DANIEL 5:13 - SHEEYU BAIBEL (BSI)

¹³ Süthaisü Danielye veo nghoujü hi saloure. Veo nou Daniel hi noue, “Ne apuo Nebukhadnezzar nou Judah teidei hinou nüpoa veyu Daniel vu?

DANIEL 5:13 Iomraidhean Croise

EZRA 10:16

Nüsa-a tayu hinou khaive louyu maitao nou haibüa vah sü souloure. Napao Ezra nou khü khü hinou süthai-apeimai dopaloua zhih rüloure. Khoukha kirou, teithe arai zhou hai puletao nou vah sü soutae.

EZRA 10:7

Jerusalem alia Judah teidei teitei hi nüpoa tayu hinou dakhai velouyu maitao hai Jerusalem hinou ve zülai tea ko seita-e,

EZRA 4:1

Judah alia Benjamin khütaoye ngaoba mainou nüpoa tayu maitao nou khaidave Mapao vei Rathoki nasü soudakhai tare touyu süloukhaie,

EZRA 6:16

Süthaisü Israel maitao, napao maitao, Levi maitao, alia ngaoba mainou nüloua dakhai veyu mai hrülai nou asashoa Rathoki sü Ramai bah hi posheela peie.

DANIEL 1:1

Veo Jehoikim nou Judah hi vekoulouyu po asü kousü Babilon hi veo Nebukhadnezzar nou Jerusalem hi reih hulou poloure.

DANIEL 1:2

Mapao nou Judah hi veo Jehoikim ye sü panou nüloure ae rathoki hi buyu paikhao khesü panou poloure. Puhnou hukhamai-a taoli nüpoa tare alia rathoki hinou polouyu natao sü puhnou pove puhvei rathoki hisü khaiwure.

DANIEL 1:21

Parsia hi veo Sairas nou reih soulou Babilon polouyu koute Daniel nou veo vei chiku apeimai ali soua bue.

DANIEL 1:6

Dokupa khaitouyu nahlemaitao hrohisü Judah khü hinou hrüveyu Daniel, Hananiah, Mishael, ae Azariah hai maitao-e.

DANIEL 2:25

Süthaisü Ariok nou theashoa Daniel ye sü veo nghoujü hi salou peie, alia puhnou veo hisü haibüa paoe, “Judah teidei hinou nüpoa veyu maitao hrohinou veo vei me ae süsü daivanoue touyu paopeilou süyu mai ali Enou ngaoloua salaire.”

DANIEL 2:48

Süthaisü veo nou Daniel ye tsükhou shopeie ae buu peie, alia puhye panou Babilon teidei teitei pei hi khore vahdubu thoupeiwure, ae Babilon hi hasü hangaoyu mai hrülai pei hi panou peikhowo sü soue.

DANIEL 5:11

Nevei vedei hi Sheeyu Ramai vei Rako sa-a laiyu mai ali bue. Ne puo nou hria buyu phaki, puh hisü hasüyu, sükulou süyu tsüdo, alia rahtsü hai Ramai büa puh hi bue. Südonou ne puo Nebukhadnezzar nou puhye panou khei khupado sümai, teingumai alia hasü hangaoyu maitao pei hi panou peikhowo sü soue.

DANIEL 5:14

Sheeyu Ramai vei Rako ne hi bue ae soulou süyu dokai, hasüyu alia hali hala süyu rahtsü ne hi bue touyu Enou süwe.

DANIEL 5:18

Oh Veo, Kukulai hi Abuwo Ramai nou ne puo Nebukhadnezzar ye vebuh, aduso, khouko ae kathe khesü peie.

DANIEL 5:2

Puletao nou zhaoh soa buyu phaki, Veo Belshazzar nou puhvei peikho maitao, puhvei chapfü maitao ae phuvei khopfü maitaoye panou zhaoh poa sore donou puh puo Nebukhadnezzar nou Jerusalem Rathoki hinou pove khaitouyu sana ae shahu nou soukhai touyu paikhao taosü popawo tea kharochi peie.

DANIEL 6:13

Süthaisü puletao nou veo hisü chila peie, “Oh Veo, Judah teidei hinou nüpoa veyu maipu ali Daniel tea kua buyu nanou neye tsükhou moe alia nenou soukhai touyu chikha nasü zümoa puhnou teithe ali hinou bakha asü veachi paowe.”

DANIEL 8:1

Veo Belshazzar nou vekoulouyu po asü navu, ahai chena soua Daniel, Enou haibüa zho ngaoe.

DANIEL 8:27

Daniel, E sü teithe taoli vealoua souloure. Süthaisü veipa loua Enou veo vei vahbu hisü tare. Ana Enou ngaoyu zho süna vanou atsü haore ae Enou süsü sülou hore.

JOHAN 7:1

Haithaisü Jisu nou Galilee hi tasühao tare; puh hai Judea hi tanükhai more, daiolouzü Jihudimai taonou puhye southeare donou phoua bue.

JOHAN 7:3

Südonou puh thaihou jürai maitao nou puh hi paoe, “Ne rozümai taonou nenou soua buyu vah taosü ngaoloure donou buh hainasü thaowu-a Judea hi tawo.