DANIEL 4:34 - SHEEYU BAIBEL (BSI)

³⁴ “Po anai cheyu teithe zhousü, Nebukhadnezzar, Enou rakiva hi nghithou hepa zhue, alia avei tsü sü ahi dakhai veloue. Enou Kukulai hi Abuwo, teisa nou hria buyu Ramai ye tsükhoue ae Puhye paoshowe. Puhnou teisa adu-so nasü soua hrülai, alia puhvei vedei hai akhai touyu hae.

DANIEL 4:34 Iomraidhean Croise

2 SAMUEL 22:31

Ramai Mapao louzü puhvei ludu sü veichekhoe, puhvei chipao sü kaomoyu ali-a hae. Puhvei vupapei phouyu mai hrülai hisü puh hai rü ali bütoue.

1 PUOPAOKO 29:10

Maisou vejüa buyu nghoujünou David veo nou haibüa Mapao ye paoshoe, “Oh Etao puopaoh Jakob vei Ramai Mapao, neye sü teisa nou paosholai!

1 PUOPAOKO 29:13

Etao Ramai, Etao nou neye kalo paowe, ae nevei zhih aduso nasü paoshowe.

JOB VEI LARÜBVÜ 1:21

Puhnou paoe, “E hali-a pomoa nave-a baie, alia E hali-a pomoa thai-a bailai. Mapao nou pei-a baie, ae chu-a puhnou podakhai loua baie. Puh zhih sü paoshoyu soulou theo.”

LOUTAO 10:16

Mapao sü akhai ha-a teisa nou veo sü soulai. Rah kukheye thoyu maitao hai puhvei teidei hinou hata-a bailai.

LOUTAO 102:24

Oh Ramai, E tsülou mojüo Eye pota peiso. Oh Mapaowo, newo louzü teisa nou bukou telai;

LOUTAO 107:15

Mapao nou puletaoye zhuvea leshi peiyu donou puletao hai puh kalo paozüe, daiolouzü puhnou puletaoye donou khupayu vah haso alao soumoa soupeie.

LOUTAO 107:22

Puletao hai posheela peiyu noupu koa puh kalo paozüe, ae asayu lou nou koa puhvei vah haso khesü paopeio.

LOUTAO 107:31

Mapao nou puletaoye zhuvea leshi peiyu donou puletao hai puh kalo sü paozüe, daiolouzü puhnou puletaoye donou khupayu vah alao soupeie.

LOUTAO 107:8

Mapao nou puletaoye leshi peiyu donou puletao hai puh kalo paozüe, daiolouzü puhnou puletaoye donou khupayu vah haso alao soupeie.

LOUTAO 111:7

Puhnou soupfüyu vah teitei hai louche louveie ae kaozü hinou soua baie; puhvei kharochi pfüphou hai veikhai-a baie.

LOUTAO 121:1

Enou deichi khesü zhu-e; daikinou Eye soukha peire nasü velai?

LOUTAO 123:1

Raki vanou vebuh soukhaitou-a buyu Mapao, Enou neye lashu zhua nou bue.

LOUTAO 145:13

Nevei vedei hai teisa vei vedei soulai, ae nenou akhai ha-a teisa nou veo sü soulai. Mapao nou paokhai touyu chipao teitei hai cheche-a vete-a bailai, ae puhnou soupfüyu veishi hai zhuvea leshi hinou soupeia baie.

LOUTAO 146:10

Mapao nou teisa sü veo soulai. Oh Zion, nevei Ramai nou akhai ha-a teisa nou veo sü soulai. Mapao ye paosholo.

LOUTAO 50:14

Neletao nou kalo paoyu sünanou Ramai hi posheela sü soupeio, ae neletao nou soulai tea chaachou soukhai touyu puhsü Kukulai nahi cheche-a souvete peio.

LOUTAO 66:7

Puhnou teisa nou puhvei khouko sünou khasa-a hrüe, ae puhnou tyahrütaoye sü zhupoa nou bue. Khaitya-a puhye duyu maiye panou veilouyu sü soupeiso.

LOUTAO 7:17

Mapao vei acheche na vanou Enou puhye kalo paowe; Akukulai hi buyu Mapao hisü Enou lou soushowe.

LOUTAO 9:2

E ne vanou asa shoa lou soulai. Akukulai hi buyu Ramai, Enou neye lou sou sholai.

LOUTAO 92:1

Oh Mapaowo, ne hi kalo paoyu hai daizhou koute veisa, nevei zhih aveih nasü lou soushoyu hai dai zhou kou te savasa, Oh Kukulai hi buyu Ramai,

ISAIAH 13:11

Mapao nou paoe, “Enou deiphao sü soushiwulai, ae mai ashi maiye puletao mah donou soushiwulai, khaophu souyu maiye sü souhawulai, ae leshiyu ha-a aduso zhai soua laiyu maikhe sü sounakou khaipeilai.

ISAIAH 2:11

Khaophu souyu maiye panou akhai soure ae khaityayu maiye souhawure teile sü velaire. Süzhou teithe sü Mapao ye likhei paosho-a bailai.

ISAIAH 24:15

alia teinghi palova buyu maitao-a puhye paosholai, ae zai pehao hinou hrüyu maitao nou Israel maivei Ramai Mapao zhih sü paosholai.

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

DOPFÜYU 3:38

Havei-a moyuma hashiro puhvei kharochi thaifüa vepa-a bubaie.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 4:2

Kukulai Ramai nou ahi khupa shoyu ngao-a buyu nasü neletao hi paosü ngaowe.

