DANIEL 12:10 - SHEEYU BAIBEL (BSI)

¹⁰ Mai taoli hai lah puletaoye souveipu loulai ae sousheepu loulai, alia mai ashimai louzü vah ashi soua nou maishia bubailai, ana tsüveiyu mainou sünasü sükuloulai.

DANIEL 12:10 Iomraidhean Croise

LOUTAO 107:43

Tsüveiyu maiye sü panou hai khesü tsücholo; puletaoye panou Mapao vei tobai soumoa leshi peiyu nasü sülo.

LOUTAO 51:7

Avei mahmo khesü polai peio, sükulouzü E hai sheesha tea bailai; Eye dzü khü peio, ae Esü vüra jünou kaapua bailai.

TSÜCHITAO 1:5

tsüveina-a keilou-a süpu loure donou, tsüsümai-a sou-kai ngaoloure donou,

ISAIAH 1:18

Mapao nou paoe, “Tavelo, Etao koa nou tsülou-a chi phazho laikhe. Neletao vei mah hai homara-a buyuma Enou vüra jünou soukaapu peilai, ae zhe büa hothou teiküa buyuma Enou phakaa büa soukaa peilai.

EZEKIEL 36:25

Enou neletaoye sü sheeyu dzü nou poa kasho peilai ae neletaoye basharatao nou alia na kukhe nou souzhai khaitouyu khesü soushee peilai.

EZEKIEL 47:11

Ana dzüta ae zaibvü hi buyu dzü louzü dzü aveih hi soudathou peilai moe, sütao hiolouzü tai sü panou bubailai.

DANIEL 11:33

Tsüveiyu süthai-apei maitao nou maitaoliye kaozü hinou doupeilai. Ana phazütou thaisü, puletao kamai-a nou khoche hinou thailai, kamai-a nou mei nou deithawulai, ae maitaoliye sü puletao vei nakhesü shaoloua hukhamai soua sapoa tawulai.

DANIEL 11:35

Tsüveiyu süthai-apei maitaoli ye sü southawulai, ana haibüyu vanou maikhe maiye souveipu peilai ae sousheepu peilai. Haibüa nou soukou laiyu hai Ramai nou akhai teile dade khaitouyu nasü koumo koute soulai.

DANIEL 12:3

Tsüveiyu mai sü ratei hi vayu büa valai, ae checheyu hilonou maiye doupei khaitouyu mai hai teisa teivuh büa valai.”

HOSEA 14:9

Tsüveia buyu maiye sü panou chipao haitao sülo, vei-shi sükulou süa buyu maiye sü pa haitao polo; daiolouzü Mapao vei ludu sü kaowe, alia acheche mainou ludu süna hai talouwe, ana mah maio louzü süna hinou phi süloua bailai.

ZEKHARIAH 13:9

Hria buyu mai zha ali ye sü Enou mei hi thou shahu deisheeyu büa deisheelai. Alia sana zhuyu büa zhulai. Süthaisü puletao nou A zhih kua veachi paolai, alia puletao veachi sü Enou kei peilai. Enou paolai, ‘Puletao hai avei mai-e’ tea nou; alia puletao nou ‘Mapao hai Etao vei Ramai-e’ tea paolai.”

MALAKAI 3:3

Puhnou shahu sousheeyu alia souveiyu mai ali büa chobulai, alia puhnou Levi nahpoutu khemai sü soushee peilai alia acheche sheelayu nasü Mapao hi peimosa puletao sü sana ae shahu sousheeyu büa sousheelai.

MARK 4:11

Alia puhnou puletao hi paoe, “Neletao hiwo louzü Ramai Vedei vei kheitsü nasü peiwure, ana kukhemai hiwo louzü hateitei hai nada hinou paopei baie;

LUK NOU RÜYU KO AVEIBVÜ 24:25

Sühinou puhnou puhaihi paoe, “O voyu ea rachi paolamai taonou paopawuyu tao teitei louche nashoyu maitao!

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

JOHAN 8:47

Ramai hinou veyu puhnou Ramai chipaotao keiwe; neletao nou chipao sütao keibayu louzü neletao hai Ramai hinou vemoe.”

1 KORINTHMAI 6:11

Neletao kamai sü sübüyu maibaie. Ana neletaowo mah hinou soushee loure; neletaowo Ramai hi shee-a popeire, neletaowo Mapao Jisu Khrista zhih hinou ea Eletao Ramai vei Rako hinou Ramaiye koa souzü loure.

2 KORINTHMAI 7:1

Asamaitao, apaopeiyu haitao sü Eletao hi soupei khaitoue. Südonou pfüphao moa rakoye souhao peiyu ha teitei hinou lah Eletao sü sousheeloua bulou laikhe, alia Ramaiye pi-a hrüa Eletao sü shee-a bulou laikhe.

TITA 2:14

Eletaoye hashi teitei hinou khailupa peire ea Eletaoye puhmai likhei soubaiyu ea avei souyu züpa shoyu sheetouyu maitao panou souloure donou puhlah puhye Eletaoye donou peithoure.

EBRIAMAI 12:10

Daiolouzü phajü donou deiphao hi Eletao puo khemai taonou Eletaoye puletao züpa soua tukhazü peiwe, ana Ramaiwo Eletaoye panou puhvei masheeyu nasü zha ngaozho loure donou süolouzü lah Eletao veiloure donou tukhazü peiwe.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 PITAR 1:7

Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 16:11

Sübüa puletao vei souyu ea chükü paopayu sütao donou puletao nou rakibu Ramaiye chaloure. Ana puletao vei ashi vah hinou puletao lesü daloubae.

PONGAOPEIYU 19:14

Rakiva reihmai taosü sheetouyu ea kaavavayu jüyu sahnou bahnoua rhei kaatao vahinou puhthaisü füa laiwe.

PONGAOPEIYU 19:8

Alia puhye panou veithou peivavayu ea sheetouyu jüyu sahnou bahnou loure donou süsü puh hi peire.” (Daiolouzü veishoyu jüyu sah sünasü sheeyu maitao vei cheche vahtaoe.)

PONGAOPEIYU 22:11

Ashi soua buyu puhye panou ashi soua bukhaio, sheemoyu puhye panou sheemoa bukhaio, alia cheche-a buyu puhye panou cheche vah soua bukhaio, ea shee-a buyu puhye panou shee-a buloukhaio.”

PONGAOPEIYU 3:18

Südonou ne hani loure donou mei hinou pothou deiloua kukhai touyu sana, ne baitouyu vanou ahraoyu sü mainou ngaolou more hokhaiyu sabanüh kaa, alia nenou ngaoloure donou ne nghithouhi naloure theadzü sü Ahinou hrüloure donou Enou nehi paodou peiwe.

1 SAMUEL 24:13

Haibüa paokhai touyu tsüchi ali bue, ‘Mai ashi mainou vah ashi khesü soua baiwe.’ Südonou ne hi vah ashi ali-a Enou soulai moe.