DANIEL 1:4 - SHEEYU BAIBEL (BSI)

⁴ Puletao hai shovai laimoe, zhurao veilai, hüvei sholai, alia tsüdo aveih mai, le lahyu mai, ae veo ki hinou vah soulou süyu mai ali soulai. Puletaoye Babilon maivei la hai Ashpenaz panou doupeilai.

DANIEL 1:4 Iomraidhean Croise

SHURAI 41:46

Josef nou Ejipt hi veo vei vah talou souyu kisü puh hai po shirou pare. Puhnou veo vei vahbu thaokhaia Ejipt teidei teitei taho sühao zhutare.

2 SAMUEL 14:25

Israel mai hrülai hi Absalom büa hüveiyu ae kaiyu mai kusü ali-a hae. Puh hai pei hinou phipha koute hai shiyu ali-a hae.

TSÜCHITAO 22:29

Ne vah soulousü shoyu mai lia ngaoho moe? Puhsü vemai nghoujü hinou la-a bubailai; puhsü züdou moyu mai nghoujü hinou la-a bulai moe.

KOPAODOUWO 7:19

Tsüaveih nou tsüveimai lihi khouko peiyu hai nuhdu lihi buyu vemai kirou nou peilou süyu jünou puhie.

ISAIAH 36:11

Süthaisü Eliakim, Shebna ae Joah nou Rabshakeh hi paoe, “Zhuvea nou ne kilai Etao hi Aramaik la nou paopei baio, daiolouzü Etao nou süsü süwe. Etao hi Hebrew mai la paopeiso, kivo phao buyu maitao haia süsü chouwe.”

JEREMIAH 5:15

Oh Israel maitaore, Mapao nou kadoushoa buyu tyahrü aliye panou neletao pei hi reih soure donou salaire. Tyahrü süna hai khoushoyu ae daotsümai tyahrü alie; Puletao vei la sü neletao nou sülai moe.

DANIEL 2:10

Hasüyu maitao ae keinguyu maitao nou veo hisü chila peie, “Veo nou jüpa-a khoyu nasü paopei loure deiphao hi mai aliro hae. Dushoa buyu vemai ali koutea haibüyu hai puhvei teingumai, hasü hangaoyu mai hi noukhai toumo hie.

DANIEL 2:2

Südonou puhnou keingumai, kheikhupado sümai, keingumai ae hrürayu mai hrülaiye tave puhnou me muyu nasü daitouwe touyu paopeio tea kupoa ve-e. Puletao nou veo nghoujü hi tave lalouyu phaki,

DANIEL 3:8

Haibüyu phateile hinou Babilon hi kamaia nou Jihudimaiye mah dukakhai peire zhoukao aveih nasü poloure.

DANIEL 4:7

Süthaisü teingumai, khei khupado sümai, pouro soumai, ae keingumai hrülai sü tave-e, alia Enou puletao hi Enou me muyu nasü paongaoe, ana puletao mai aliro avei me nasü daivanoue touyu ahi paola peilou more.

DANIEL 5:11

Nevei vedei hi Sheeyu Ramai vei Rako sa-a laiyu mai ali bue. Ne puo nou hria buyu phaki, puh hisü hasüyu, sükulou süyu tsüdo, alia rahtsü hai Ramai büa puh hi bue. Südonou ne puo Nebukhadnezzar nou puhye panou khei khupado sümai, teingumai alia hasü hangaoyu maitao pei hi panou peikhowo sü soue.

DANIEL 5:7

Veo nou shusoua teingumai, keingumai, khei khupado sümai, ae pouro soumai hrülaiye puh hi save peio tea share. Veo nou Babilon hi hasü hangao maitao hi paoe, “Mai taralia kivo vahi rükhai touyu larücha nasü phoupaloua ae süsü daitouwe touyu ahi paopei louzü, mai sünaye vemai vei sabanü banao peilai, puhye sü sanatou toupeilai, alia vedei khoyu hi panou vahdubu asü chena hisü bulai.”

DANIEL 9:1

Mede maikhü hinou hrüveyu Xerxes (Ahasu-ers) nahpoutu Darius nou Babilon teidei hi veo soue.

ZEKHARIAH 2:4

alia puh hisü haibüa paoe, “Tukou douyu rai poa buyu nahlepuna hisü haibüa paopeio: Jerusalem hai kivo khopu moa nou hrüa bailai, daiolouzü haihi mai alao sou hrüvelai ae kikhaorü hai-a poushoa hrüpalai.

SEI-ATAMAI VAHTAO 7:20

Sükuyu teile hinou Mosesye sü naloue, alia Ramai nghojünou Moses sü hrüvei shoe. Alia puhpuo ki hinou puhye sü khou asü kipae,

SEI-ATAMAI VAHTAO 7:22

Alia Mosesye sü Ejipt tamaivei ratsü doupeie ea puhsü chipao ea vah sovei hinou khouchihsho loure.

EPHESAMAI 5:27

alia haisü lüloumaimeye lah puh hi zhai veishoa süolouzü shee-a ea mahlia ha-a, chaalia taomoa moa tei lia taomoa ea kukhe chemoyu alia ha-a popeire donoue.

CHIKUAPEI MAITAO 8:18

Süthaisü Gideon nou Zebah ae Zalmunna hi noue, “Nehai nou Tabor hinou southayu maitao sü kabüwe?” Puhai nou “Neye raiwe, alia puletao mai hrülai nou veo nahmai bütoua bue” tea chila peie.