DANIEL 2:44 - SHEEYU BAIBEL (BSI)

⁴⁴ Vemai sütao nou nuh teidei khoa buyu phaki hinou, rakibu Ramai nou veteidei ali soushulai, alia sümaiye sü hasou kilia soushilou hoe, mokhaia mai kukhe nou veiloulai moe. Veteidei haina nou veteidei kukhe pfüphouye sü souhalai alia akhai soulai, ana vedei haina nou teisa vei soua bulai.

DANIEL 2:44 Iomraidhean Croise

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

2 SAMUEL 7:13

Eye donou sedar süünou Rathoki soupeire hai puhnou soulai, puh vei tyaosholea panou akhai soulai moe.

2 SAMUEL 7:16

Nevei tyaosholea hai panou teisa nou bukoutelai, sütea nevei vedei sü hrülü phaolü panou bulai.’ ”

LOUTAO 145:13

Nevei vedei hai teisa vei vedei soulai, ae nenou akhai ha-a teisa nou veo sü soulai. Mapao nou paokhai touyu chipao teitei hai cheche-a vete-a bailai, ae puhnou soupfüyu veishi hai zhuvea leshi hinou soupeia baie.

ISAIAH 60:12

Ana neletao vei kuvah soumoyu tyahrütao sü souhazei bailai.

EZEKIEL 37:25

Enou avei kilai Jakob hi peikhai touyu teidei puletao vei poupaoh maitao vei teidei hinou hrülai. Puletao nou teisa sühinou hrülai ae puletao vei nahmai tyaomaitao-a sühinou hrülai. Avei kilai David veo büyu vemai ali nou puletaoye khasa-a teisa nou hrülai.

DANIEL 2:28

Ana khupayu tatei teitei süngao peiyu Ramai ali raki hinou bue, ae puhnou haithai daidai vepalai touyu Veo Nebukhadnezzar ne hi süngao peiwe. Enou nevei me ae nenou zhia buki zho ngaoyu nasü paopeilai, süsü haibüwe:

DANIEL 2:34

Nenou sünaye zhua buyu phaki hinou, maili noua daimoyu chuh ali nou lukou hu ae nai koa hrüa nou soukhai touyu phi hisü deipei khaie maizhurai nasü peposa tare.

DANIEL 2:35

Süthaisü hu, nai, baosahu, shahu ae sana taosü posasa tare, alia teilüki chathaibu hinou thouba khesü teikhai nou hüpoa tayu büa hüsha takhaire. Ana maizhurai daokhai touyu neye khyaphoyu chuh nasü dulailaipa deichi adu ali büa deiphao teitei holoure.

DANIEL 2:37

Vemai pei nou veo soua buyu Oh Puo Veo, rakibu Ramai nou neye vedei, khouko, pfüchi, mainou tsükhouyu alia kathe sü peie.

DANIEL 2:43

Alia nenou hu ae nai koa nou thouhrüa soukhai touyu ngaoyu büa puletao hai alinou aliye shanghei souloua koa hrülai, ana hu ae nai koa hrülou shiyu büa puletao hai hrüloulai moe.

DANIEL 4:3

“Puhvei khupayu hai daizhou koute dusa! Puhvei khupa vah hai daizhou koute khouko busa! Teisa puhnou veo sü soulai; ae puhnou mai khaphao teitei hisü khasa-a hrülai.

DANIEL 4:34

“Po anai cheyu teithe zhousü, Nebukhadnezzar, Enou rakiva hi nghithou hepa zhue, alia avei tsü sü ahi dakhai veloue. Enou Kukulai hi Abuwo, teisa nou hria buyu Ramai ye tsükhoue ae Puhye paoshowe. Puhnou teisa adu-so nasü soua hrülai, alia puhvei vedei hai akhai touyu hae.

DANIEL 6:26

Enou kharochi haina sü peiwe, süolouzü avei vedei hi hrüyu mai hrülai nou “Daniel nou thoyu Ramai ye sü ngaopia tsükhoulai. Daiolouzü puh hai hriyu Ramai nasüe, Puhnou teisa khasa-a hrülai; Puhvei vedei sü akhai bulai moe, alia puhnou khosa-a hrüre hai akhai bulai moe.

DANIEL 6:27

Puhnou khailu peiwe ae vupa peie, puhnou rakia ae deiphao-a shee ae khupayu vah sü soupeiwe, Puhnou haka laiyu Danielye souveo mü hinou vupa peie!”

DANIEL 7:27

Deiphao hinou buyu vedei teitei ae khouko teitei sü Kukulai Ramai vei maitao hisü peiwulai. Puletao vei vedei hai teisa vei vedei soulai, alia deiphao hi vemai hrülai nou puletao vah soulai ae puletao chi zülai.”

DANIEL 8:25

Puhvei tsüdo ashi sünou poa vah taoli souloulai, ae puh sü la puhye mai kukhe jünou veipu hie tea polai. Puhnou mai taoliye mah lia ha-a souhawulai, alia vemai peinou buyu Veoye sü hraitalai, ana puhye sü deiphao mai vei khouko noumoa souhawu bailai.

MIKAH 4:7

Puletao hai shovaire ae ki hinou kadou sho-a tare, ana ki thaowua vakou tayu maitaoye Enou hrü ashu panou hrütalai, ae duso shoyu tyahrü ali soupeilai. Süzhou sü Mapao nou puletaoye teisa donou Zion Deichi hinou khasa-a hrülai.”

HAGGAI 2:22

alia ve teidei hie buyu ve buhtaosü soukhaowulai; alia Enou vedeitao ae tyahrü hrülai souhawulai, rheilukitao ae rhei pfümaiye sü pokhaowulai, alia rheilukitao ae rhei pfümaiye sü souhawulai, alia puletao hai lah puletao samai vei khoche vanou thaikhai toulai.

HAGGAI 2:7

Alia Enou tyahrü hrülaiye sü deilü peilai, sükua panou tyahrü hrülai vei thoudzü sü ki haina hi pove phouloulai, teanou Khoukhoulai Mapao nou paoe.

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

JOHAN 12:34

Maisounou puh hi chila peie, “Ehnou razhai hinou Khrista hai teisanou hrilai tea choue. Sükulouzü nenou kakua Mainah Potuoye sü polashu vuzülai tea paowe? Mai Nahpoutu hainasü thaoh-e?”

EBRIAMAI 12:28

Südonou soungulou hoyu vedei nasü Eletao nou ngaolouyu vanou kalo paolaikhe, alia sübüa Eletao nou khuhaoyu ea piyu nou koa puh züpa zhaina hinou Ramaiye tholaikhe;

PONGAOPEIYU 11:15

Süthaisü rakivamai anai chenanou puh besü houng-e alia sühisü rakivanou pai kushoyu alaosou pai paloua haibüa paoe, “Deiphao vedei hai Eletao Mapao ea puhvei Khrista vedei souloure, alia puhnou teisa nou veo soua bulai!”

PONGAOPEIYU 2:27

alia lah E-a Apuo hinou khouko ngaolouyu sübüa puhnou puletaoye sü hu südanou poa tukha sahrülai ea puletaoye sü nai lee soukho sasayu kua soukhowulai,