DANIEL 4:3 - SHEEYU BAIBEL (BSI)

³ “Puhvei khupayu hai daizhou koute dusa! Puhvei khupa vah hai daizhou koute khouko busa! Teisa puhnou veo sü soulai; ae puhnou mai khaphao teitei hisü khasa-a hrülai.

DANIEL 4:3 Iomraidhean Croise

JOB VEI LARÜBVÜ 25:2

Ramai sü khouko bushoe, mai hrülai nou puh nghoujünou tainou sou-a puhye pilai. Puhnou rakiva vedei sü kaona-a khaipeie.

LOUTAO 104:24

Mapao, nenou soupeikhai touyu na khesü daizhou koute pousa! Ne hai daizhou koute tsüdo vei-a nou haitao veishi sü soupeisa! Deiphao hai nevei bashana khenou phoutao-a bure.

LOUTAO 105:27

Puhai nou Ejipt teidei hinou Ramai vei vah haso ae khupayu vah khesü soungao peie.

LOUTAO 145:13

Nevei vedei hai teisa vei vedei soulai, ae nenou akhai ha-a teisa nou veo sü soulai. Mapao nou paokhai touyu chipao teitei hai cheche-a vete-a bailai, ae puhnou soupfüyu veishi hai zhuvea leshi hinou soupeia baie.

LOUTAO 66:7

Puhnou teisa nou puhvei khouko sünou khasa-a hrüe, ae puhnou tyahrütaoye sü zhupoa nou bue. Khaitya-a puhye duyu maiye panou veilouyu sü soupeiso.

LOUTAO 72:18

Israel maivei Ramai Mapao ye sü paosholo! Puh likhei haibüa khupayu vah haso khesü soua baie.

LOUTAO 77:19

Nenou dzü khüpayu phao hinou tawe, nenou zaidu nasü tachopa peie, ana nevei phihea sü ngaomoe.

LOUTAO 86:10

Ne hai dusho-e, ae khupayu vah haso khesü soupeie; ne likhei Ramai sü baie.

LOUTAO 92:5

Mapao, nevei vah haso khesü daizhou koute dusa! Nenou tsüchoyu khesü daizhou koute thousarou!

ISAIAH 25:1

Oh Mapao, ne hai avei Ramaie, Enou neye tsükhoulai alia ne zhih sü Enou paosho peilai. Daiolouzü nenou khupayu vah tyatyali soupeie, raichoki nou tsüchoda khaitouyu teitei sü nenou veikhai toumoa souvete peie.

ISAIAH 28:29

Tsüdo haitao teitei hai Khoukhoulai Mapao hinou ve-e, ae puhvei tsüdo hai veisho-e.

ISAIAH 9:7

Nuh teidei khasa-a hrülai puhvei khouko sü dupupalai; puhvei vedei sü teisa nou kaona-a bulai. David veo vei tyaosholea sou-a Puhnou vebuh hi bulai, chunou poa akhai koute acheche hinou ae kaozü hinou puhnou khasa-a hrülai. Khoukhoulai Mapao nou hai teitei sü haibüa soulai tea le lawure.

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

DANIEL 2:2

Südonou puhnou keingumai, kheikhupado sümai, keingumai ae hrürayu mai hrülaiye tave puhnou me muyu nasü daitouwe touyu paopeio tea kupoa ve-e. Puletao nou veo nghoujü hi tave lalouyu phaki,

DANIEL 2:44

Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 4:17

Haibüa nou chikude peiyu hai leikeia khoyu rakivamai nanoue, süsü daivanoue toulouzü Kukulai hi abuwo Ramai hai deiphao maivei vedei hia puhvei khouko bue, alia puhnou vedei nasü mai tarali hia peinüyu mai hisü peilou süe touyu deiphao mai hrülaiye panou süloulai.’

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

ROMMAI 11:33

Ramai vei kini hai daizhozhou dusa! Puhvei ratsü ea tsü hai daizhozhou thousa! Thaohnou puhvei chikuyu hai paongao peilousüe? Thaohnou puhvei ludu hai sülousüe?

PAODAKHAIYU CHIKHA 4:34

Moyuma Ramai kukhe ali-a tyahrü aliye tyahrü kukhe mai bah hinou popaloua puhvei mai panou soulai tea teyu, shee soungaoyu, khupa vah souyu, reih soupeiyu, khouko bushoyu bah thaipa süthaisa-a tapeiyu, ngaopi shoyu vah tyali soupei-a neletao nghithou vuzünou ngaoyu neletao Ramai Mapao nou souyu büa soupeiyu buhage?

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

EBRIAMAI 1:8

Ana Nah Poutu vanou Ramai nou haibüa paoe: “Nevei vedeiwo, Oh Ramai, khainou khaikoute bulai! Nenou nemaitaoye sü acheche sünou tukha-a hrüwe.

EBRIAMAI 2:4

Sükuyu pha hinou Ramaia sühisü sheetaonou khupa vah tyalinou soua ea puhnou lichoyu thaifüa Rako Mashivei sapeina taonou pozhihpeia zhopaoh soungaopeie.

1 PITAR 4:11

Maita linou ko paodou louzü süsü Ramai chipaonou paodoulai, maita linou kuvah soulouzü süsü Ramai nou puh hi peikhai touyu khoukonou poa kuvah soulai, sükua Jisu Khrista vanou Ramaiye ha pfüphou hinou paosho loure soulai. Kathe ea adusho sü Jisu Khrista veie teisanou. Amen.

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”