DANIEL 11:12 - SHEEYU BAIBEL (BSI)

¹² Puhnou reih veiloua reihmai taoliye southa louyu vanou ae nükhai louyu vanou puhsü khaophu sousho palai, ana puhnou phashoa veikou laimoe.

DANIEL 11:12 Iomraidhean Croise

2 VEMAITO 14:10

Chu nenou Edom mai jünou reih veiloure tea khaophu soua bure. Ne zhih aveih sünanou poloua ki hinou vaphi tea bua baio, daisounou veahoyu ae hakatayu sü ne hi ae nevei maitao hi pove peilai touwe?”

2 PUOPAOKO 25:19

Amaziah, chuo nenou Edom mai jünou reih veiloure tea khaophu sü soua bue, ana ngasoua ki hinou nasha-a bua baio. Ne daisounou veahoyu nasü lah ne pei hi ae nevei maitao hi povelai touwe?”

2 PUOPAOKO 26:16

Ana Veo Uzziah nou dusho pakhaie, puh hai khaophu soutare, südonou puh sü kaodu tare. Puhnou puhvei Ramai Mapao ye ngaophu moa Rathoki hi talou pou kainüvei deiyu posheelabu hinou meidei-a posheelare donou taloue.

2 PUOPAOKO 32:25

Ana Hezekiah nou khaophu sousholoua Mapao nou puhye souvei peiyu muh sü sülou more, südonou Judah ae Jerusalem mai hai veahoyu sü ve dao-e.

TSÜCHITAO 16:18

Khaophu soupa khai-e hakata baiwe, ae rochi lekhai-e kaotayu nou rai-a baie.

EZEKIEL 28:17

Ne hai zhurao veiyu donou khaophu sü souwe ae ne zhih tayu donou ne sü voyu mai ali büa hrüre. Hai vanou Enou neye sü deiphi hi soukou khaipeire ae veo mai sü deiphi hi soukou khaipeire ae veo mai kukhetao panou ngaopire donou soupeire.

EZEKIEL 28:2

“Thai-a bailaiyu mainare, Ramai Mapao Enou paoyu avei chipao hai Tair vei veo nahpoutu hi paopeio. Ne hai lah nevei tsüle hinou khaophu soua ne hai rah alie tea kha-a nou bure ae rahtao nou buyu buh, zaidzü nou sühao buyu hinou bulai tea khaophu soua nou bue. Ne hai rah ali-e tea tsücho-a bumala-e, ana ne sü rah moe, thai-a bailaiyu mai ali baie, rah moe.

EZEKIEL 28:5

Ne sü dokai veisho-a nou huha sü souloue ae chopayu sü souloue. Ne hai nevei nangi buyu donou daizhou koute khaophu sü soudesa!

DANIEL 11:11

Süthaisü khelo buyu Ejipt hi veo nou rarou sholoua takhe reilo buyu Sairia veoye reih zülai, alia puhnou Sairia veo vei reihmai taoliye sü nükhaiwulai.

DANIEL 11:13

“Süthaia reilova buyu Sairia veo nou raiki jünou reihmai poupua tudakhai loulai, alia po daotu thaisü puhnou reihmai me aduli ae reih basei soutaosou tupfüloua dakhai kou reih soupulai.

DANIEL 5:23

Nenou rakiva buyu Mapao ye ngaophou moyu hinou puhvei Rathoki hinou pove khaitouyu paikhaotao sü ne nghoujü popaloua sütao hinou ne, ne khehinou buyu peikhomaitao, ne chapfü maitao, ae nevei khrapfü maitaoye sa-a zhaoh sore. Nenou sülou hoyu, ngaolou hoyu ae choulou hoyu sana, shahu, baosahu, hu, süü ae chuhtao rahye paoshore, ana neye sühao-a buyu alia nenou souyu vah teitei khasa-a buyu Ramai ye nenou tsükhou peilou more.

DANIEL 8:25

Puhvei tsüdo ashi sünou poa vah taoli souloulai, ae puh sü la puhye mai kukhe jünou veipu hie tea polai. Puhnou mai taoliye mah lia ha-a souhawulai, alia vemai peinou buyu Veoye sü hraitalai, ana puhye sü deiphao mai vei khouko noumoa souhawu bailai.

PAODAKHAIYU CHIKHA 8:14

neletao khaophu soupalai alia mai qila soubuyu teidei hinou neletaoye sapa peiyu neletao Ramai Mapao ye ngaishulai.

1 TIMOTHI 3:6

Puh hai lü hinou licheyu maili souvu zülai, molouzü puh-a lah khaophu souloua rashina büa mah dukhaiyu hi kaolou bailai.

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”