DANIEL 2:41 - SHEEYU BAIBEL (BSI)

⁴¹ Nenou süthaisü phipha ae phitoutu khesü nai alia hu nou koa hrüa soukhaitoua ngaoe; süsü daitouwe toulouzü vedei süna hai ahai soua dadewulai. Ana sühisü nenou nai ae hu thouhrüa soukhai touyu sü ngaoyu büa vedei taoli hi hai hu büa khousholai.

DANIEL 2:41 Iomraidhean Croise

DANIEL 2:40

Süthaisü vedei adai chena sü hu büa khousholai, daiolouzü hu nou poa hali hala soupepo louyu büa vedei süna nou araitao vei veteidei teitei sü soupe souposasa khaiwulai.

DANIEL 2:42

Phipha ae phitoutu hisü nai ae hu nou thouhrüa soukhai touyu büa vedei sünasü füteidei taoli hi hai khoulai alia taoli hi hai khoulai moe.

DANIEL 7:24

Kai kirou taohai vedei sünahi vemai kirou palai, ae puletao thailo hisü vemai ali palai, puh hai vemai kukhe jünou tyakulai, alia puhnou vemai asüye souhawulai.

DANIEL 7:7

Süthaisü Enou zhua buyu phaki, ngaopi shoyu, khouko bushoyu ae dushoyu khaosou adai nasü ngaoe. Puh sü dushoyu hu vei huh pfüwe, puhvei dushoyu huh süna sünou puhnou ngaorayu kheyesü nüloua tusasa peia baiwe, alia shokhai touyu khesü phi nou taicha baiwe. Khaosou haina hai kukhe soukhaotao jünou tyakua kai kirou pfüwe.

PONGAOPEIYU 12:3

Süthaia kukhe khupa shoyu sheeli rakivanou ngaokhaie. Alia zhukhaio, sühisü pei anai ea kai kiruo pfüyu, alia pei sütao vahi veo peirü chekhei rüpfüa buyu dushoyu ea horoyu zainghou duli bue.

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 17:12

“Alia nenou ngaoyu kai kiruo taosü chu vedei ngaoloumoa buyu veo kiruotaoe, ana puletaosü khaosou sünaye koa teilecho alikhei vemaitao soua hrüre khouko ngaobailai.