DANIEL 4:5 - SHEEYU BAIBEL (BSI)

⁵ Ana Enou zhia buyu phaki ngaopi shoyu me ali mue, alia süna vanou Eye sü daichosho baire.

DANIEL 4:5 Iomraidhean Croise

SHURAI 41:1

Po ahai thailo Pharaoh veo hai teitheli mekou nou Nail rei pe hinou la-a bua mue.

DANIEL 1:7

Peikhowo nou puletaoye zhih ashu haibüa sapeie: Daniel zhih sü Belteshazzar, Hananiah zhih sü Shadrak, Mishael zhih sü Meshak, alia Azariah zhih nou Abednego tea sapeie.

DANIEL 2:1

Nebukhadnezzar nou vekoulouyu po ahai kousü puhnou me ali mue, alia me süna muyu donou puhsü levea shore ae zhithoulou hore.

DANIEL 2:3

Veo nou puletao hisü paoe, “Enou me ali mue, ae me süna vei artha daitouwe touyu E sülou nüyu donou ale veare.”

DANIEL 4:10

“Enou zhia buyu phaki, ame kounou süübe dushoyu ali deiphao touchü hinou paopa-a ngaoe.

DANIEL 4:13

“Enou sünaye sü zhua tsüchoa buyu phaki, leikeia khoyu rakivamai ali hai raki vanou takouyu Enou zhingaoe.

DANIEL 4:15

Ana sünavei süümü nasü hurai nou phuloua deiphi hi khaikhaitouo, sübüa deiphi hinou buyu pounghou khesü koa panou buwo. “‘Puhye sü panou vidzü nou kou cha-a rekhaona ae pounghou koa hrüwo.

DANIEL 4:19

Süthaisü Belteshazzar tea kua buyu Daniel hai teile phazütou lihai khupa sholoua tsü hare. Veo nou Daniel hi paoe, “Belteshazzar, ne Enou me muyu na vanou mokhaia sünasü daivanoue touyu donou ngaopiso.” Belteshazzar nou chila peie, “Oh Apaopuwo, nevei me nahai neye donou moa nevei ngaoba maiye donou baie toulouzü daizhou koute veilaisa!

DANIEL 5:10

Veo alia puh khehinou buyu peikho maitao nou rao-a buyu paisü choloua vepfüpai nou maiye tovai vaiyu ki hisü taloure alia veo hisü paoe, “Oh Veo, ngaopiso, mokhaia ne leveaso.

DANIEL 5:11

Nevei vedei hi Sheeyu Ramai vei Rako sa-a laiyu mai ali bue. Ne puo nou hria buyu phaki, puh hisü hasüyu, sükulou süyu tsüdo, alia rahtsü hai Ramai büa puh hi bue. Südonou ne puo Nebukhadnezzar nou puhye panou khei khupado sümai, teingumai alia hasü hangaoyu maitao pei hi panou peikhowo sü soue.

DANIEL 7:1

Babilon hi veo Belshazzar nou vekoulouyu po arai nahisü Daniel nou mekou nou zho ali ngaoe. Sütaosü puhnou rüthou khailoue, alia süzhou khei puhnou ngaoyu zho nasü haibüe:

DANIEL 7:28

Akhai nasü haihaie. Daniel, E sü tsücholoua ngaopire, alia avei zhuh shirah tare, ana chi paokhai touyu taosü Enou ale hi pokhai loure.