DANIEL 2:23 - SHEEYU BAIBEL (BSI)

²³ Enou neye khuhao-a kalo paowe, Oh E paipao vei Ramai; daiolouzü nenou Eye ratsü ae pfüchi sü peie, alia Etao nou veachi pao-a khoyu nasü ahi süngao peie, daiolouzü nenou ahi veo nou sülou nüyu nasü süngao peiwure.”

DANIEL 2:23 Iomraidhean Croise

SHURAI 18:17

Mapao nou lah puh hi haibüa paoe, “Enou daie soulai touyu nasü Abraham hinou pokukhai laimoe.

SHURAI 31:42

Hakinou apuo Ramai, Abraham ae Isaak Ramai nou Eye koa salai peimoyu thaio, nenou Eye raichoki nou bah sakhaia seita peilaire. Ana Ramai nou avei veayu ae Enou vah souyu süpeia dokhei neye tukha peie.”

1 VEMAITO 18:36

Koukhe posheelare teile kouyu phaki, rachipaolawo Elijah nou posheelabu hi takouloua veachi paoe, “Oh Mapao, Abraham, Isaak ae Israel maivei Ramai, zhou teithe ne hai Israel maivei Ramai nasüe, ae E hai nevei kilai-e ae hai khesü nevei kharochi thaifüa soua baie touyu sü panou sülo.

1 VEMAITO 8:57

Etao Ramai Mapao panou teisa Etaoye koa bupeiyu sü soupeio; puhye panou Etaoye thaokhaiwua tayu moa malaiyu sü soupeiso;

1 PUOPAOKO 29:10

Maisou vejüa buyu nghoujünou David veo nou haibüa Mapao ye paoshoe, “Oh Etao puopaoh Jakob vei Ramai Mapao, neye sü teisa nou paosholai!

1 PUOPAOKO 29:13

Etao Ramai, Etao nou neye kalo paowe, ae nevei zhih aduso nasü paoshowe.

2 PUOPAOKO 20:6

ae haibüa Mapao hi shusoua veachi paoe, “Oh Mapaowo, Etao vei puopaoh Ramai! Nenou deiphao hi buyu tyahrü hrülai vei vedei sü raki vanou khasa-a nou bue. Ne bah hi khouko teitei sü bue, südonou mai lia neye dulou hoe.

LOUTAO 21:2

Puhnou jüpa-a buyu veishi sü nenou puhye peie, puhvei akho khesü nenou noupeie.

LOUTAO 21:4

Puhnou ne hinou hrümai kho-e, ae nenou puhye hrüshoyu nasü peie.

LOUTAO 25:14

Mapao hai puhvei chi züa buyu maitao vei samai khamai-e, ae puhnou koa vo soukhai touyu nasü puletao hi süngao peie.

LOUTAO 50:14

Neletao nou kalo paoyu sünanou Ramai hi posheela sü soupeio, ae neletao nou soulai tea chaachou soukhai touyu puhsü Kukulai nahi cheche-a souvete peio.

TAPALOUYU 3:15

Israel mai hisü taho haibüa paopeio, “Mapao, neletao paipaoh Ramai, Abraham, Isaak ae Jakob Ramai nou Eye neletao hi seivewe. Haihai teisa nou avei zhih soulai, ae haithai vere khaphao teitei hia Eye sü haibüa kulai.

TSÜCHITAO 21:22

Tsüveiyu mai linou khouko bumai vei nuhdu pei ngaopa louwe, alia puhmai nou louche-a buyu kivo sü soushiloua baiwe.

TSÜCHITAO 24:5

Tsüveiyu mai li hai khouko bumaili jünou veipu hie, alia tsüdo buyu maili hai pfüchi bumai jünou kopu hie.

TSÜCHITAO 8:14

Ahi douzüapei alia veiyu ratsüa bue, Ahi tsünghei-a bue, ae khouchia bue.

KOPAODOUWO 7:19

Tsüaveih nou tsüveimai lihi khouko peiyu hai nuhdu lihi buyu vemai kirou nou peilou süyu jünou puhie.

KOPAODOUWO 9:16

Südonou Enou paowe, “Tsüavei hai khouko jünou veipu hie, ana touhayu maivei tsüvei hai-o mainou ngaophou moe, alia puhvei chipao hai mai linou-a keipei moe.”

KOPAODOUWO 9:18

Tsüvei hainou reih vei baseitao jünou veipue, ana mah souyu mai linou havei alao soushi baiwe.

ISAIAH 12:1

Neletao nou haibüa lou soure teile sü velai: “Oh Mapaowo, Enou nevei kathe sü paolai, Raichokio ne ahi raroue, ana chuo nevei lekha nasü latare, ae nenou Eye souva peie.

JEREMIAH 33:3

“Eye lakhaio, ae Enou neye chila peilai; nenou sükhai toumoyu khupayu ae veishoyu khesü Enou ne hi paongao peilai.

DANIEL 1:17

Ramai nou nahlemai haitao adai hisü tsüvei, larü süyu ae ratsü sü peie. Süjünoua pua Daniel hisü zho ngaoyu ae me paolalou süyu tsüdo hai-a peie.

DANIEL 2:18

Puhnou samaitao hisü sülouho khupayu nasü rakibu Ramai hinou veachi paoa nouloumo louzü shire, sütoumo louzü puletao hai-a Babilon hi hasü-hangaoyu maitaoye koa hashu laire tea paoe.

AMOS 3:7

Rachi paola-apei mai hi süngao peikhai toumoa Mapao Ramai hai haliro souwu moe.

MATHIU 11:25

Teile süpha hinou Jisu nou paoe, “Oh Apuo, raki ea deiphao Mapao! Enou neye kalo paowe daiolouzü nenou tsü veimai ea hasümai nghojünou pokukhai touyu sü nahtumai taohi pongao peire.

LUK NOU RÜYU KO AVEIBVÜ 10:21

Teile süphabü hinou Jisu nou Rako Mashi hinou le sasholoua paoe, “Apuo, raki ea deiphao Mapao! Enou neye kalo paowe, süolouzü nenou tsü veimai ea hasümai nghojünou pokukhai touyu sü nahtumai taohi pongao peire; ovai, Apuo, haibüyu hai nevei züpa nabaie.

JOHAN 11:41

Südonou puletao nou chuh nasü povaire. Alia Jisu nou pah pfülaloua paoe, “Apuo, nenou Akho keipeiyu donou, Enou ne kalo paowe.

JOHAN 15:15

Enou neletaoye kilaitao tea kupu more, daiolouzü kilai nanou puhvei paopunou dai sousa touyu sümoe. Ana Enou neletaoye samaitao tea kuloure, daiolouzü Enou Apuo hinou choulouyu teiteisü neletao hi Enou paongao peire.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,

PONGAOPEIYU 5:5

Sühinou tsümaitao hrohinou mai alinou Ahi paoe, “Kraso, zhukhaio! Judah khühi Souveo, David vei Ma sünanou reih koloure, alia puhnou paoshee anaitaosü soukholoua larübvü nasü hapalou süre.”