DANIEL 10:12 - SHEEYU BAIBEL (BSI)

¹² Süthaisü puhnou ahi paoe, “Daniel, ngaopiso, daiolouzü nenou tsüsüyu ngaoloure donou Ramai nghoujü nou nakouloua veachi paoyu nasü, süzhou teithe hinou nevei veachi sü noupeiwure, alia nevei veachi nasü chila peire donou E ve-a baie.

DANIEL 10:12 Iomraidhean Croise

LOUTAO 69:10

Enou lüh-a nou nataiyu hrü hinou hrüa bue, ae maikhe mainou Eye ngaohi-a paoshire;

ISAIAH 35:4

Ngaopia nou areih hayu maitao hisü haibüa paopeio, “Khouchilo alia ngaopiso! Ramai nou tave neye khailupa peilai, ae neye ngaobayu maitaoye sü puhnou khüngu phoupeilai.”

ISAIAH 41:10

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

ISAIAH 41:14

Mapao nou paoe, “Shikhaotu büa lülohoa buyu Israel maitao, ngaopiso, Enou neletaoye soukha peilai. E hai neletaoye khailupa apeio, Israel maivei Sheeyu Ramai nasüe.

ISAIAH 58:9

Süthaisü neletao nou veachi paoyu phaki Enou keinou peilai, neletao nou Eye kuyu phaki Enou khe peilai. “Neletao hrohi maiye souvea souchoroyu bailouzü, ae maiye bahtou nou raopoa chilako ashi paoyu khaita louzü,

ISAIAH 65:24

Puletao nou ahi veachi paoche moa bukinou Enou puletao vei akho nasü noupeilai.

DANIEL 10:11

Rakivamai nanou ahi paoe, “Oh Daniel, Ramai nou neye leshie. Enou paoyu chipao taosü soutousou keitou tulo, ae latou tulo, daiolouzü Eye ne hi seivewe.” Puhnou ahi chipao haitao pao-a buyu phaki, E sü lashu loure ana shihrührüa buhie.

DANIEL 10:19

Puhnou ahi paoe, “Ramai nou neye leshi shoe, südonou ne ngaopiso, kaonayu sünou ne hi bulo, khouchilo ae khuveilo.” Puhnou ahi paoyu thaisü, avei pfüchi pare alia puh hi haibüa Enou paoe, “Apaopuwo, nenou ahi paolaiyu taosü paopei khaio, daiolouzü nenou Eye soukhou peire.”

LEVIMAI LARÜBVÜ 16:29

Vere teile veishi hinou zhai haitao hai reilai. Khouh anai navei teithe kirou zhou hai Israel mai hrülai ae puletaoye koa hrüyu shetumai hrülai-a vah soumoa lüh-a reilai.

LEVIMAI LARÜBVÜ 16:31

Süzhou teithe hai sheeshoyu teithe ali soulai, vah lia soumoa lüh-a bulai. Zhai hai nasü vere teile veishi hinou soupfülai.

MAIPEI PHOUYU 29:7

Khouh anai vei khoukha kirou zhou sü tave jüloua ratholo; süzhou teithe sü halia touso ae vah-a souso.

MATHIU 28:10

Sükisü Jisu nou puletao hi paoe, “Pikhaiso; takhaio ea Athaihou jüraimai taoye Galilee hi tavere donou paopeikhaio, alia sühinou puletao nou Eye ngaolai.”

MATHIU 28:5

Ana rakivamai nanou naotumai taohi paoe, “Neletao pikhaiso; daiolouzü kros vanou veatheayu Jisuye neletao nou phoua bue touyu hai Enou süwe.

MARK 16:6

Alia puhnou puletao hi paoe, “Khupaso; neletao hai kros vanou veatheawuyu Nazareth Jisu ye phoue touyu hai Enou süe. Puhwo haihi hae. Puh hrishu loure! Zhukhaio, haisü puletao nou puhye pokhaiyu buh-e.

LUK NOU RÜYU KO AVEIBVÜ 1:13

Ana rakivamai sünanou puh hi paoe, “Pikhaiso, Zekharia, daiolouzü nevei veachi sü noupeire, alia ne chapfü Elizabeth nou nahpoutumai ali hrülai, alia nenou puh zhih sü Johan tea salai.

LUK NOU RÜYU KO AVEIBVÜ 1:30

Rakivamai sünanou puh hi paoe, “Pikhaiso, Meri, daiolouzü neye Ramai nou khuleshi peire.

LUK NOU RÜYU KO AVEIBVÜ 2:10

Ana rakivamai sünanou puletao hi paoe, “Pikhaiso! Daiolouzü zhukhaio, mai hrülai donou sasho laiyu ko avei nasü Enou neletao hi povewe;

LUK NOU RÜYU KO AVEIBVÜ 24:38

Sühinou puletao hi paoe, “Neletao daidonou ngaopiwe, alia daidonou neletao le kiwe?

SEI-ATAMAI VAHTAO 27:24

‘Paul pikhaiso! Ne Kaisar nghojü hi ve lavuzülai, alia zhukhaio Ramai nou neye zhuvea peiyu vanou neye koa dzüluki hinou laiyu maikhemai hrülaiye sü khaipa peilai,’ tea paoe.

PONGAOPEIYU 1:17

Enou puhye ngaolouyu kisü, Esü thaimai libüa puhphi hinou kou kaotare, ana puhnou puh bah zhoulonou Ava hi pokhailoua haibüa paoe, “Pikhaiso! Esü araikhana ea nakhana süe.