DANIEL 4:14 - SHEEYU BAIBEL (BSI)

¹⁴ Puhnou pai chishoa haibüa shae: ‘Süübe nasü vikhao laiwo, bo khesü shaode khaio, sünghou khesü khourai laiwo, alia rashithou khesü porarou laikhaio. Hrikhaona khesü süna khu hinou hulaiwo ae raohou khesü sünavei botao hinou hulaio.

DANIEL 4:14 Iomraidhean Croise

JOB VEI LARÜBVÜ 24:20

Puletaoye sü lah pfü koute nou ngaiwu baiwe, puletaoye sü khaongao nou toulou-a kaotayu süübe ali büa souha baiwe.

JEREMIAH 27:5

“Avei khouko ae pfüchi sünou teideiphao, deiphao mai, ae deiphao hi hrikhaona teitei sü Enou soupeie; ae hai nasü Enou dolouyu mai tarali hia peia baiwe.

JEREMIAH 51:6

Babilon hinou tutalo! Neletao hriloure donou tupalo! Babilon maivei mah donou neletaoye panou koa southaso. Puletao nou ngaozü thaifüa Enou puletao pei hisü khüngu phoulaire.

JEREMIAH 51:9

Sühinou hrüa buyu shetumaitao nou paoe, ‘Etao nou Babilon maiye soukha peire donou te-e, ana nalea baire. Chuo honapaiye thaokhaiwua lahvei ki hi dakhai ta-a bailaishe. Ramai nou puhvei khouko veishi nou Babilon sü tudee peire ae honapaiye sü souhakhai touwure.’ ”

EZEKIEL 31:10

“Südonou chuo Ramai Mapao Enou teihao hi dusho poa khe nghia buyu süübe nasü dai-e vepalai touyu sü ne hi paongao peilai. Süübe hai nanou dushopa khaie, khaophu soutare;

DANIEL 2:21

Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

DANIEL 3:4

Süthaisü chi shayu mai ali nou haibüa shusoua chi sü shae, “Deiphao kainghou adai hinou hrüa buyu mai hrülai, tyahrü veishi ae la kukua paiyu mai hrülai, neletao hisü haibüa soulo tea kharochi peiwe:

DANIEL 4:12

Sünavei sünghou khesü hüveishoe, ae deiphao mai hrülai toulousü rashithou sü shia bue. Rekhaona khenou sünavei teikhü hinou ve baia bue, alia raohou khesü sünavei botao hinou phe soua bue, ae hrikhaona hrülai nou sünavei rashithou sü haitoue.

DANIEL 4:23

Nenou süübe sünaye zhua buyu phaki, rakiva nou rakivamai nou takou haibüa paoe, ‘Süübe nasü vikhao laiwo, ana sünavei bei hai deiphi hi khaipeio. Puhye sü panou vidzü kou cha-a ae rekhaona ae pounghou koa panou po anai koute hrüwo.’

DANIEL 4:29

Khouh kiahai cheyu phaki, puhnou Babilon vei vemai fühao puhvei ki peitao hinou ta-a buyu phaki,

DANIEL 5:20

Ana puhnou khaophu soupayu phaki, puhvei vebuh nasü puh hinou polai peie alia puhvei kathe khesü hatare.

DANIEL 5:21

Puhye mai hrohinou hulai peie, ae puhvei tsüle sü rekhaona ali büa soupeie, ae puhye panou rheisüh kheye sa-a hrüe alia chode büa panou pou toue, alia puhvei pfüphao hai rakiva nou kouyu vidzü shoa panou hrüe. Akhai hinou kou puhnou Kukulai Ramai nou deiphao maivei vedei teitei pei hia khosa-a hrüwe alia puhnou peinüyu mai tarali hi vebuh nasü peilou süe touyu süloue.

MATHIU 3:10

Chukoute-a süübetao mahi mareisü daothou khaitoua bue; südonou rashi avei shimoyu süübetaoye sü vikaowu-a meihi polaithouwu baiwe.

MATHIU 7:19

Rashi avei shimoyu süübe taliye sü vilaiwu-a meihi polaithouwu baiwe.

LUK NOU RÜYU KO AVEIBVÜ 3:9

Chukoutea süübetao mahi marei sü daothou khaitoua bue; südonou avei rashi shimoyu süübe tayesü vikaowu-a meihi khilaithouwu baiwe.”

PONGAOPEIYU 10:3

Alia puhnou souveotao nou rayu kua paikushoa shapae. Puhnou sübüa shapayu kisü teisüyu vei pai anai nou puh hi chila peie.

PONGAOPEIYU 18:2

Puhnou puhvei chihshoyu painou haibüa shapae: “Kaotare, kaotare Babilon adunasü! Chuwo puhsü rashitao ea sheemoyu rakotaonou haoyubuh datare; alia sheemoyu ea ngaorayu raohou tyalinou buyubuh soubaire.