DANIEL 11:2 - SHEEYU BAIBEL (BSI)

² Alia Enou chuo ne hi paopeire chipao hai cheche-e.” Rakivamai nanou paoe, “Parsia vedei hi vemai asü hrüve pulai, ae vemai adai chenanou puletao teitei jünou kini nipu sholai hie. Puhnou kini nipayu phaki alia khouko veikheyu phaki, puhnou Grik maivei vedeiye sü souchoro peilai.

DANIEL 11:2 Iomraidhean Croise

EZRA 4:24

Süvanou Jerusalem Rathoki vah souyu hai Parsia hi veo Dairus nou vekou louyu po ahai koute vah soupu more.

EZRA 4:7

Artaxerxes nou Persia hi veo sou-a buki, Bishlam, Mithredath, Tabeel alia puletaoye koa vah souyu maitao nou veo hi Aramaik mai la nou rüe, phouyu teile hiwo lah la hi dapa peie.

ESTHER 1:1

Xerses nou veo souyu phaki puhnou tyadei krailia kainai hai India teidei hinou poa Sudan (Ethiopia) koute khasa-a hrüe.

TSÜCHITAO 22:21

ae neye kaoyu ae checheyu sü doupeilai. Süthaisü neye seitayu maitao hisü nenou checheyu chila sü peiloulai.

DANIEL 10:1

Parsia hi veo Sairas nou vekoulouyu po asü kousü Belteshazzar tea kuyu Daniel hi chipao ali paosüngao peie. Chipao sünasü cheche-e, ana süloure hai tateishoe. Haina hai puh hi puhvei zho kounou shozü nou paongaotou tupeie.

DANIEL 11:25

“Puhnou soutaosoua dushoyu ae khoushoyu reihmai me ali saloua khekou buyu Ejipt veo pei hisü reih soulai. Ejipt hi veo-a reihmai taoli saloua reih sü dulai, ana puhsü pahshia bailai, daiolouzü puhye sü shodo souloua lalou bailai.

DANIEL 7:5

Khaosou ahai chena hai vuh büa phi ahai nou lapoa buyu Enou zhingaoe. Puh mü hinou turaopo asü tupoa nou bue ae pai ali nou haibüa shae, “Tashulo alia nenou toulou süyu sou khesü toukhaio.”

DANIEL 8:21

Nghitu nasü Grik maivei veo paowe, alia nghithou ahai kohinou kai ali pfüa buyu nasü veo arai naye paowe.

DANIEL 8:26

Teithe teithe vei posheelayu vanou ngaoyu zho nasü cheche-a vepalai, ana zho ngaokhai toua buyu nasü kheia poku khailo, daiolouzü hai nahai vepare teile taoli buhie.”

DANIEL 8:4

Zhaotu süna sünou puhvei kai ahai pfüa teinghi loulova, reilova ae khelova boua buyu Enou zhingaoe. Hrikhaona ali koutea puhye sü dulou hore, alia puhvei khouko hinou mai aliro turei palou moe. Puhnou sounü pfünü jüpayu teitei sü soua baiwe alia khaophu soushoa nou bue.

AMOS 3:7

Rachi paola-apei mai hi süngao peikhai toumoa Mapao Ramai hai haliro souwu moe.

JOHAN 10:35

Sükulouzü Ramai chipao peikhai touyu puletaoye puhnou ramaitaoe tea kulouzü sheeyu larübvü hinou paokhai touyu sü soukho louhoe.

PONGAOPEIYU 21:5

Sükisü vebuh vahinou chobuyu puhnou paoe, “Zhukhaio, Enou na teiteisü soushu peire!” alia puhnou Ahi paopukhaie; “Haisü rükhaio, daiolouzü chipao haitaosü louchelouveie ea chechewe.”