DANIEL 11:16 - SHEEYU BAIBEL (BSI)

¹⁶ Sairia reihmaitao nou sounüna thaifüa puletao nou souloua bailai, daiolouzü mai ali koutea puletao nghoujü hi lalou laimoe; alia puletao nou Apaokhai touyu Teidei hisü louloulai, ae sükhe teitei hai puletao vei khakhe hinou bua bailai.

DANIEL 11:16 Iomraidhean Croise

ISAIAH 8:8

Sübüa küveyu sünou Judah teidei teitei sü naolaiwulai, alia puletao ngu jünou la-a ae na buyu veishi sü phoutao loulai.” Ramai nou Etaoye koa bupeilai! Puhvei shouh nou teidei sü vupeilai.

JEREMIAH 3:19

Mapao nou paoe, “Oh Israel, Enou neye anahpoutu soua polounüe, ae neye veishoyu teidei ali peinüe, deiphao teitei hinou veikayu teidei. Neletaoye panou Eye neletao vei Puo tea kunüe, ae ahinou pa tala tapu khaimoa bunüe.

DANIEL 11:3

“Süthaisü khouko pfüshoyu vemai ali palai, ae puhnou dushoyu vedei nasü kholai alia puhnou sounü pfünü khesü puh dosoua soupfü loulai.

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 11:41

Puhnou Apaokhai touyu Teidei hia reih huloulai alia mai thethe sü puh bah hinou kaotalai, ana Edom ae Moab maivei teidei alia Ammon mai vei teidei matsütao hai puh bah hinou tupa loulai.

DANIEL 11:45

Puhnou dushoyu puhvei sahpao sü zaidu ae sheeyu deichi kohinou soukhai loulai, ana mai ali koutea puhye soukha peire mai ha-a puhsü thaita bailai.”

DANIEL 5:19

Sübüa puhye soudusho peiyu donou mai hrülai, tyahrü teitei, alia la tyakukua paiyu mai veishi nou puhye sü ngaopie. Puhnou mai taralia southa nüyu maiye sü southa baiwe, alia panou hria bunüyu maiye sü souhri peilou baiwe.

DANIEL 8:4

Zhaotu süna sünou puhvei kai ahai pfüa teinghi loulova, reilova ae khelova boua buyu Enou zhingaoe. Hrikhaona ali koutea puhye sü dulou hore, alia puhvei khouko hinou mai aliro turei palou moe. Puhnou sounü pfünü jüpayu teitei sü soua baiwe alia khaophu soushoa nou bue.

DANIEL 8:7

Puhnou zhaotu nahisü tupoa kou bouvayu Enou ngaoe. Puhnou lekha shopoa zhaotu navei kai ahai khinou bouchawure, alia puh nghoujü nou zhaotu nasü khouko hazhia deiphi bou khaokou khaiwure, alia puhye sü mai ali nouro nghitu hinou vupapei loure khouko hare.

DANIEL 8:9

Kai adai hrohinou kai taitou ali hai tsüpapure, alia puhnou khelova, teinghi palova ae Hüveishoa buyu Teidei hilosü dulailai poa tsüpare.

JOSHUA 1:5

Enou Moses ye zopeiyu büa, nea zopeilai; mai linoua ne hria bukisa ne nghoujü hinou lalou laimoe; Enou ne hi vetemoyu soulai moe alia neye thaowukhai toulai moe.