DANIEL 2:9 - SHEEYU BAIBEL (BSI)

⁹ Süsü neletao nou me nasü ahi paopei more toulouzü neletao mai hrülaiye raibütoua Enou tudeelai. Neletao nou ahi da-a paolai tea bua baie, daiolouzü neletao nou teile sü data bailai tea tsüchowe. Südonou Enou muyu me nasü ahi paokhaio, ae süna vei artha sü daitouwe touyu E sünüwe.”

DANIEL 2:9 Iomraidhean Croise

1 VEMAITO 22:22

‘Kabüa nou soulai?’ tea Mapao nou puh hi noue. Rakivamai nanou haibüa chila peie, ‘Enou taho Ahab vei rachipaolayu mai hrülai hisü dayu rako thoupeilai.’ Mapao nou puh hi paoe, ‘Ne taho sübüa soupeio, ae nenou veiloulai.’ ”

1 VEMAITO 22:6

Südonou Veo Ahab nou rachipaolayu mai kaihdai phali hai kuloua puletao hi noue, “Enou Ramoth Gilead hi reih souyu veiho shi-e?” Puletao nou chila peie, “Taho reih soua vei-e, Mapao nou neye veilouyu sü peilai.”

ESTHER 4:11

“Veo khehinou vah souyu mai alia vedei hi hrüyu mai hrülai nou chikha haihai süwe, süolouzü mai tara linoua veo nou kumoa veo nou buyu buh hi talou louzü, puhye sü southalai touyu zhai hai bue, alia zhai haina souda loure hai veo nou puhvei sana süpo nahai polapa peire toulouzü puh hai hriloulai. Ana Eye teithe shirou lihai veo nou kumore.”

TSÜCHITAO 12:19

Dayu haio teile daotili donou baie, ana checheyu louzü teisa nou hria bukou loulai.

ISAIAH 41:23

Haithai daie vepalai touyu khesü paopeio, sütoulouzü Etao nou neletao hai ramaie-e touyu süloulai! Haveih moyuma ashi vah sü soungao peikhaio, sükoulouzü Etao nou ngaopia bulai.

ISAIAH 44:25

Enou keingumai ae prousouyu maiye souvo peie. Enou tsüveiyu maiye soulu peie, ae puletao vei tsüdo aveih nasü voyu hi southou khaipeie.

EZEKIEL 13:17

Mapao nou paoe, “Chuo thai-a bailaiyu mainare, nevei maitao hi da-a nou haibüa vepalai tea paopeiyu naotumaitaoye zhukhaio. Puletaoye Enou aetou moe tea paopeio,

EZEKIEL 13:19

Neletao nou southou bahzü ali ngaolou nüyu vanou ae raokhao daotuli ngaolou nüyu vanou avei maitao nghoujü nou Eye tsükhou moyu vah khesü soupeie. Neletao nou thai zümoa buyu maiye sü southa peie, ae hri zümoa buyu maiye panou hria nou bupeie. Neletao nou avei maitao hi dayu chi khesü paopeia panou puletaoye sü neletaoye louche-a nou bue.”

EZEKIEL 13:6

Puletao nou zho ngaoyu khesü da-a nou baie, ae rachi paoyu khesü cheche moe. Puletao hai avei chipao paowe tea khawe, ana Enou puletaoye sü seita moe. Anou puletao nou vepalai tea paokhai touyu khesü chechea vepa shulai tea kho-a nou bue.

DANIEL 2:16

Daniel nou veo hi tave puhvei me nasü daivanoue touyu paopei loure donou teile thoupu peilaio tea kholoure.

DANIEL 2:21

Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

DANIEL 2:8

Veo nou puletao hi chila peie, “Enou neletaoye soutaosou süwe, süolouzü neletao nou teile khothoupu loulai touwe, daiolouzü Enou paoyu na hai cheche vuzüre touyu neletao nou süloure:

DANIEL 3:15

Chuo neletao nou shabe, gaigu, lanabvü, khubvü alia poa lou souyu basei natao khosü nghoupayu pai choure toulouzü neletao pei pfüa nakou maizhurai nasü thokhaio. Sübüa neletao nou pei pfüa nakou tho more toulouzü neletaoye sü mei hi laithou deithealai. Neletaoye abah hinou vupapei lousüyu rah kukhe bue tea neletao nou chowu?”

DANIEL 5:28

PERES, nevei vedei hai dade zhiwure alia Medes ae Parsia mai hi peiwure.”

DANIEL 5:31

Po rairouahai payu Mede hi veo Darius nou vedei sü poloure.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

2 KORINTHMAI 2:17

Eletaowo Ramai chipao souzhoyu kukhemai taoli sütao bümoe; ana Ramai nou Ehye süpeiyu donou puh nghojünou Khrista vei kilaitao büa Ehnou le loushoa chi paowe.