DANIEL 11:6 - SHEEYU BAIBEL (BSI)

⁶ Po daotu thaisü Ejipt hi veo nou Sairia hi veoye koa chavei lathaore donou vo soulai, alia puhnou puh nahpaiye sü Ejipt veo hi peilai. Ana puhai nou soukhai touyu vo nasü phasho laimoe, alia honapai, honapai khapu, honapai vei nahmai, ae puhye koa veyu kilai mai hrülaiye sü southa bailai.

DANIEL 11:6 Iomraidhean Croise

JOB VEI LARÜBVÜ 38:15

Mai ashi maitao nou avaye sü panou vapei nümoe, daiolouzü avana donou puletao hai hashi soulou shia baiwe.

LOUTAO 10:5

Mai ashimai nou soupfüyu vah veishi sü veilouwe. Puletao nou Ramai vei chikuyu sü zhingao moe; puletaoye ngaobayu maitaoye sü puletao nou jünüa baiwe.

EZEKIEL 30:21

“Thai-a bailaiyu mainare, Enou Ejipt hi veo vei bah hai dashare. Hai nasü panou veiloua khoche popu loure donou mai linoua sah sü züpei moe.

DANIEL 11:13

“Süthaia reilova buyu Sairia veo nou raiki jünou reihmai poupua tudakhai loulai, alia po daotu thaisü puhnou reihmai me aduli ae reih basei soutaosou tupfüloua dakhai kou reih soupulai.

DANIEL 11:15

Südonou reilova buyu Sairia veo nou veishoa soukhai touyu nuhdu khesü poloua bailai. Ejipt maivei reihmaitao hai reih zülou hoa bailai, pfüchi veishoyu ae khouko bushoyu reihmai koutea khouko ha-a bailai.

DANIEL 11:40

“Sairia hi veo vei teile akhai koumo jüve hi, Ejipt hi veo nou puh hi reih soukhelai, ana Sairia hi veo nou puhvei khouko teitei nou thouloua rüraipoyu büa rheiluki, rheipfüyu mai, ae dzüluki khesü pfüloua reih sü dulai, alia dzüdu veyu büa puhnou tyadei taoli hi reih sü huloulai.

DANIEL 11:7

Thashoa nou honapai vei kityarai mai ali nou pa veo soulai. Puhnou Sairia veo hisü reih huloulai, ae puhnou reih sü ngaloulai.

ZEKHARIAH 11:16

Daiolouzü chuo teidei haina hisü Enou zhaokhomai haibüyu hai panou palai: hatare zhaotu ye sü zhuvea laimoe, molaiyu zhaotu ye phouta laimoe, zhikhai touyu zhaotu ye sü souvei peilai moe, mokhaia zhaotu ye sü to peitou laimoe, ana hüveiyu zhaotu khesü toukhai loua bailai, phimou koute-a laoloua bailai.