DANIEL 3:25 - SHEEYU BAIBEL (BSI)

²⁵ Veo nou paoe, “Neletao-a zhukhaio, Ewo mai adai meifü hinou rai phumoa ta-a buyu zhingaoe; ae puletao vasou hi mei taomoe, alia mai adai chena hai rakivamai büa bue.”

DANIEL 3:25 Iomraidhean Croise

JOB VEI LARÜBVÜ 1:6

Rakivamaitao nou Mapao hi veyu teithe zhousü Saitan-a puletao hrohi lou bue.

JOB VEI LARÜBVÜ 38:7

Deiphao soupeiyu teithe hai vutao nou sashoa lou souzhoe, alia rakiva maitao-a sashoa lou soue.

JOB VEI LARÜBVÜ 5:19

Puhnou neye veayu hinou vupapei khai khailai.

LOUTAO 34:7

Mapao ye tsükhoua buyu mai hrülaiye sü rakivamai nou kho peiwe, ae kaozhou ashi veishi hinou puletaoye vupa peiwe.

TSÜCHITAO 30:4

Thaonou raki hi khewu-a khaikou louyu bue? Thaonou teikhaiye puh bah hinou pojü louyu bue? Thaonou sah hinou dzü beh louyu buge? Thaonou deiphao kainghou veishi soushu loue? Nenou sülouzü, puh zhih sü thaotoue? Puh nahpoutu sü thaoge?

ISAIAH 43:2

Neletao nou reidzü kacho phaki, Enou neletaoye salai peilai; ae veahoyu ve daoyu phaki, sükheye panou neletao jünou veilou ngalou laimoe. Neletao nou mei tachoyu phaki, meiye sü panou neletaoye dei laimoe; ae neletao vei hrümai hi tatei shoyu vedao-a buyuma sükheye panou neletaoye soushiwulai moe.

JEREMIAH 1:8

Puletaoye ngaopiso, daiolouzü Enou neye vupeilai. Mapao Enou haisü paowe.”

JEREMIAH 15:21

Enou neye maishiyu ae zhaipou shiyu maitao bah hinou vupa peilai. Haisü Mapao Enou paowe.”

DANIEL 3:18

Ana puhnou vupapei moyuma, Oh Puo Veo, Etao louzü nevei rahye tholai moe, alia nenou sana nou soukhai touyu maizhurai nasü khurükhailai moe.”

DANIEL 3:24

Süthaisü Veo Nebukhadnezzar nou khupashoa buh hinou lashu loure alia puhvei paodou apei maitao hisü noue, “Etao mai asü likhei rai nou phuloua meifü hisü laithou baimowu?” Puletao nou chila peie, “Ovai, Etao mai asü likhei meifü hisü laithoua baie.”

DANIEL 3:28

Veo Nebukhadnezzar nou paoe, “Rakivamaiye seive puhvei kilai maitaoye vupa peiyu Shadrak, Meshak ae Abednego Ramai ye paosholo! Puletao hai avei kharochi koutea züba-a ae rah kukhe liye thore jüo thaiyu koute ngaopi moa lah puletao vei Ramai ye thoa baie.

DANIEL 6:23

Süthaisü veo nou sashore, alia Danielye kaobvü hinou vakou sapawo tea kharochi peie. Südonou Danielye sü souveo be hinou sapa loure, alia puh va sü halia soushi moe, daiolouzü puhnou Ramai ye lülouche-e.

MARK 16:18

puletao nou nghou kezhu khaia moa poudzü ashi tali poküloukhaia, sütaonou puletaoye halia soushi laimoe; puletao nou sounoumai pei hi bah lakhailai, alia puletao sü veiloulai.”

LUK NOU RÜYU KO AVEIBVÜ 1:35

Rakivamai sünanou puh hi chila peie, “Rako Mashi nou nehi kou loulai, alia Aku Kulaivei khouko sünanou neye züloulai. Südonou nakoure sheeyu nah sünaye sü Ramai Nahpoutu tea kulai.

SEI-ATAMAI VAHTAO 28:5

Ana Paul hi halia sou shiyu soukhaimoa puhnou nghou sünaye meihi zhilai thoure.

ROMMAI 1:4

puh vei sheeyu ramai hrü hilonou zhulai toulouzü; puhye sü athai hinou panou hrishu louyu vanou puh hai Ramai Nahpoutue touyu sü dushoyu khouko noupu pongao peire.

1 PITAR 3:13

Chuwo neletao nou avei nasü sounüshoa bulouzü thaohnou neletaoye soushiwulai?