DANIEL 10:16 - SHEEYU BAIBEL (BSI)

¹⁶ Süthaisü mai büyu rakivamai ali nou avei mütai kou puh bah nou daipeie, süthai sünou amü hepaloua pailoue. Anghoujü nou la-a buyu nahisü Enou paoe, “Apaopuwo, zho ngaoyu na vanou Esü avei pfüchi hare.

DANIEL 10:16 Iomraidhean Croise

TAPALOUYU 4:10

Ana Moses nou Mapao hi paoe, “Oh Mapaowo, Eye seita peiso, E hai chi paolousüyu mai moe alia ne kilai hi nenou chi paopeiyu thaia, Esü raolousü moe. E hai la daokhaokhaoyu ae haoshi shoyu mai ali baie.”

TAPALOUYU 4:13

Ana Moses nou chila peie, “Oh Mapaowo, zhuvea nou mai kukhe aliye seita pei baio.”

KOPAODOUWO 1:18

Daiolouzü, tsüvei alao buyu hisü rarou hai-a alao bue, alia tsüsü pupayu puh hisü leveayu hai-a pupa baiwe.

ISAIAH 6:7

Puhnou amü hisü meithou nou pokou deiloua paoe, “Chuo hai nanou ne mü sü deipeiwure, ne hi buyu kaomoyu ae zümoyu khesü hatare, alia nevei mah khesü khaipeiwure.”

JEREMIAH 1:9

Süthaisü Mapao nou puh bahsü topalou-a amü hi deiloua haibüa paoe, “Keilo, Enou neye panou paore chipao sü ne hi paopeilai.

EZEKIEL 1:26

Hrikhaonatao pei hinou haorüa soukhai touyu phaova nou mutei chuh saphir nou soukhai touyu vebuh ali büa nou bue, ae vebuh sühisü mai ali nou buyu büa nou bue.

EZEKIEL 3:27

Süthaisü Enou neye chapuyu phaki, Enou neye raolou süyu khouko hai peidakhai peilai ae nenou puletao hisü Ramai Mapao Enou ne hi paoyu chipao khesü puletao hi paopeilai. Nenou paoyu chi sü kamai-a nou ngaophou peilai moe, daiolouzü puletao hai khaityayu tyahrü ali baie.”

EZEKIEL 33:22

Mai süna vemozü khei-zhou hai, Mapao vei dushoyu khouko hai ahi ve-e. Thainesho shona hai mai sünanou ahi veyu phaki, Mapao nou Eye raolou süyu khouko hai peidakhai peie.

DANIEL 12:8

Puhnou paoyu sü Enou choue, ana daivanou paowe touyu Enou sümore. Südonou Enou noue, “Oh apaopuwo, haitao hai kabüa kou akhai soulaige?”

DANIEL 4:19

Süthaisü Belteshazzar tea kua buyu Daniel hai teile phazütou lihai khupa sholoua tsü hare. Veo nou Daniel hi paoe, “Belteshazzar, ne Enou me muyu na vanou mokhaia sünasü daivanoue touyu donou ngaopiso.” Belteshazzar nou chila peie, “Oh Apaopuwo, nevei me nahai neye donou moa nevei ngaoba maiye donou baie toulouzü daizhou koute veilaisa!

DANIEL 7:15

Daniel, E sü le veashore alia Enou zho ngaoyu na vanou ale sü chorore.

DANIEL 7:28

Akhai nasü haihaie. Daniel, E sü tsücholoua ngaopire, alia avei zhuh shirah tare, ana chi paokhai touyu taosü Enou ale hi pokhai loure.

DANIEL 8:15

Enou zho ngaoyu nasü daivanousa tea sülounüa buyu phaki, mai ali raibüa anghoujü hisü kou laloure.

DANIEL 8:17

Enou la-a buyu hisü Gabriel nou takou nghiloure, alia puhnou ahi takouyu phaki, E sü ngaopi sholoua dei hi kaokoure. Ana puhnou ahi paoe, “Mainah poutu nare, nenou ngaoa buyu zho nasü akhai teile hi vepare donoue, sünasü ne soutaosou sütou toulo.”

DANIEL 8:18

Puhnou ahi chipao-a buyu phaki, apah sü deiphi pfükou khailoua Esü zhitei tare, ana puhnou Eye phaolashu loua panou buloure.

DANIEL 8:27

Daniel, E sü teithe taoli vealoua souloure. Süthaisü veipa loua Enou veo vei vahbu hisü tare. Ana Enou ngaoyu zho süna vanou atsü haore ae Enou süsü sülou hore.

DANIEL 9:21

Enou veachi paoa buyu phaki, raiki avei zho hinou ngaoyu rakivamai Gabriel nou koukhe posheelayu teile hinou ahi zhaove-e.

LUK NOU RÜYU KO AVEIBVÜ 1:64

Sübü hinou puh müsü houpare ea puhvei malisü noutare, alia puhnou Ramaiye shoa chi paopare.

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

JOHAN 20:28

Thomasnou puh hi chila peie, “A Mapao ea A Ramai!”

JOSHUA 5:14

Puhnou chila peie, “Maimai donoua moe, ana Mapao vei reihmai peikhowo soua E chu haihi vewe.” Süthai Joshua nou dei hi kaokou loua puhye sü khurüe, alia puh hisü paoe, “A Mapaowo, ne kilai ahi dai kharochi peire bue?”

PONGAOPEIYU 1:13

alia meibvü dzükhaiyu buh sütao hrohisü Mainah Poutu büyu mailisü puhvei zaodu nanou puh phipha hi chakou-a alia sana khyakho alinou puhkhao hi khokhai tou-a bue.

CHIKUAPEI MAITAO 13:8

Süthaisü Manoah nou Mapao hi veachi paoe, “Oh Mapao, E ne hi veachi paoe, nenou achapfü hi seiveyu mai nasü seivepu peiraio, panou kabüa nalaiyu nahtou nasü kiko loulai touyu sü paodoupu peilaio.”

CHIKUAPEI MAITAO 6:13

Gideon nou puh hi paoe, “Aduwo, Mapao nou Etaoye salai peilouzü, daisounou haibüyu teitei hai Etao pei hi panou ve daowe? Etao puopaoh nou khupayu ko ‘Mapao nou Etaoye Ejipt teidei hinou sapapei she’ tea paoyu khesü daisou tare? Chuo Mapao nou Eye thaowure, alia Etaoye Midian mai bah hi thaothou peire.”

CHIKUAPEI MAITAO 6:15

Gideon nou chila peie, “Ana Mapao, Enou kabüa Israel maiye sü khailu palou khailai? Avei pfümounah sü Manasseh khü hinou taikayu natou baido, ae Esü akikha hinou lelou hokha natou baie.”