DANIEL 5:12 - SHEEYU BAIBEL (BSI)

¹² Maipou süna hisü soulou süyu dokai, hasüyu, me paolapa peilou süyu, nadachi süyu, alia khei khupayu khesü paolou süyu bue; südonou maipu sünaye ne puo Veo nou Belteshazzar tea kuyu, Danielye sü kulo, sütoulouzü puhnou ne hi kivo va hi rükhai touyu larücha nasü daitouwe touyu paopei lousüe.”

DANIEL 5:12 Iomraidhean Croise

LOUTAO 16:3

Mapao vei chilee checheyu maitao hai daizhou koute veisa! Enou sava kayu hai puletaoye koa buyu nasüe.

TSÜCHITAO 12:26

Acheche maiwo puhvei samaitaoye kaozü hinou süthaisa-a tapeiwe, ana mai ashimai luduwo puletaoye süthaimah peia baiwe.

TSÜCHITAO 17:27

Lah vei chipao tukha louyu maisü tsüdo bue, alia tsüle kaonayu maisü tsüsüyu mai-e.

EZEKIEL 28:3

Ne hai Danel jünou tsü veipu hie. Kheiyu halia ne hinou pokulou hoe tea ne lah tsüchowe.

DANIEL 1:17

Ramai nou nahlemai haitao adai hisü tsüvei, larü süyu ae ratsü sü peie. Süjünoua pua Daniel hisü zho ngaoyu ae me paolalou süyu tsüdo hai-a peie.

DANIEL 1:7

Peikhowo nou puletaoye zhih ashu haibüa sapeie: Daniel zhih sü Belteshazzar, Hananiah zhih sü Shadrak, Mishael zhih sü Meshak, alia Azariah zhih nou Abednego tea sapeie.

DANIEL 2:26

Veo nou Daniel (puhvei zhih kukhe ali hai Belteshazzar tea kuwe) hisü paoe, “Enou me muyu ae süna vei artha daitouwe touyu nenou paopeilou süwu?”

DANIEL 4:19

Süthaisü Belteshazzar tea kua buyu Daniel hai teile phazütou lihai khupa sholoua tsü hare. Veo nou Daniel hi paoe, “Belteshazzar, ne Enou me muyu na vanou mokhaia sünasü daivanoue touyu donou ngaopiso.” Belteshazzar nou chila peie, “Oh Apaopuwo, nevei me nahai neye donou moa nevei ngaoba maiye donou baie toulouzü daizhou koute veilaisa!

DANIEL 4:8

Süthaisü akhai khailai nasoua Daniel nou ahi taloue (Puh zhih hai avei rah na zhih raia Belteshazzar tea kuwe). Sheeyu Ramai vei rako hai puh hi bue, südonou Enou avei me nasü puh hi paoe:

DANIEL 5:14

Sheeyu Ramai vei Rako ne hi bue ae soulou süyu dokai, hasüyu alia hali hala süyu rahtsü ne hi bue touyu Enou süwe.

DANIEL 5:16

Ana nenou khei khupado ae mainou sülouhoyu khesü nenou sülou süe touyu Enou choue. Südonou kivo hi rükhai touyu larücha nasü phoupaloua ae süsü daivanoue touyu ahi paopei louzü, Enou neye vemai vei sabanü banao peilai, sanatou tou peilai, alia avei vedei hi pa asü cheyu vahdubu abuwo sü neye panou soulai.”

DANIEL 6:3

Süthaisü vedei hi aduso maitao alia peikho maitao hrülai jünou Daniel nou veipu shohie, daiolouzü puh hisü checheyu rako bue, alia veo nou Danielye panou vedei teitei pei hi khowo soulai tea tsücho loure.

DANIEL 6:4

Südonou aduso maitao ae peikho maitao nou Daniel nou vah souyu hi puhvei mah phoue, ana puletao nou puh hisü mah phouhare, daiolouzü puh hai mainou louchelou veiyu mai alie, alia puhnou kaomoyu ae cheche moyu vah khesü aliro sou moe.

KOLOSSEMAI 1:29

Vah hainasü souche loure donou Khrista nou peiyu ea Alekhe hinou vah soua buyu chihshoyu khouko süsü sei-a Enou tewe ea nghojülo hukouwe.