DANIEL 12:1 - SHEEYU BAIBEL (BSI)

¹ “Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

DANIEL 12:1 Iomraidhean Croise

LOUTAO 56:8

Enou daizhou koute veaho-a nou bue touyu sü nenou süwe, Enou ngheidzü kouyu khesü nenou ngaowe. Sükhesü nevei larübvü hi rüthou khaitou movu?

LOUTAO 69:28

Puletao vei zhih sü nevei hriyu larübvü hinou souha peio; nevei maitao zhih rüyu hisü puletao vei zhih sü rüthou peiso.

ISAIAH 4:3

Jerusalem nuhdu hinou shokhai tou-a buyu maitao, Ramai nou thaimo-a panou dopapei khaitouyu mai hrülaiye sü sheeyu maitao tea kulai.

ISAIAH 9:7

Nuh teidei khasa-a hrülai puhvei khouko sü dupupalai; puhvei vedei sü teisa nou kaona-a bulai. David veo vei tyaosholea sou-a Puhnou vebuh hi bulai, chunou poa akhai koute acheche hinou ae kaozü hinou puhnou khasa-a hrülai. Khoukhoulai Mapao nou hai teitei sü haibüa soulai tea le lawure.

JEREMIAH 30:10

“Avei maitaore, ngaopiso; Israel maitaore, chathai taso. Enou neletaoye kadou shoyu buh hinou vupa peilai, ae neletaoye hukhamai soua buyu teidei hinou khailupa peilai. Neletao nou lahvei teidei hi dakhaive kaona-a hrüloulai; neletao hai kaozhou vei-a mai linoua neletaoye soupilai moe.

JEREMIAH 30:7

Ngaopi shoyu teithe sü velaire; teithe kukhe ali-a hai nasü paonada louhoe— haizhou sü avei maitao nou veaho sholai, ana puletao nou hriloulai.”

EZEKIEL 13:9

Da-a nou zho ngaowe tea paoyu maitao ae cheche moa maikhe maiye süthai mah peiyu rachipaola-apei maitao hai Enou tudee peilai-e. Neletao vei maitao nou chidei souyu phaki neletao hai sühi bulai moe; Israel maivei zhih rüthou khaitouyu hisü neletao vei zhih hai bulai moe; neletao hai lah neletao vei teidei hisü dakhai veloulai moe. Süthaisü E hai Ramai Mapao-e touyu sü neletao nou süloulai.

EZEKIEL 34:24

Mapao Enou puletao vei Ramai soulai, ae avei kilai David veo büyu vemai ali nou puletaoye khasa-a nou hrülai. Haisü Enou paowe.

EZEKIEL 5:9

Daiolouzü Enou ngaorayu vah haso veishi hai neletao nou soupfüre, südonou Enou raichoki soukhai moyu ae haithai naki-a soulai moyu nanou Enou Jerusalem sü tudee peilai.

DANIEL 10:13

Parsia vei vedei khoyu rakivamai nanou Eye teithe kaili nuchao loure. Ana rakivamai hi peichayu Maikhel nou Eye ve soukha peie, südonou Enou puhye Parsia hi khaiwua haihi vewe.

DANIEL 10:21

Ana acheche larübvü hinou rüthou khaitouyu nasü Enou ne hi paopeilai: Puletaoye reih züyu hisü Eye soukha peire mai kukhe ali-a hae, neletaoye soukha peiyuna rakivamai Maikhel likhi baie.

DANIEL 11:45

Puhnou dushoyu puhvei sahpao sü zaidu ae sheeyu deichi kohinou soukhai loulai, ana mai ali koutea puhye soukha peire mai ha-a puhsü thaita bailai.”

DANIEL 7:10

Alia puh nghoujü hinou mei nou küpoa tayu rei ali küpawe. Puhvei vebuh hisü mai thethe nou puhvei kuvah soua bue alia mai zzü-zzü kaa-kaa nou puh nghoujü nou la-a bue. Chikuyu buh hinou chi sü kutare, alia larübvü khesü laopare.

DANIEL 9:12

Nenou Etao hi ae Etao peikho maitao hi soulai tea paoyu nasü nenou soupeie. Nenou Jerusalem pei hi tudee peiyu büa deiphao hi buyu nuhdu kukhe ali hiro tudee peimo hie.

JOEL 2:2

maiyu alia zhiyu teithe, teihao chaoyu alia zhiteiyu teithe! Mai-zhi nou deichi sühao louyu büa reihmai sü pouso-a alia khouko buso-a velaire; sübüyu hai raiki pakhai mohie, mokhai-a bonakha hi koutea papulai moe.

