DANIEL 2:11 - SHEEYU BAIBEL (BSI)

¹¹ Veo nou nouyu hai tatei shore. Ramai nou paopeikhai deinou deiphao mainou veo vei me nasü paopeilou hoe, ae rah khesü deiphao mai hrohi hrümoe.”

DANIEL 2:11 Iomraidhean Croise

SHURAI 41:39

Südonou veo nou Josef hi paoe, “Ramai nou haitao teitei ne hi ngaopeie, südonou nejü nou hasüyu ae tsüveiyu maikukhe ngaolou hoe.

SHURAI 41:8

Shohnasü kushu puhsü levea shore, südonou Ejipt hi larü rümai ae tsüsümai hrülai kuloua puhvei me sü paongaore ana maili noua puhvei me sü paola peilou hore.

1 VEMAITO 8:27

“Ana Oh Ramai, ne cheche vuzünou deiphao hi hrülou süvu? Zhukhaio ratei veishi-a neye donou khamoe, südonou kabüa Enou souyu Rathoki haisü neye donou khalai?

2 PUOPAOKO 6:18

“Ana Ramai Mapaowo, nenou kabüa deiphao maiye sa-a bulai touwe? Raki teitei-a neye donou tailero, südonou kabüa Enou souyu Rathoki hisü ne bulou khailaige?

LOUTAO 132:14

“Enou buh hai hinou teisa sü bulai, hai hinou khasa-a buyu Enou jüpa-e.

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

TAPALOUYU 29:45

Israel mai hrohinou Enou bupeilai, alia puletao Ramai sü soulai.

TAPALOUYU 8:19

Kheikhupado soulousü mai nou veo hisü paoe, “Haina hai Ramai nou souyu vah baire.” Ana Pharaoh veo le sü khousholoua baire, alia Mapao nou paoyu büa puhnou Moses ae Aaron nou paoyu chi sü keipei bare.

ISAIAH 47:12

Nenou nahle-a bukinou soupayu kheikhupado khesü soutaosou khaitou toulo. Sükulouzü nenou veiloua malae, ae neye ngaobayu maiye soupi lailoua mala-e.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

ISAIAH 8:18

Ewo louzü hai hinou Mapao nou ahi peikhai touyu nahmaitaoye koa bue, Khoukhoulai Mapao vei vebuh hai Zion deichi hinou bue, ae puhnou Etaoye Israel mai hi hriyu chipao panou soure donou seive khaitoue.

DANIEL 4:4

“Veo Nebukhadnezzar E hai, avei vebuh hinou savashoa ae tounü sonü buche-e.

DANIEL 5:11

Nevei vedei hi Sheeyu Ramai vei Rako sa-a laiyu mai ali bue. Ne puo nou hria buyu phaki, puh hisü hasüyu, sükulou süyu tsüdo, alia rahtsü hai Ramai büa puh hi bue. Südonou ne puo Nebukhadnezzar nou puhye panou khei khupado sümai, teingumai alia hasü hangaoyu maitao pei hi panou peikhowo sü soue.

JOEL 3:21

Puletao nou zhe soukouhyu khü sü Enou phoulai, alia puletao mah sü Enou khaipei laimoe, daiolouzü Mapao E hai Zion hi bue.”

MAIPEI PHOUYU 35:34

Neletao nou hrüa buyu teidei nasü souzhaiwuso, daiolouzü E hai neletao vei Mapao-e, ae Enou Israel maiye koa nou hrüa bue.”

MATHIU 19:26

Ana Jisu nou puletao hi zhuteiloua paoe, “Maiye donou haisü soulouhoe, ana Ramaiye donou louzü ha teitei hai soulou süe.”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 14:17

Puh hai Ramai vanou achechena süngao peiyu Rako nasüe. Deiphao mainou puhye popei louhoe, daiolouzü sünanou puhye ngaomoe moa sümoe. Ana neletao louzü puhye süwe, daiolouzü puhnou neletaoye koa bue ea neletao lehi bue.

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

2 KORINTHMAI 6:16

Alia Ramai vei rathoyuki hai basharataoye koa ae-ao touyu dai bue? Daiolouzü Eletao hai hriyu Ramai vei rathokie! Haisü lah Ramai puhnou paoyu kue, “Aki hai Amaitaoye koa soulai ea puletao hronou hrülai; Esü puletao vei Ramai soulai; ea puletaosü Amai soulai.”

PONGAOPEIYU 21:3

Alia Enou vebuh hinou pai kushoyu alinou haibüa paoyu choue: “Zhukhaio, chuwo Ramai vei kisü emaiye koa bure! Puhnou puletaoye koa hrülai, alia puletaosü puhmaitao soulai. Ramai puh vuzünou puletaoye koa bupeilai ea puhsü puletao vei Ramai soulai.