DANIEL 2:47 - SHEEYU BAIBEL (BSI)

⁴⁷ Veo nou Daniel hi paoe, “Nevei Ramai hai rah kukhe veishi jünou dukayu Ramaie alia vemaitao vei Mapaoe, ae sülouho khupayu khesü süngao peiyu Ramaie, daiolouzü nenou tatei shoyu ae khupa shoyu nasü paosüpa peiwure.”

DANIEL 2:47 Iomraidhean Croise

SHURAI 41:39

Südonou veo nou Josef hi paoe, “Ramai nou haitao teitei ne hi ngaopeie, südonou nejü nou hasüyu ae tsüveiyu maikukhe ngaolou hoe.

2 VEMAITO 5:15

Puhnou Elisha hisü puhvei mai hrülaiye saloua nou dakhai ve-e ae puhnou puh hi paoe, “Chuo Enou süloure, rah kukhe ali-a ha-e, ana Israel maivei Ramai likhei bua baie; südonou zhuvea nou Enou sapeina peiyu haitao sü polo.”

JOB VEI LARÜBVÜ 12:19

Puhnou napao peicha maiye sounakou peiwe alia aduso maiye puhnou soutai peiwe.

LOUTAO 136:2

Rah veishi pei hinou dukayu puhye kalo paokhaio, puhvei leshiyu hai akhai hae.

LOUTAO 136:3

Paopu hrülai jünou khoukayu puhye kalo paokhaio, puhvei leshiyu hai akhai hae.

LOUTAO 72:11

Veo mai hrülai nou puhye khurülai, tyahrü veishi nou puhvei kuvah sü soulai.

LOUTAO 82:1

Ramai nou puhvei chikuyu buh hinou buloua ramaitao nou vejüa buyu hrohinou puhnou puhvei chidei nasü peie:

LOUTAO 96:4

Mapao hai due, puhye soutaosoua paosho züe; puhye rah kukhe jünou tsükhoupu züe.

EZEKIEL 26:7

Ramai Mapao nou paoe, “Enou vemai hrülai jünou dukayu Babilon hi veo Nebukhadnezzer sü panou Tair pei hi reih soulai. Puhnou reihmaime dushoyu aliye sü saloua panou rheiluki ae rhei pfüyu reihmaitao koa nou reilova nou velai.

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 2:19

Süthaisü khupa sülouho nasü süzhou khei Daniel vei zho hinou ve ngaopeie. Süthaisü Daniel nou rakibu Ramai ye paoshowe:

DANIEL 2:22

Puhnou tateiyu ae sülou hoyu khesü süngao peiwe; teizhi hinou buyu khesü puhnou süwe, ae teiva sü puhye koa bue.

DANIEL 2:28

Ana khupayu tatei teitei süngao peiyu Ramai ali raki hinou bue, ae puhnou haithai daidai vepalai touyu Veo Nebukhadnezzar ne hi süngao peiwe. Enou nevei me ae nenou zhia buki zho ngaoyu nasü paopeilai, süsü haibüwe:

DANIEL 2:29

“Oh Veo, nenou züphao hinou züa buyu phaki, khupa sülouho süngao apeio nanou haithai daidai vepalai touyu hai ne hi süngao peiwe.

DANIEL 2:30

Sülou hoyu nasü ahi süngao peiyu hai, Enou mai kukhe jünou tsüveipuyu donou moe, ana sünasü daivanoue touyu veowo, neye panou douloure donou baie, ae nenou tsüchoa buyu nasü neye panou süloure donou baie.

DANIEL 2:37

Vemai pei nou veo soua buyu Oh Puo Veo, rakibu Ramai nou neye vedei, khouko, pfüchi, mainou tsükhouyu alia kathe sü peie.

DANIEL 3:15

Chuo neletao nou shabe, gaigu, lanabvü, khubvü alia poa lou souyu basei natao khosü nghoupayu pai choure toulouzü neletao pei pfüa nakou maizhurai nasü thokhaio. Sübüa neletao nou pei pfüa nakou tho more toulouzü neletaoye sü mei hi laithou deithealai. Neletaoye abah hinou vupapei lousüyu rah kukhe bue tea neletao nou chowu?”

