DANIEL 4:19 - SHEEYU BAIBEL (BSI)

¹⁹ Süthaisü Belteshazzar tea kua buyu Daniel hai teile phazütou lihai khupa sholoua tsü hare. Veo nou Daniel hi paoe, “Belteshazzar, ne Enou me muyu na vanou mokhaia sünasü daivanoue touyu donou ngaopiso.” Belteshazzar nou chila peie, “Oh Apaopuwo, nevei me nahai neye donou moa nevei ngaoba maiye donou baie toulouzü daizhou koute veilaisa!

DANIEL 4:19 Iomraidhean Croise

SHURAI 31:35

Rachel nou puh puo hisü “E khouh khouh vei zhe tayu teile velouyu donou kushu lalou shire, apuo ne vamoyu soupeiso” tea paoloure. Laban nou kikha veishi phouyuma bashara nasü ngaolou more.

SHURAI 32:18

neletao nou haibüa paolo: ‘Ne kilai Jakob veie.’ Puhnou haitao hai puh jürai Esau hi sapeina soua peire donou seitawe ae Jakob-a Etao thailo na-a laire.”

SHURAI 40:12

Josef nou paoe, “Süna vei qo sü haikue: bo asü nasü teithe asüe.

1 VEMAITO 18:7

Obadiah nou ludu ta-a buyu teile hinou puhnou Elijah ye daoloure. Obadiah nou puhye sü zhuh shiloure, puhye nakou khurüloua puh hi noue, “Ne apaopu Elijah movu?”

TAPALOUYU 32:32

Ana zhuvea puletao mah sü khaipeio; nenou puletao mah sü khaipei laimoe toulouzü, nevei larübvü hinou azhih rüthou khai touyu nasü popha laipeio.”

JEREMIAH 29:7

Enou neletaoye hukhamai soua seitayu nuhdutao donou te-a vah aveih soupeio. Puletao thaosou veachi paopeio, daiolouzü puletao nou sava louzü, neletao-a vasalai.

JEREMIAH 4:19

E veare, E veare! E souzhule donou shalou hore! A lethou! Alethou soulere! E ngasou buthoulou hore; Soureih soure paikho ae shabekho khaikho nou E chou-a baire.

DANIEL 1:7

Peikhowo nou puletaoye zhih ashu haibüa sapeie: Daniel zhih sü Belteshazzar, Hananiah zhih sü Shadrak, Mishael zhih sü Meshak, alia Azariah zhih nou Abednego tea sapeie.

DANIEL 2:26

Veo nou Daniel (puhvei zhih kukhe ali hai Belteshazzar tea kuwe) hisü paoe, “Enou me muyu ae süna vei artha daitouwe touyu nenou paopeilou süwu?”

DANIEL 2:37

Vemai pei nou veo soua buyu Oh Puo Veo, rakibu Ramai nou neye vedei, khouko, pfüchi, mainou tsükhouyu alia kathe sü peie.

DANIEL 4:24

“Oh Puo Veo, süsü daivanou paowe toulouzü, Kukulai hi Abuwo Ramai nou ne hi haithai daidai panou vepalai touyu süngao peiwe.

DANIEL 5:12

Maipou süna hisü soulou süyu dokai, hasüyu, me paolapa peilou süyu, nadachi süyu, alia khei khupayu khesü paolou süyu bue; südonou maipu sünaye ne puo Veo nou Belteshazzar tea kuyu, Danielye sü kulo, sütoulouzü puhnou ne hi kivo va hi rükhai touyu larücha nasü daitouwe touyu paopei lousüe.”

DANIEL 5:18

Oh Veo, Kukulai hi Abuwo Ramai nou ne puo Nebukhadnezzar ye vebuh, aduso, khouko ae kathe khesü peie.

DANIEL 5:19

Sübüa puhye soudusho peiyu donou mai hrülai, tyahrü teitei, alia la tyakukua paiyu mai veishi nou puhye sü ngaopie. Puhnou mai taralia southa nüyu maiye sü southa baiwe, alia panou hria bunüyu maiye sü souhri peilou baiwe.

DANIEL 7:15

Daniel, E sü le veashore alia Enou zho ngaoyu na vanou ale sü chorore.

DANIEL 7:28

Akhai nasü haihaie. Daniel, E sü tsücholoua ngaopire, alia avei zhuh shirah tare, ana chi paokhai touyu taosü Enou ale hi pokhai loure.

DANIEL 8:27

Daniel, E sü teithe taoli vealoua souloure. Süthaisü veipa loua Enou veo vei vahbu hisü tare. Ana Enou ngaoyu zho süna vanou atsü haore ae Enou süsü sülou hore.

HABAKKUK 3:10

Deichitao nou neye ngaolouyu phaki, pinguwe; raki vanou teirü sü rükou baiwe; zai thou hinou zaidzü khüpa baiwe.

1 SAMUEL 1:15

Ana Hannah nou puh hi chila peie, “Moe, apaopuwo, E zhaoh sozhi moe, E hai veashoa buyu naotumai ali baie. E zhaoh sokhai moe, ana Enou avei veahoyu sü Mapao hi pao-a bubaie.

1 SAMUEL 24:8

Süthaisü David nou puh thaifü paloua puhye “Apaopuwo!” tea kuwe. Saul nou reidakhai ve zhu-e, ae David nou puhye tsükhoua deiphi hi pei pfüa nakou khurü-e,

1 SAMUEL 26:15

David nou chila peie, “Abner, ne hai poutu khekhai ali mowu? Israel mai hrohi thaonou neye raiyu buge? Sükulouzü ne daisou nou nevei paopu, veoye sü khotou toulou moe? Chubü hinou kamai-a nou nevei paopu ye sü southalai tea taloue.

1 SAMUEL 3:17

Eli nou puh hi noue, “Mapao nou ne hi daitoua paowe? Halia pokukhai toumoa ahi paongao khaio. Puhnou ne hi paoyu chi teitei sü ahi paongaokhai toumo louzü Ramai nou neye tudee-a bailai.”