DANIEL 4:30 - SHEEYU BAIBEL (BSI)

³⁰ Puhnou haibüa paoe, “Haizhou koute veishoyu Babilon nuhdu hai, avei kathe ae khouko popa ngaore donou Enou soulou mowu?”

DANIEL 4:30 Iomraidhean Croise

SHURAI 10:10

Shurai hi hai puhvei vedei sü Babel, Erek ae Akad, haitao asü nou Shinar (Babilon) teidei hinou bue.

ESTHER 1:4

Khouh arou koute puhnou puhvei vedei hi kini, kaathe alia veiduso taosü pongaoe.

LOUTAO 104:1

Oh Arako, Mapao ye paosholo! Oh Mapaowo, avei Ramai, ne hai daizhou koute due! Ne maizü khouko ae aduso sünou banou poa nou bue;

LOUTAO 49:20

Dusoyu mai koute-a athai hisü nou tureipa louhoe, soukhaona ali bütoua puh-a thai bailai.

LOUTAO 73:8

Puletao nou mai kukhe maiye konüpeia chila ashi sünou paopeie; puletao hai khaophu soupoa maiye souvea peilai tea bua baiwe.

TSÜCHITAO 11:2

Khaophu souyu maisü thasho-a hraongu vedao baiwe; ana tainou soumai hisü tsüvei bue.

TSÜCHITAO 16:18

Khaophu soupa khai-e hakata baiwe, ae rochi lekhai-e kaotayu nou rai-a baie.

TSÜCHITAO 29:23

Mai livei khaophu nanou puhye ponakou bailai, ana tainouti souyu mai nanou khuhaoyu sü ngaoloulai.

ISAIAH 13:19

Veishoa buyu Babilon vedei, alia sühinou hrüa buyu maitao vei khaophu ae kathe khesü, Mapao, Enou souhayu teithe sü Sodom ae Gomorrah raibüa bailai.

EZEKIEL 29:3

Ramai Mapao nou Ejipt hi veoye haibüa paoa nou bure tea paopeio: Rei dzü hinou dazüa buyu keipaodu, Enou neye ngaobayu mai nasü souta laire. Nenou Nail Rei hai nevei baie ae nenou souloua baie tea nou pao-a bure.

DANIEL 4:31

Veo nou chipao haitao paoche loumo kinou raki vanou pai ali haibüa shakoue: “Oh Veo Nebukhadnezzar, nevei vedei hai ne hinou potawu laire.

HABAKKUK 1:11

Süthaisü puletao nou teikhai büa tabaiwe, puletao vei khouko sünou ramai soua baie.”

LUK NOU RÜYU KO AVEIBVÜ 14:11

Daiolouzü lah puhye soukuyu mai taliye sü sounalai, alia lahnou natai-a buyu puhye sü souku peilai.”

LUK NOU RÜYU KO AVEIBVÜ 14:9

alia nehai maihaiye kuveyu nevei shepao nanou taveloua nehinou, ‘Buh hainasü panou mai hainaye buwo’ tea paoyu kisü ne sü akhai khailaina buh hi kou bure ahraolai.

1 KORINTHMAI 10:31

Sübülouzü veire, neletao nou tou-a sho-a moa hatali soupfü-a hateitei sü Ramai kathe donou soukhaio.

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”

PONGAOPEIYU 14:8

Kukhe rakivamai ahai chenanou araina thaisü füa haibüa paoe, “Puhsü kaotare! Dushoyu Babilon sü kaotare! Puhnou tahrüh khemai hrülaiye puhvei khulou souyu vei souvoyu zhaoh nasü panou sholoure!”

PONGAOPEIYU 16:19

Dushoyu nuhdu nasü zhasüsoua soukhore, alia tahrüh khemaitao teiteivei nuhdu taosü souhare. Alia Ramai nou dushoyu Babilon ye sü licholoua puhye panou puhvei lekha-rarouyu zhaohnou phoupfüa buyu pai nasü küloure.

PONGAOPEIYU 17:5

Puh puhisü haibüyu, “Dushoyu Babilon, deiphao hi khakha maitao ea ngaorayu hrülai vei pfü, touyu khei zhih ali rüthou pfülaie.”

PONGAOPEIYU 18:10

Puhvei veahoyu hi lou zha ngaozhoyu sü ngaopi-a puletaosü adou konou la-a haibüa paolai, Daizhozhou ngaopisa! Daizhozhou ngaohisa! Oh dushoyu nuhdu, Oh khoukhoulai nuhdu, Babilon! Teilecho ali levai hinou nevei hakayu sü veloure!

PONGAOPEIYU 18:21

Sükisü khoushoyu rakivamai alinou dushoyu thouh veiyu chuhpa deiyu chuhli poloua süsü zaihi polaithouloua paoe, “Haibüyu zhai hinou dushoyu Babilon nuhduye sü chihsho-a polaithouwu-a panou ngaopukhai laimoe.