DANIEL 3:1 - SHEEYU BAIBEL (BSI)

¹ Veo Nebukhadnezzar nou mitar kainai sashoyu ae mitar asü phali jha duyu maizhurai ali sana nou souloua Babilon nuhteidei Dura tea kuyu deikho hisü sholakhai loure.

DANIEL 3:1 Iomraidhean Croise

1 VEMAITO 12:28

Sübüa puhnou tsücho loure, südonou sana nou chode zhurai ahai sü souloua puhvei maitao hi paoe, “Neletao nou taho Jerusalem hinou rathore sü dousho loure. Israel maitaore, neletaoye Ejipt teidei hinou sapa peiyu rah nasü hai hi bure.”

ESTHER 1:1

Xerses nou veo souyu phaki puhnou tyadei krailia kainai hai India teidei hinou poa Sudan (Ethiopia) koute khasa-a hrüe.

LOUTAO 135:15

Tyahrü kukhe maitao vei ramai hai shahu ae sana nou soua baie; puletao hai deiphao mai bah nou soua baie.

TAPALOUYU 20:23

Südonou neletao nou ramai kukhe liye shahu nou moa sana nou souloua Eye koa tholai moe.

TAPALOUYU 32:31

Moses nou dakhaipa Mapao hi paoe, “Maikhe mainou dushoyu mah sü souwure. Puletao nou lah sana nou ramai sü souloua tho tare.

ISAIAH 2:20

Teithe süzhou sü puletao nou shahu ae sana nou soukhai touyu bashara khesü zhao ae bailou hi shilai peilai.

ISAIAH 30:22

Süthaisü neletao nou shahu ae sana nou poa soukhai touyu bashara khesü sheemoyu na ali büa shilai bailai, alia neletao nou sütao hisü “Anghingao hinou talo” tea paolai.

ISAIAH 46:6

Maikhe mainou poushabvü hisünou sana sü popa louwe, sühdouyu hisünou shahu sü doulouwe. Puletao nou sana souyu maiye ngaloua panou bashara sü soulouwe, süthaisü puletao nou süna phi hi nakou khurüa thowe.

JEREMIAH 10:9

Puletao vei bashara khesü Spain vei shahu nou ae Uphaz vei sana nou dale khaitoue, sütao hai maomeyu ae papayu sabanü nou banou peikhaitoue, süsü shara souvei shoyu mainou soupei khaitoua baie.

JEREMIAH 16:20

Mainou lah puletao vei ramai sü soulou süwu? Moe, hakinou soulouyuma, puletao hai ramai moe.”

DANIEL 2:48

Süthaisü veo nou Daniel ye tsükhou shopeie ae buu peie, alia puhye panou Babilon teidei teitei pei hi khore vahdubu thoupeiwure, ae Babilon hi hasü hangaoyu mai hrülai pei hi panou peikhowo sü soue.

DANIEL 2:49

Daniel nou veo hi khoyu thaifüa puhvei samai asütao - Shadrak, Meshak ae Abednego puletaoye panou Babilon teidei khore donou vahdubu thoupeiwure, ana Daniel louzü veo vei chikuyu ki hinou bua baie.

DANIEL 3:14

Veo nou puletao hisü noue, “Oh Shadrak, Meshak ae Abednego, neletao nou avei rahye thomoe alia Enou sana nou soukhai touyu maizhurai nasü khurü moe touyu chechewu?

DANIEL 3:30

Süthaisü Veo nou Shadrak, Meshak ae Abednego puletaoye sü Babilon vedei hinou kupuyu vahdubu hi popa khaipeiwure.

DANIEL 5:23

Nenou rakiva buyu Mapao ye ngaophou moyu hinou puhvei Rathoki hinou pove khaitouyu paikhaotao sü ne nghoujü popaloua sütao hinou ne, ne khehinou buyu peikhomaitao, ne chapfü maitao, ae nevei khrapfü maitaoye sa-a zhaoh sore. Nenou sülou hoyu, ngaolou hoyu ae choulou hoyu sana, shahu, baosahu, hu, süü ae chuhtao rahye paoshore, ana neye sühao-a buyu alia nenou souyu vah teitei khasa-a buyu Ramai ye nenou tsükhou peilou more.

DANIEL 5:4

Puletao nou zhaoh sü so loure, alia sana, shahu, baosahu, hu, süü ae chuh nou soukhai touyu rah khesü paoshore.

HOSEA 2:8

Enou puhye sü thou-dzü, zhaoh alia theadzü peiwe touyu hai honapai nou sümoe, alia puletao nou Baal ye poa sheelayu hu alia sanatao hai daichi nou vewe touyu sülou moe.

HOSEA 8:4

“Puletao nou Ahi noumoa vemaiye doloua baiwe, alia puletao nou Avei tsü loukhai moa peikho-apeimai ye dolou baiwe. Puletao nou shahu alia sana nou lah puletao ye soushi loure bashara taosü souloua baire.

HABAKKUK 2:19

Süünou souyu na ali hi “Kushulo” alia la hayu chuh liye “Tashulo” teanou paoyu mai hai daizhou koute vealaisa! Zhukhaio, süna hai sana ae shahu nou phaohi nyakhai toubaie, sühi hrirai hae.

SEI-ATAMAI VAHTAO 17:29

Südonou Eletao sü Ramai tao-nahyu donou Ramai hai emainou raia ea dokai veia soukhai touyu sana, husha moa chuh vei basharaye raiwe tea choyu kaomoe.

SEI-ATAMAI VAHTAO 19:26

Alia chuo, lah neletao noua Paul hainanou dai sousa touyu sü ngao-a ngaolai ea sü-a sülai süolouzü bahnou souyu ratao hai halia ramaimoe tea puhnou pao-a Ephesa hi likhei baimoa Asia teidei buh liki hinou maikhe maiye paothou louche peiwu-a mai taoli le soudare.

PAODAKHAIYU CHIKHA 7:25

Puletao vei bashara khesü mei deilaiwuo. Puletao hi buyu shahu moyuma sana khesü jüpaso, alia poa poso. Neletao nou süsü poloure toulouzü, neletao-a thai bailai, daiolouzü süsü neletao Ramai Mapao nou ngaorayu ali-e.

PONGAOPEIYU 9:20

Veahoyu haitaonou southealou moyu kukhe maikhe maitao nou rashitao, alia ngao-a ngaomoyu, chou-a choumoyu, ta-a talou hoyu, puletao bahnou soukhai touyu sana, shahu, baosa hu, chuh ea süünou soukhai touyu bashara taoye thoyu hinou puletao lesü daloumoe.