DANIEL 1:2 - SHEEYU BAIBEL (BSI)

² Mapao nou Judah hi veo Jehoikim ye sü panou nüloure ae rathoki hi buyu paikhao khesü panou poloure. Puhnou hukhamai-a taoli nüpoa tare alia rathoki hinou polouyu natao sü puhnou pove puhvei rathoki hisü khaiwure.

DANIEL 1:2 Iomraidhean Croise

SHURAI 10:10

Shurai hi hai puhvei vedei sü Babel, Erek ae Akad, haitao asü nou Shinar (Babilon) teidei hinou bue.

SHURAI 11:2

Maihrü hai teinghi palova hrüsho poa veyu phaki, puletao nou Shinar (Babilon) hinou deikho ali ngaoloua sühinou füsho loure.

2 VEMAITO 24:1

Jehoiakim nou veo soua buyu teile hinou, Babilon hi veo Nebukhadnezzar nou Judah teidei hisü reih huloure, ae po asü koute Jehoiakim ye panou puhvei khakhe hinou hrüe; süthaisü Jehoiakim nou puhye khaitya pare.

2 PUOPAOKO 36:5

Jehoikim nou Judah hi ve koulouyu phaki, puh hai po kaingou pare, ae puhnou Jerusalem hinou po kiali hai veo soue. Puhnou puhvei Ramai Mapao vei nghingao hinou vah ashi sü souwe.

2 PUOPAOKO 36:7

Nebukhadnezzar nou Rathoki hi buyu paikhao taoli hai poloua pove puhvei ki hi khailoure.

EZRA 1:7

Süpeinou, Nebukhadnezzar nou Jerusalem hi Mapao vei Rathoki hinou na taoli poloua lah puhvei Rathoki hi khaitiyu taoa Sairas veo nou popa loua dakhai peie.

ISAIAH 11:11

Mapao nou süzhou teithe sü vakou tuho hrütayu puhvei maitaoye sü Assaria, Ejipt, Pathro, Ethopia (Sudan), Elam, Shinar (Babilon), Hamath ae zaipe hinou hrüa buyu maitaoye sü sa-a ki hi dakhai vepu peilai.

ISAIAH 42:24

Thaonou Israel maiye maivei shaotou shaosoyu mai bah hi thoupeie? Eletao nou mahmo souyu donou, puhnou jüpayu ludu hi talou moyu donou, paochi züba-a ae chikha khesü zülou moyu donou hainasü Mapao nou baie.

JEREMIAH 25:1

Judah hi veo Josiah nahpoutu Jehoiakim nou vekou louyu po adai navasü Judah hi maitao donou Mapao vei chipao hai ahi ve. (Süsü Babilon hi veo Nebukhadnezzar nou vekou louyu po arai na hinoue.)

JEREMIAH 27:16

Süthaisü Enou napao maitao ae maikhe maitao hi Mapao nou paoyu chipao khesü paopeie, “Babilon hinou rathoki vei kini khesü thashoa nou poa dakhaive laire tea paoyu rachipaola maitao vei chi keiso, puletao nou da-a neletao hi pao-a baie.

JEREMIAH 28:3

Po ahai lüvai hinou Enou Babilon hi Veo Nebukhadnezzar nou rathoki vei kini potayu khesü buh haihi poa dakhaive peilai.

JEREMIAH 35:11

Ana Babilon hi Veo Nebukhadnezzar nou Etao teidei hi reih hulouyu donou Etao hai Babilon ae Sairia maivei reihmaitao hinou tuvai loure donou Jerusalem hai hi ve hrüa nou bubaie.”

JEREMIAH 50:2

“Tyahrütao hi ko hai nasü shapao peio! Shee nasü peio ae ko nasü paosü peio! Hai nasü kheikhei soua poku khaiso! Babilon sü kaodu tare! Honapai vei Marduk rah sü pepo tare! Honapai vei bashara khesü hraongu ngaore, honapai vei ngaorayu zhurai khesü deiphe sasawure!

JEREMIAH 51:44

Enou Babilon maivei Bel rahye sü tudee peilai, ae puhnou maivei vaolouyu na khesü poloulai. Tyahrütao nou puhye sü thopulai moe. “Babilon vei kivo sü pepo tare.

DANIEL 5:13

Süthaisü Danielye veo nghoujü hi saloure. Veo nou Daniel hi noue, “Ne apuo Nebukhadnezzar nou Judah teidei hinou nüpoa veyu Daniel vu?

DANIEL 5:18

Oh Veo, Kukulai hi Abuwo Ramai nou ne puo Nebukhadnezzar ye vebuh, aduso, khouko ae kathe khesü peie.

HABAKKUK 1:16

Südonou peletao nou puletao vei besah ye sü posheelawe alia kainüveih nou poa meidei-a thowe, daisounou tiyuo puletao vei besah na vanou puletao hai vasho-a toushoyu sü ngaolouwe.

ZEKHARIAH 5:11

Puhnou ahi paoe, “Babilon hi potare. Buh sühinou puletao nou honapai ye donou rathoki ali soue. Sünasü souche loure toulouzü, puletao nou sülai nasü sühi khailoua tholai.”

PAODAKHAIYU CHIKHA 32:30

Daidosoua mai ali nou mai theliye sü dulou laige, alia mai ahai nou mai thekirou sü hulai khailou laige? Süsü puletao Ramai Mapao nou puletaoye sü zholaiyu donoue, ae puletao Mapao nou puletaoye thaotayu donou baie.

CHIKUAPEI MAITAO 2:14

Südonou Israel mai hisü Mapao nou rarou loua maivei saotou saosoyu maiye panou puletao vei kini khesü saoloure. Ae puhnou puletao pehao hinou hrüyu ngaobamai bah hisü zhothou peire, südonou puletao hai puletaoye ngaobamai nghoujü hinou lalou hore.

CHIKUAPEI MAITAO 3:8

Südonou Mapao nou rarouloua Israel maiye panou Mesopotamia hi veo Kushan-rishathaim khakhe hinou po acha panou hrüe.

CHIKUAPEI MAITAO 4:2

Südonou Mapao nou puletaoye sü Hazor hinou hrüa buyu Kanaan mai veo Jabin bah hi zhothou peiwure. Puhvei reihmai peikhowo zhih sü Sisera touwe. Puhnou Harosheth-ha-goiim hinou hrüe.

1 SAMUEL 5:2

Süthaisü puletao nou Vo Sübvü nasü puletao Dagon rah ye thoyu rathoki hi polou puhvei zhurai daokhai touyu pe hi khaiwure.