyu khaotao, posheelabu hinou vonai vethouyu bvütao, meivabvü khaibutao, ae poa zhaoh nghoupeiyu bvütao teitei poa takhai toure.

DANIEL 1:2

Mapao nou Judah hi veo Jehoikim ye sü panou nüloure ae rathoki hi buyu paikhao khesü panou poloure. Puhnou hukhamai-a taoli nüpoa tare alia rathoki hinou polouyu natao sü puhnou pove puhvei rathoki hisü khaiwure.

DANIEL 5:11

Nevei vedei hi Sheeyu Ramai vei Rako sa-a laiyu mai ali bue. Ne puo nou hria buyu phaki, puh hisü hasüyu, sükulou süyu tsüdo, alia rahtsü hai Ramai büa puh hi bue. Südonou ne puo Nebukhadnezzar nou puhye panou khei khupado sümai, teingumai alia hasü hangaoyu maitao pei hi panou peikhowo sü soue.

DANIEL 5:13

Süthaisü Danielye veo nghoujü hi saloure. Veo nou Daniel hi noue, “Ne apuo Nebukhadnezzar nou Judah teidei hinou nüpoa veyu Daniel vu?

DANIEL 5:18

Oh Veo, Kukulai hi Abuwo Ramai nou ne puo Nebukhadnezzar ye vebuh, aduso, khouko ae kathe khesü peie.

DANIEL 5:23

Nenou rakiva buyu Mapao ye ngaophou moyu hinou puhvei Rathoki hinou pove khaitouyu paikhaotao sü ne nghoujü popaloua sütao hinou ne, ne khehinou buyu peikhomaitao, ne chapfü maitao, ae nevei khrapfü maitaoye sa-a zhaoh sore. Nenou sülou hoyu, ngaolou hoyu ae choulou hoyu sana, shahu, baosahu, hu, süü ae chuhtao rahye paoshore, ana neye sühao-a buyu alia nenou souyu vah teitei khasa-a buyu Ramai ye nenou tsükhou peilou more.

DANIEL 5:3

Südonou sana paikhao khesü poloua veo vei peikho maitao, puhvei chapfü maitao ae phuvei khopfü maitaoye panou zhaoh poa soe.

DANIEL 5:30

Süzhou khei hinou Babilon hi veo Belshazzar ye mainou southare.

DANIEL 5:4

Puletao nou zhaoh sü so loure, alia sana, shahu, baosahu, hu, süü ae chuh nou soukhai touyu rah khesü paoshore.