AMOS 7:3 - SHEEYU BAIBEL (BSI)

³ Mapao nou haina donou le daloua paoe, “Haisü panou vepa khailai more.”

AMOS 7:3 Iomraidhean Croise

PAODAKHAIYU CHIKHA 32:36

Mapao nou puhvei maitaoye sü vupa peilai, alia puhvei kilai maitaoye zhuvea peilai puletao nou veashoa buyu phaki.

JONAH 3:10

Puletao nou vah ashi nasü thaowua leda loure touyu Ramai nou ngaoloukhaie, puletao ye souhalaiyu hinou Ramai-a leda tare alia puletao ye souha mode.

HOSEA 11:8

“Oh Ephraim, kabüa nou E neye sü thaoloulai? Oh Israel maitaore, E neletaoye sü kabüa nou mai kukhe mai bah hi thaothou loulai? Kabüa nou E neletaoye sü Admah mai kua souha khailaige? Mokhaia kabüa nou Zeboüm maiye souveayu büa neletaoye sü souvea khailai? Neletao ye tudee-a souvealai toukhaie, Alesü neletao ye zhuveayu nou phoutsü loua baire.

AMOS 7:6

Haina donou Mapao nou le daloua nou paoe, “Hainaro panou vepa khailai more.”

JOEL 2:14

Puhnou dakhai ledaloua, alia neletao nou Ramai Mapao hie tou-so sheela peikhai touyu hai shiha peia thaodai peiyu hai thaonou sülai?

LOUTAO 106:45

Puhnou puletaoye donou vo soukhai touyu nasü licho peie, ae puhvei zhuvea leshi hinou puhnou puletao hi lekha nasü khaita peie.

JEMS 5:16

Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

JEREMIAH 26:19

Veo Hezekiah ae Judah hi maitao nou Mikah sü southa moa Hezekiah nou Mapao ye tsükhoua puhvei jüpa soure donou phouloure. Mapao nou puletao pei hi soushi peilai tea paopi peikhai touyu sü soupei moa leda loure. Chuo hashi ae veahoyu nasü lah Etao pei hi pove loulaire.”

1 PUOPAOKO 21:15

Süthaisü puhnou Jerusalem nuhdu nasü souhare donou rakivamaiye seive-e, ana puh le sü daloua rakivamai nahi paoe, “Tesüre, ne chao-a baio.” Ae rakivamai nasü Jebus puona Araunah vei thaibuh hinou la-a bue.

SHURAI 6:7

Südonou Mapao nou paoe, “Enou soukhai touyu mai alia soukhaona, pounou roua tayu khaona, teihi raohou haitao hrülai hai souhawulai, daiolouzü puletaoye soukhai touyu hai E le veare.”

LOUTAO 90:13

Nevei lekha rarou nasü teile kasho bukou laige? Oh Ramai, nevei kilai Etaoye zhuvea peio.

JEREMIAH 42:10

‘Neletao nou teidei hai hi hrüa bunü louzü, Enou neletaoye soushu peilai, soushi peilai moe; Enou neletaoye shothou peilai, pailai peilai moe. Enou teidei haina hi hakayu ae veahoyu pove peiyu vanou E-a levea shore.

JOEL 2:13

Nevei sabanü nou mo-a ne lethou nou ratholo.” Ne Mapao Ramai hi dakhai velouo, daiolouzü puh hai zhuvea süyu alia leshi süyu Ramaie, puh hai shososou-a rarou baie, zhuvea sü-e alia ashi soumaiye souvea moa nou khaipeire donou phou-a bue.

AMOS 5:15

Ashi nasü ngaoralo ae aveih nasü leshilo alia acheche nahai ne buh hinou soushulo; sükulouzü hrülai pei hi Mapao Ramai nou daoti shokhai toua buyu Israel maiye zhuvea peishulai.

TAPALOUYU 32:14

Süthaisü Mapao nou puh vei maitaoye souhalai tea tsücho khaitouyu nasü le datare.

LOUTAO 78:38

Ana Ramai nou puhvei maitaoye sü zhuvea peie, puhnou puletao vei mahmo khesü khaipeie ae puletaoye sü souha pei moe. Vu taoli hai puhvei lekha rarou nasü khailoua panou pamoe.