DANIEL 4:26

Rakivamai nanou süümü nasü hurai nou phuloua khaikhaitouo touyu hai, Ramai nou deiphao teitei hai tukha-a bue touyu nenou süloure toulouzü neye panou thaimoa nevei vedei nasü dakhai ne hi peilai.

DANIEL 4:3

“Puhvei khupayu hai daizhou koute dusa! Puhvei khupa vah hai daizhou koute khouko busa! Teisa puhnou veo sü soulai; ae puhnou mai khaphao teitei hisü khasa-a hrülai.

DANIEL 4:32

Neye mai hrohinou hulaiwulai, alia rekhaona taoye koa panou sa-a hrülai, ae chode ali büa neye panou poudai toulai. Kukulai hi Abuwo Ramai nou deiphao maivei vedei teitei pei hi khasa-a bue alia puhnou vebuh sü peinüyu mai hi peia baiwe touyu nenou süloumo koute po anai hai nenou sübüa hrülai.”

DANIEL 4:36

“Avei tsü ahi dakhai veyu phaki, Eye tsükhouyu, khuhaoyu, kathe aveih ae avei vedei sü ahi dakhai peie. Avei peikhomaitao ae hasü hangaoyu maitao nou Eye dakhai popeie, alia avei vebuh sü raichoki jünoua dupua ae tsükhoupua Eye dakhai peie.

DANIEL 5:18

Oh Veo, Kukulai hi Abuwo Ramai nou ne puo Nebukhadnezzar ye vebuh, aduso, khouko ae kathe khesü peie.

DANIEL 5:21

Puhye mai hrohinou hulai peie, ae puhvei tsüle sü rekhaona ali büa soupeie, ae puhye panou rheisüh kheye sa-a hrüe alia chode büa panou pou toue, alia puhvei pfüphao hai rakiva nou kouyu vidzü shoa panou hrüe. Akhai hinou kou puhnou Kukulai Ramai nou deiphao maivei vedei teitei pei hia khosa-a hrüwe alia puhnou peinüyu mai tarali hi vebuh nasü peilou süe touyu süloue.

DANIEL 6:26

Enou kharochi haina sü peiwe, süolouzü avei vedei hi hrüyu mai hrülai nou “Daniel nou thoyu Ramai ye sü ngaopia tsükhoulai. Daiolouzü puh hai hriyu Ramai nasüe, Puhnou teisa khasa-a hrülai; Puhvei vedei sü akhai bulai moe, alia puhnou khosa-a hrüre hai akhai bulai moe.

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

DANIEL 9:14

Südonou Mapao Eletao vei Ramai puhnou tudee laiyu nasü soudaloua Etao pei hi pove peie, daiolouzü puhnou souyu vah teitei hai chechea baie, alia Etao nou puh pai sü keipei moe.

JONAH 1:14

Südonou puletao nou Mapao hisü kra-a nou paoe, “Oh Mapaowo, zhuvea nou mai haina hrü hai polouo, Etao ye souha peisouo, alia haina vei zhe sü panou etao pei hi kou peisouo, Oh Mapao, hai teitei hai neye donou baie, Ne dosü soulouo.”

MIKAH 4:7

Puletao hai shovaire ae ki hinou kadou sho-a tare, ana ki thaowua vakou tayu maitaoye Enou hrü ashu panou hrütalai, ae duso shoyu tyahrü ali soupeilai. Süzhou sü Mapao nou puletaoye teisa donou Zion Deichi hinou khasa-a hrülai.”

LUK NOU RÜYU KO AVEIBVÜ 1:33

alia puhnou teisanou Jakob tyaonah khemai pei hisü veo soua hrülai, alia puhvei vebuh sü hakia akhai bulaimoe!”

LUK NOU RÜYU KO AVEIBVÜ 18:13

“Ana kikha khamai sünanou puh pahsü rakilo pfülanümoa adou kounou, la-a bue, ana puhnou puh khaosü khouloua paoe, ‘O Ramai, mahmai Eye zhuvea leshipeio!’

JOHAN 5:26

Daiolouzü Puo puhlah hi ahri buyu kua, Puhnou Nahpoutuye-a lah puh hi ahri buloure aetou peiwure;

PAODAKHAIYU CHIKHA 32:4

“Mapao hai neletaoye vupeiyu Chuhdu nasüe, puhvei ludu teitei sü kaokhai toubaie. Neletao Ramai hai louchelou veiyu Ramai-e, Puh hi kaomoyu ali-a hae, kaozü süyu ae acheche sü puh-e.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

1 TIMOTHI 6:16

Puh likhei teisanou hribaie; puh hai maitalinoua tavelou hoyu avana hinou hrüwe. Maita linoua puhye ngaokhai mohie moa maita linoua puhye ngaolou hoe. Puh hisü tsükhouyu ea adu-sho sü teisanou buyu souloutheo! Amen.

PONGAOPEIYU 10:6

alia raki, deiphao, zai ea sütaohi buyu na teiteiye soupeiyu, teisanou hria buyu Ramai puh zhih sü kua puhnou chachouli soue. Rakivamai sünanou haibüa paoe, “Sühisü chaopuyu soukhai laimoe!

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 4:10

tsümai kaidai sütaonou vebuh hinou buyu puh nghojü nou kou kaoloua teisa nou hria buyu puhye sü khurüwe. Puletao nou puletao vei veo peirü taosü vebuh süna nghojü hi polai koulou-a haibüa lou souwe:

PONGAOPEIYU 4:9

Alia hrikhaona sütaonou teisanou hria vebuh hinou buyu puh hi adusho, tsükhouyu ea kalo pao-a lou souyu tsühsü,