DANIEL 10:1 - SHEEYU BAIBEL (BSI)

¹ Parsia hi veo Sairas nou vekoulouyu po asü kousü Belteshazzar tea kuyu Daniel hi chipao ali paosüngao peie. Chipao sünasü cheche-e, ana süloure hai tateishoe. Haina hai puh hi puhvei zho kounou shozü nou paongaotou tupeie.

DANIEL 10:1 Iomraidhean Croise

SHURAI 41:32

Nenou me mu dakhaiyu nasü Ramai nou souvu zülai tea teile dadewure alia sünasü teile jüta thai palai touyu pongaowe.

2 PUOPAOKO 36:22

Persia hi veo Sairas nou ve koulouyu po araina hinou rachipaolawo Jeremiah nou paokhai touyu chipao sü panou vetere donou Mapao nou veo Sairas vei tsüle sü daipeia panou puhvei vedei teitei hisü haibüa kharochi rüloua panou shapao ta-e:

EZRA 3:7

Persia hi veo Sairas nou kharochi peiyu na thaifüa puletao nou Sidon ae Tair hi buyu chuh ae süü vah soumai hisü sha peiwure alia touso ae theadzü-a peie. Daiolouzü homaitaoye panou Lebanon hinou Joppa hisü sedar süü hai panou zaipeinou pfüve peire donoue.

EZRA 4:3

Ana Zerubbabel, Joshua ae Israel maitao hi peikho maitao nou haibüa paoe, “Etaonou Rathoki soupare haina hio neletao vei soukhayu hai komoe, Parsia hi veo Sairas nou Eh hi kharochi peiyu thaifüa Etao lah soulou-a bailai.”

EZRA 4:5

Süthaisü puletao nou Persia hi teidei kho-a buyu adu maitaoye ngaloua panou vah soulou more donou soure alia Parsia hi veo Sairas phao hinou Darius veo hi koute haibüa daihaore.

EZRA 6:14

Rachi paolawo Haggai alia Zekhariah nou süpeiyu na thaifüa Rathoki sü Jehudimai hi süthai-apei maitao nou veihshoa soutare. Puletao nou Parsia hi veo Sairas, Darius ae Artaxerxes nou kharochi peiyu thaifüa Rathoki sü souche loure.

EZRA 6:3

“Sairas nou pa vekou louyu po araina hinou haibüa kharochi sü peikhai toue, süolouzü Jerusalem hi posheelayu ae meidei-a rathoyu Ramai vei ki nasü panou soudakhai palouo; Rathoki nasü mitar kainai kulai ae mitar kainai kalai.

ISAIAH 44:28

Enou Sairas hisü paoe, “Ne sü Eye donou nuh teidei khasa-a hrülai; Enou jüpayu vah khesü nenou soulai, nenou Jerusalem sü soushu dakhailo tea kharochi peilai, ae Rathoki nasü beikhei soushulo tea paopeilai.”

DANIEL 1:17

Ramai nou nahlemai haitao adai hisü tsüvei, larü süyu ae ratsü sü peie. Süjünoua pua Daniel hisü zho ngaoyu ae me paolalou süyu tsüdo hai-a peie.

DANIEL 1:21

Parsia hi veo Sairas nou reih soulou Babilon polouyu koute Daniel nou veo vei chiku apeimai ali soua bue.

DANIEL 1:7

Peikhowo nou puletaoye zhih ashu haibüa sapeie: Daniel zhih sü Belteshazzar, Hananiah zhih sü Shadrak, Mishael zhih sü Meshak, alia Azariah zhih nou Abednego tea sapeie.

DANIEL 10:14

Enou haihi ve neye panou haithai nevei maitao hi daidai vepa laiyu taosü süloure donou vewe. Haihai akhai teithe hi vepare vei zho ngaopeiyu nasüe.”

DANIEL 11:2

Alia Enou chuo ne hi paopeire chipao hai cheche-e.” Rakivamai nanou paoe, “Parsia vedei hi vemai asü hrüve pulai, ae vemai adai chenanou puletao teitei jünou kini nipu sholai hie. Puhnou kini nipayu phaki alia khouko veikheyu phaki, puhnou Grik maivei vedeiye sü souchoro peilai.

DANIEL 12:4

“Ana Daniel, akhai teile hi koute larübvü nasü hokhaiwuo alia sheesao khaio. Mai alaosou akhai teithe hisü hasüpu loure donou takou takhea phoulai.”

DANIEL 12:9

Puhnou ahi chila peie, “Daniel, ne tabaio, daiolouzü chipao haitao hai akhai teile hi koute kheia nou khailai.

DANIEL 2:21

Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

DANIEL 4:8

Süthaisü akhai khailai nasoua Daniel nou ahi taloue (Puh zhih hai avei rah na zhih raia Belteshazzar tea kuwe). Sheeyu Ramai vei rako hai puh hi bue, südonou Enou avei me nasü puh hi paoe:

DANIEL 5:12

Maipou süna hisü soulou süyu dokai, hasüyu, me paolapa peilou süyu, nadachi süyu, alia khei khupayu khesü paolou süyu bue; südonou maipu sünaye ne puo Veo nou Belteshazzar tea kuyu, Danielye sü kulo, sütoulouzü puhnou ne hi kivo va hi rükhai touyu larücha nasü daitouwe touyu paopei lousüe.”

DANIEL 5:17

Daniel nou veo hi chila peie, “Nevei sapeina khesü la neye donou khailoua baio, moyuma nevei buu khesü mai kukhe mai hi peio. Enou veo hisü kivo va hinou rükhai touyu nasü phoupa peilai alia süsü daivanoue touyu paolapa peilai.

DANIEL 6:28

Daniel nou veo Darius ae Parsia hi veo Sairas nou vekouyu phaki sava-a nou vei-a hrüe.

DANIEL 8:16

Alia Ulai rei pe hinou pai ali haibüa paoyu Enou choue, “Gabriel, zho ngaoyu nasü daivanou ngaowe touyu mai haina hi paopeio.”

DANIEL 8:26

Teithe teithe vei posheelayu vanou ngaoyu zho nasü cheche-a vepalai, ana zho ngaokhai toua buyu nasü kheia poku khailo, daiolouzü hai nahai vepare teile taoli buhie.”

LUK NOU RÜYU KO AVEIBVÜ 1:20

Alia zhukhaio, shee haitao pamo sasü ne hai la ha-a chi paolou holai, daiolouzü teile kaovei hinou vete laiyu Avei chipao taosü nenou louche peimoe.”

PONGAOPEIYU 19:9

Alia rakivamai sünanou Ahi paoe, “Haisü rüthoukhaio: Zhaotu sünavei sheenghiyu tovaihi vere kulouyu puletaosü rako veie.” Alia puhnou paopukhaie, “Haitaosü Ramai vei cheche chipaotaoe.”