MALAKAI 3:16

Süthaisü Mapao ye piyu mainou ali nou alihi paoyu Mapao nou keiwe alia choue, alia Mapao piyu mai ae puh zhih tsükhouyu maisü Puh nghoujü hinou licho louyu larübvü hi rüthou khaire.

MATHIU 24:21

Daiolouzü teideiphao soushu rainou chu koute pakhai moyu moa thaikhai koutea pakhailai moyu adudulai pihiyu nasü ve daolai.

MARK 13:19

Daiolouzü teithe sütao kisü Ramai nou deiphao soushurai hinou shua chu koute pakhai mohiyu ea haithaia pakhailai moyu souvea-souchoyu sü vedaolai.

LUK NOU RÜYU KO AVEIBVÜ 10:20

Sütoukhaia rashi taonou neletao khakhehi hrüe touyu vanou sawuso; ana neletao zhih hai rakihi rüthoure touyu vanou salo.”

ROMMAI 11:15

Daiolouzü puletaoye laiyu kisü, deiphaomaiye sü Ramai ngaobamai soua buyu hinou puhvei samai panou souloure. Sükuyu thaisü puletaoye popeiyu kisü kaku khailai? Süsü thaimaiye donou hriyu sünabaie!

ROMMAI 11:26

Alia haikuyu zhai hinou Israelmai hrülai hai khailu loulai. Haisü sheeyu larübvü nou paoyu kuwe, “Khailu-apeio sü Zion hinou velai, alia Jakob tyaonahmaitao hinou ashi teitei sü potawulai.

EPHESAMAI 1:21

Khrista nou sühinou raki hilo buyu teidei khomaitao, soulousü zü bumaitao, khouko bumaitao ea paopumaitao pei hinou tukha-a bue; deiphao hainahi ea thaikhai vere deiphao vei khouko bumai hrülaitaovei zhih teitei jünou veikou shoyu puhzhih bue,

PHILIPPIMAI 4:3

Alia Eye koa cheche-a kou pfüzhoyuna ne-a naotumai haitaoye soukha peikhaio tea Enou khowe; daiolouzü puletao nou Ko Aveina paodou loure donou E, Klement ea Ramai vei ahrimai larübvühi zhih rüthou khaitouyu kukhe Eye koa vah soumaitao hrülaiye koa te-a vah soue.

JUD VEI SEIKO 1:9

Ana rakivamai peichana Maikhel koutea Rashinaye Moses vei pfüphao vanou sao-a veivayu kisü, puhsü Rashinahi sou ahraoyu chinou mah dukhai peire khu habaire, ana “Mapao nou neye züpeitheo!” tea paobaie.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,

PONGAOPEIYU 12:7

Süthaisü raki hisü reih paloure. Maikhel ea puhvei rakivamai taonou zai nghouduna pei hisü reih züe, zai nghouduna-a puhvei vahmaitaoye koa reih züe,

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 17:14

Puletao nou Zhaotu süna pei hisü reih soulai; ana Zhaotu sünanou puhvei kulouyu, dolouyu, alia cheche-a puhthai fülaimaitaoye koa puletaoye sü koloulai, daiolouzü puhsü paopumaitao pei hi Mapaoe ea vemaitao pei hi Veo nasüe.”

PONGAOPEIYU 20:12

Alia thaimaitao taidu veishi kheihao-a vebuh süna nghojünou la-a buyu sü Enou ngaoe. Sühisü larübvütao hapa khaitoue, alia süthai-a kukhe larübvüli hapa khaitoue, süsü ahri larübvü nasüe.

PONGAOPEIYU 20:15

Ahri larübvü nahi zhih phouhayu maitaliye sü meizaihi polai thouwure.

PONGAOPEIYU 3:5

Reih kolouyu puletaoye sü sübüa sabanüh kaanou tupeilai, alia Enou hakia puletao zhihsü ahri larübvü hinou sounghiwu laimoe. Apuo ea puhvei rakivamaitao nghojünou puletao hai Amai baie tea Enou dua paopalai.

PONGAOPEIYU 7:14

Enou puh hi chila peie, “Dou-apeio, nenou süwe.” Alia puhnou Ahi paoe, “Mai haitaosü ngaopishoyu veahoyu hinou palouyu maitaoe. Puletao nou puletao vei zao aduna taosü shaowu-a sütaosü zhaotu zhenou soukaare.