DANIEL 11:8 - SHEEYU BAIBEL (BSI)

⁸ Puhnou puletao vei basharatao, shahu ae sana nou soukhai touyu mutei paikhao khesü Ejipt hi potawulai, alia po daotu lihai puhnou reih soumoa kaona-a bulai.

DANIEL 11:8 Iomraidhean Croise

SHURAI 31:30

Ne nepuo ki hi venü shoyu donou haibüa tutare touyu Enou süwe, ana ne dai sounou avei kikhahi khaitouyu bashara nasü potage?”

2 SAMUEL 5:21

Philistin mai nou Israel maiye dulou hoa tutare, puletao vei bashara koute thaowua tutare, ae David vei maitao nou sükhesü poloua tare.

TAPALOUYU 12:12

“Enou süzhou khei sü Ejipt teidei teitei tasühao velai, alia Enou Ejipt teidei hi mai ae kikhaorü narai hrülai sü southalai ae Enou Ejipt hi rah khesü tudee peilai. E hai Mapao-we.

ISAIAH 2:16

Puhnou dushoa soukhai touyu dzüluki teitei ae hüveishoa soukhai touyu shamara veishi sü souhawulai.

ISAIAH 37:19

alia puhnou puletao vei rah khesü meidei laiwure, daiolouzü puletao sü Ramai moe, ana bah nou soukhai touyu süü-chuh baie, südonou puletaoye sü souhawure.

JEREMIAH 46:25

Khouko buo Mapao, Israel maivei Ramai nou paoe, “Enou Ejipt maitao, puletao vei rahtao ae vemaitao koa Amon mai, ae Thebes hi rahtao sü tudee peilai. Enou Ejipt hi veo, alia puhye loucheyu mai hrülaiye sü saloulai,

DANIEL 10:3

Hapta asü chemo koute Enou touso aveih tya toumoe, zhaoh-a somoe, alia theadzü na-a peia kumoe.

DANIEL 11:9

Süthaisü reilo buyu Sairia veo nou khelo buyu Ejipt maivei teidei hisü reih huloulai, ana puhnou reih hulou loumoa lah teidei hi dakhai ta-a bailai.

HOSEA 13:15

Israel mainou kheipaoyu büa veishoa paopa buyuma, souhshoyu teikhai ye panou teinghi palo vanou hüve puhmai vei dzühou sü southe bailai, alia puletao vei dzüla khesü theta bailai, alia muteiyu na teitei hai puletao hinou poa tawulai.

HOSEA 8:6

Haihai Israel hi shara soumai nou soua baie, sühai Ramai moe. Samaria vei chode zhai hinou razhu soukhai toua buyu nasü souphe-souphosa wulai.

MAIPEI PHOUYU 33:4

Süteile hi Mapao nou Ejipt maiye nah naraio mai hrülaiye southa khaitouyu khesü puletao nou daovuh-a nou bue. Haibüa soupeiyu hai Ejipt maivei ramaitao jünou Mapao nou khoupu hie touyu sü soungao peie.

PAODAKHAIYU CHIKHA 12:3

Puletao rasheelabu sü khou pholaio, puletao sheeyu chuh khesü daphelaio-alia puletao rah Asherah kika khesü mei deilaio; puletao bashara khesü daosasa laio alia puletao zhih hai buh sükhe hinou souhalaio.

CHIKUAPEI MAITAO 18:24

Mikah nou “Enou soukhai touyu basharatao ae napao naye neletao nou sata likhu, ae Eye halia khai peimo likhu, alia ‘Eye daisou touwe’ tea neletao nou nouyu sü daivanoue?”