DANIEL 3:19 - SHEEYU BAIBEL (BSI)

¹⁹ Süthaisü Veo Nebukhadnezzar nou Shadrak, Meshak ae Abednego puletao pei hisü rarousho loure alia puh zhuh hai tyaku tare. Südonou puhnou meifü nasü raichoki jünou vu anai mei deithou soupulo tea kharochi peiwure.

DANIEL 3:19 Iomraidhean Croise

DANIEL 3:13

Süthaisü Veo Nebukhadnezzar nou rarou sholoua Shadrak, Meshak ae Abednegoye sü puh hi saveo tea paore. Südonou puletaoye sü veo nghoujü hi sa-a vere.

LEVIMAI LARÜBVÜ 26:24

Enou neletaoye sü avu anai hai le veahoyu pei hinou thoupuloua tudee peilai.

TSÜCHITAO 21:24

“Ngaohei-o” touyu sü khaophu souyu ae dulapayu maina vei zhih-e, puhsü zhaipou shia lado soua vah souwe.

LEVIMAI LARÜBVÜ 26:28

avei lekha rarou hinou neletaoye raichoki veahoyu jünou bakha anai hai souveapu peilai.

SEI-ATAMAI VAHTAO 5:33

Puletao nou chi haina hai choulouyu kisü rarousholoua sei-atamai taoye southea nüsho loure.

DANIEL 5:6

Süthaisü veo vei zhuh hai tyaku tare, alia puh sü ngaopi shore, ae puhvei khoubou ahai sü ngurürü shihrührü loure.

LOUTAO 76:10

Mai vei lekha rarou nasü neye paoshopu peia bailai, soureih souyu hinou thaimoa shokhai toua buyu maitao nou nevei khonüh khesü nülai.

LEVIMAI LARÜBVÜ 26:21

“Neletao nou achi züba-a Eye khaityapu louzü, Enou neletao hisü avu anai hai veahoyu sü thoupu peilai.

LEVIMAI LARÜBVÜ 26:18

“Haibü peia buyuma neletao nou achi züba louzü, Enou veahoyu hai avu anai thoupuloua neletaoye tudeepu peilai.

SEI-ATAMAI VAHTAO 7:54

Chuo puletao nou chipao sütaosü choulouyu kisü rarouche rarouloua puhpei hisü motoua hu tutsütsü loure.

DANIEL 6:24

Süthaisü veo nou Danielye mah duka peiyu mai hrülai, puletao vei chapfü ae nahmai hrülai noupu souveo be hisü laithouwu tea kharochi peiwure. Puletaoye deiphi hi laikou nghitemo kinou souveotao nou taoloua puletaoye sü paide paisasa loua touloure.

ISAIAH 51:23

Enou pai sünasü neletaoye souvea-a haibüa paoyu maitao hi peiwulai, ‘Takou dazülo, Enou neletao phao hinou talai,’ ae neletao vei phao sü deiphi büa pa mainou neletao phao nou ta-e.”

TSÜCHITAO 16:14

Veo vei rarou hai thaiyu ko pfümai ali büe, ana tsüvei mai linou süsü soukhai loulai.

ESTHER 7:7

Veo nou rarou sholoua lashu kipa peida hisü tapare, ana Haman hai kihikha nou puhvei hrirai hai khailu peio tea khore donou vepfüpai Esther hinou bure, daiolouzü veo nou puhye tudee laire touyu nasü puhnou süloure.

SHURAI 31:2

Ae Laban-a raichoki büa puhye leshi moyu hai Jakob nou zhingao loure.

DANIEL 2:12

Haibüa paopei khaie, veo sü lekhasho loure alia Babilon hi hrüyu hasümai hrülaiye southawo tea kharochi peiwure.

DANIEL 3:20

Veo nou puhvei reihmaitao hrohinou khoukayu maitaoliye panou Shadrak, Meshak ae Abednego puletaoye sü rai nou phuloua meifü hisü laithouwo tea kharochi peiwure.

ESTHER 3:5

Süthaisü Haman nou Mordekai hai puhye nakouh tsükhoua khurü moyu hai ngaoloua rarou shore.