DANIEL 12:3 - SHEEYU BAIBEL (BSI)

³ Tsüveiyu mai sü ratei hi vayu büa valai, ae checheyu hilonou maiye doupei khaitouyu mai hai teisa teivuh büa valai.”

DANIEL 12:3 Iomraidhean Croise

TAPALOUYU 34:35

Israel mainou Moses pah hai varua buyu ngaokhaie, puhnou puh pah sü pahosah nou hodakhai loua baiwe, alia puhnou Ratho kipao hi veloumo koute hapa-a moe.

TSÜCHITAO 11:30

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

TSÜCHITAO 3:35

Tsüveiyu mainou tsükhou peiyu sü ngaolai, ana voyu maiwo hraongu ngao-a bailai.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

KOPAODOUWO 12:9

Tsüveiyu bai moa nou, Kopaodouwo nou maikhe maiye tsüsüa doupeie, sühdouyu ae tsüphouyu alia soutaosou tsüchi zekoyu hai-a doupeie.

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

JEREMIAH 23:22

Puletao nou avei kheitsü sülouzü, puletao nou avei chipao taosü maikhe mai hi paopayu phae ae maikhe mainou vah ashi ae kaomo ludu tayu khesü thaoyu phae.

DANIEL 11:33

Tsüveiyu süthai-apei maitao nou maitaoliye kaozü hinou doupeilai. Ana phazütou thaisü, puletao kamai-a nou khoche hinou thailai, kamai-a nou mei nou deithawulai, ae maitaoliye sü puletao vei nakhesü shaoloua hukhamai soua sapoa tawulai.

DANIEL 11:35

Tsüveiyu süthai-apei maitaoli ye sü southawulai, ana haibüyu vanou maikhe maiye souveipu peilai ae sousheepu peilai. Haibüa nou soukou laiyu hai Ramai nou akhai teile dade khaitouyu nasü koumo koute soulai.

DANIEL 12:10

Mai taoli hai lah puletaoye souveipu loulai ae sousheepu loulai, alia mai ashimai louzü vah ashi soua nou maishia bubailai, ana tsüveiyu mainou sünasü sükuloulai.

MATHIU 13:43

Süthaisü acheche maitaosü puletao Puo Vedei hinou teinghi büa valai. Südonou neletao hai nou bulouzü keiloukhaio!

MATHIU 19:28

Jisu nou puletao hi paoe, “Enou neletao hi chechenou paoe, deiphao ashu nahi Mai Nahpoutu nou puh vei khouko ava vebuh hi bulouyu kisü, Athai fülouyu neletao-a Israel nahmai khü kiahaiye chiku-a vebuh kiahai hinou bulai.

MATHIU 24:45

“Sükuyu thaisü, teile kao avei hinou puletao hi puletao vei touso peire donou puh vei paopu nou puhye panou puh kikhamai hrülai pei hi khoyu louchelou veiyu ea tsü veishoyu kilaihai thaohwe?

JOHAN 4:36

Thoutai vuyu na-a, cha chiyuna-a koa sazhore donou cha chiyu nanou zhosü ngaowe, alia teisa ahri vei donou routhou sü podzü loue.

JOHAN 5:35

Johan hai meitao-a ea va-a buyu meibvüe, alia neletao nou puh vei ava hinou pha jütou sa-a buyu züpae.

SEI-ATAMAI VAHTAO 13:1

Alia chuo Antiok hi buyu lüloumaime hisü rachi paolamaitao, dou-apeimaitao, Barnabas, Simeon Ateina, Kurini hi Lukia, alia Herod veoye koa kipakhai touyu Manaen ea Saul haitao bue.

1 KORINTHMAI 3:10

Ahi peikhai touyu Ramai zhuvea süna thaifüa, kaishoa ki souyu paopu alikua Enou kifü nasü seipaloue, alia kukhemai alinou süna pei hinou ki soupaloue. Ana mai hrülainou kakua süna vahinou ki soupasa touyu hisü zhutoulou khaio.

EPHESAMAI 4:11

“Emai hi sapeinatao peiyu” sü puh baie; puhnou kamaiye sü sei-atamai, kamaiye sü rachi paolamai, kukhe maiye sü Ko Avei paodou-apeimai ea kukhe maiyenou zhaokho-apeimai ea dou-apeimai panou souloure donou dowure.

EBRIAMAI 5:12

Daiolouzü chuwo neletao hai dou-apei mai soua buyu phare, sütoukhaia chu koute-a neletao hai kamaiye panou neletao hi Ramai vei chipao araikhatao doupei molouzü shilaiyu buloure. Neletaowo chu koute-a tokaa toumoa naodzünou külai,

2 PITAR 3:15

Eletao Mapaowo nou shamea peiyuhai puhnou neletaoye khailu loure donou teile kao avei peiwe tea cholo. Sübüa Eletao nou leshiyu Eh thaihou jürai Paul nou-a Ramai nou puh hi peikhai touyu ratsü süna thaifüa neletao hi rüpeie.

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

CHIKUAPEI MAITAO 5:31

Neye ngaobamai hrülai sü panou haibüa thaikhaiwo, Oh Mapao! Ana nevei samaitao-e panou teinghi payu büa valo! Ae teidei hisü po raidai kaona-a hrükou loue.