DANIEL 2:21 - SHEEYU BAIBEL (BSI)

²¹ Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

DANIEL 2:21 Iomraidhean Croise

1 VEMAITO 10:24

südonou deiphao mai hrülai nou Ramai nou puh hi peikhai touyu ratsü sü tave keinü sho-e.

1 VEMAITO 3:28

Israel maitao nou Solomon vei chidei sünasü choulouyu phaki, puletao nou puhye sü tsükhou shore, daiolouzü Ramai nou puh hi kaozü hinou soupfü loure vei ratsü hai peiwe touyu sü süloure.

1 VEMAITO 4:29

Ramai nou Solomon hi ratsü ae dokai, alia tsüsü hai chosha louhosou peikhai toue.

1 PUOPAOKO 22:12

Alia neye sü Ramai Mapao panou tsüdo aveih ae rahtsü sü peia puhvei chikha thaifüa Israel maiye khasa-a hrülouyu sü soulou theo.

1 PUOPAOKO 29:30

Hrüko rükhai touyu larübvü hisünou puhnou kabüa nuh teidei khasa-a hrüe, puh hai daizhou koute du-so-e, ae puhvei hrümai hi vedaoyutao, Israel mai hi vepayutao, alia süpehao hinou buyu vedei kukhetao kabüa bue touyu veishi hai rüthou peikhai toue.

ESTHER 1:13

Süthaisü vemai vei zhai thaifüa, puhnou chikha süvei shoyu mai ae chiku-apei maitao hinou daisouyu kao-e teanou chipha-a bue.

JOB VEI LARÜBVÜ 12:18

Veo maitao-a puhnou buh soukou peiwu-a panou hukhamai souta-a baiwe.

TAPALOUYU 31:3

Enou puh hisü avei khouko, soulou süyu tsüdo, hasü, tsüavei alia shara teitei soulou süyu dokai,

TAPALOUYU 31:6

Süpeinou puhye koa vah soure donou Dan maikhü hinou Ahisamak nahpoutu Ohaliabye Enou dopa loue. Enou shamara souyu kukhe maitao hia tsüdo aveih ae soulou süyu dokai khesü thoupeiwure, sübüa puletaoye panou Enou soukhaio tea kharochi peikhai touyu teitei sü soulaie:

DANIEL 1:17

Ramai nou nahlemai haitao adai hisü tsüvei, larü süyu ae ratsü sü peie. Süjünoua pua Daniel hisü zho ngaoyu ae me paolalou süyu tsüdo hai-a peie.

DANIEL 10:1

Parsia hi veo Sairas nou vekoulouyu po asü kousü Belteshazzar tea kuyu Daniel hi chipao ali paosüngao peie. Chipao sünasü cheche-e, ana süloure hai tateishoe. Haina hai puh hi puhvei zho kounou shozü nou paongaotou tupeie.

DANIEL 11:6

Po daotu thaisü Ejipt hi veo nou Sairia hi veoye koa chavei lathaore donou vo soulai, alia puhnou puh nahpaiye sü Ejipt veo hi peilai. Ana puhai nou soukhai touyu vo nasü phasho laimoe, alia honapai, honapai khapu, honapai vei nahmai, ae puhye koa veyu kilai mai hrülaiye sü southa bailai.

DANIEL 2:20

“Ramai zhih sü teisa paosholo, Hasü ae khouko hai puh vei baie.

DANIEL 2:23

Enou neye khuhao-a kalo paowe, Oh E paipao vei Ramai; daiolouzü nenou Eye ratsü ae pfüchi sü peie, alia Etao nou veachi pao-a khoyu nasü ahi süngao peie, daiolouzü nenou ahi veo nou sülou nüyu nasü süngao peiwure.”

DANIEL 2:9

Süsü neletao nou me nasü ahi paopei more toulouzü neletao mai hrülaiye raibütoua Enou tudeelai. Neletao nou ahi da-a paolai tea bua baie, daiolouzü neletao nou teile sü data bailai tea tsüchowe. Südonou Enou muyu me nasü ahi paokhaio, ae süna vei artha sü daitouwe touyu E sünüwe.”

DANIEL 4:14

Puhnou pai chishoa haibüa shae: ‘Süübe nasü vikhao laiwo, bo khesü shaode khaio, sünghou khesü khourai laiwo, alia rashithou khesü porarou laikhaio. Hrikhaona khesü süna khu hinou hulaiwo ae raohou khesü sünavei botao hinou hulaio.

DANIEL 4:17

Haibüa nou chikude peiyu hai leikeia khoyu rakivamai nanoue, süsü daivanoue toulouzü Kukulai hi abuwo Ramai hai deiphao maivei vedei hia puhvei khouko bue, alia puhnou vedei nasü mai tarali hia peinüyu mai hisü peilou süe touyu deiphao mai hrülaiye panou süloulai.’

DANIEL 4:22

“Oh Veowo, veishoa nou ae kushoa nou buyu süübe nasü neye paowe. Nevei aduso hai rakiva khetere, alia nenou khasa-a hrüyu hai teidei akhai hi koutede.

DANIEL 4:32

Neye mai hrohinou hulaiwulai, alia rekhaona taoye koa panou sa-a hrülai, ae chode ali büa neye panou poudai toulai. Kukulai hi Abuwo Ramai nou deiphao maivei vedei teitei pei hi khasa-a bue alia puhnou vebuh sü peinüyu mai hi peia baiwe touyu nenou süloumo koute po anai hai nenou sübüa hrülai.”

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

ROMMAI 13:1

Mai hrülainou teidei khomai khakhenou buloukhaio, daiolouzü Ramai hinou moa teidei khomai ali-a hae, alia bubuyu teidei khomaitao hai Ramai nou buh thoupei khaitoue.

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.

JEMS 1:5

Ana neletao hronou kamainou ratsü chemoa bulouzü, puhye panou puh hi süna peilaiyu Ramai hinou khokhaio; daiolouzü Ramai nou mai hrülai hisü alaosoua ea leshishoa peibaiwe.

PONGAOPEIYU 19:16

Puhvei zaoduna vahi ea puhvei dekeh vahisü “Vemaitao pei Veo ea paopumaitao pei Mapao” touyu zhihsü rüthou khaitoue.