DANIEL 3:28

Veo Nebukhadnezzar nou paoe, “Rakivamaiye seive puhvei kilai maitaoye vupa peiyu Shadrak, Meshak ae Abednego Ramai ye paosholo! Puletao hai avei kharochi koutea züba-a ae rah kukhe liye thore jüo thaiyu koute ngaopi moa lah puletao vei Ramai ye thoa baie.

DANIEL 3:29

“Südonou chuo Enou tyahrü hrülai hi, mai hrülai hi ae la tyakukua paiyu mai veishi hisü kharochi haina peiwe, süolouzü mai tarali noua Shadrak, Meshak ae Abednego Ramai ye ngaophou moa paoshi louzü, puhye sü souvava nou daodesasa khaiwulai alia puhvei ki-lu khesü soushi khaiwulai, daiolouzü rah kukhe taralia haibüa khailupa peilou hoe.”

DANIEL 4:17

Haibüa nou chikude peiyu hai leikeia khoyu rakivamai nanoue, süsü daivanoue toulouzü Kukulai hi abuwo Ramai hai deiphao maivei vedei hia puhvei khouko bue, alia puhnou vedei nasü mai tarali hia peinüyu mai hisü peilou süe touyu deiphao mai hrülaiye panou süloulai.’

DANIEL 4:25

Süolouzü neye maisou hrohinou hulaiwulai, ae neye panou rekhaona taoye koa hrütalai; Kukulai hi Abuwo Ramai nou deiphao mai vedei pei hia khosa-a hrüwe alia puhnou vebuh sü peinüyu mai hi peiwe touyu nenou süloumo koute po anai hai neye panou chode ali büa poudai toulai, alia neye rakiva nou kouyu vidzü panou ne pfüphao sü koucha-a hrülai.

DANIEL 4:32

Neye mai hrohinou hulaiwulai, alia rekhaona taoye koa panou sa-a hrülai, ae chode ali büa neye panou poudai toulai. Kukulai hi Abuwo Ramai nou deiphao maivei vedei teitei pei hi khasa-a bue alia puhnou vebuh sü peinüyu mai hi peia baiwe touyu nenou süloumo koute po anai hai nenou sübüa hrülai.”

DANIEL 5:11

Nevei vedei hi Sheeyu Ramai vei Rako sa-a laiyu mai ali bue. Ne puo nou hria buyu phaki, puh hisü hasüyu, sükulou süyu tsüdo, alia rahtsü hai Ramai büa puh hi bue. Südonou ne puo Nebukhadnezzar nou puhye panou khei khupado sümai, teingumai alia hasü hangaoyu maitao pei hi panou peikhowo sü soue.

AMOS 3:7

Rachi paola-apei mai hi süngao peikhai toumoa Mapao Ramai hai haliro souwu moe.

1 KORINTHMAI 14:25

puhvei kheitsü nasü popa ngaopeiwulai, alia sübüa puhnou puhpei pfüna kouloua Ramaiye tholai ea chechenou Ramai hai neletao hrohi bue tea shapalai.

PAODAKHAIYU CHIKHA 10:17

Daiolouzü neletao Ramai Mapao hai rah kukhe veishi pei hi Ramai, alia paopumai pei hi Mapaoe, puh sü soukumoyu alia maivei seihla pomoyu khupayu khouko bushoyu Ramaie.

1 TIMOTHI 6:15

Rako avei ea likhu baiyu Aku Kulai, süolouzü vemaipei Veo ea paopumaipei Mapaowo puh veresü teile kao avei hinou Ramai nou povepeilai.

JOSHUA 22:22

“Khouko buyu Ramai Mapao, khouko buyu Ramai Mapao, puhnou süwe; alia Israel mai-a panou sülou nüwe, süolouzü Etao nou souyu nahai Puh chi zülai more teanou mokhai-a puhye hraire donou soubai louzü, zhounou Etao mai hrülaiye sü pa thaitheo.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.