AMOS 1:3 - SHEEYU BAIBEL (BSI)

³ Mapao nou haibüa paoe, “Damaskas hi buyu mainou mah soukhaikhaiyu donou, puletao ye tukhare nahai Enou pokhaiwu laimoe; daiolouzü puletao nou Gilead maiye hunou dou dayu büa dapeire.

AMOS 1:3 Iomraidhean Croise

1 VEMAITO 19:17

Mai taralia Hazael nou southalo moa tarei palouyu maiye sü Jehu nou southalai; ae Jehu nou southalou moa turei palouyu maiye sü Elisha nou southalai.

2 VEMAITO 13:3

Südonou Mapao nou Israel mai pei hisü rarou loure, ae puhnou Sairia maivei veo Hazael alia puh nahpoutu Banhadad panou puletao jünou reih koloure.

2 VEMAITO 13:7

Jehoahaz vei reihmaime hai rhei pfüyu mai raingao ae rheiluki kirou ae phi nou tayu reihmai hai thekirou likhei bua baire, daiolouzü Sairia hi veo nou puletaoye sü thaibuh hi naihü büa deisasa khaiwure.

2 VEMAITO 16:9

Veo Tiglath Pileser nou Ahaz nou soukha peio tea khoyu sü aetou peia nou puhvei reihmaitao sü saloua Damakas hisü veloure, ae puhnou nuhdu sünasü poloure, alia veo Rezin sü southawua hukhamai taoli nüloua Kir hisü sapoa nou tare.

2 VEMAITO 8:12

“Apaopuwo ne daisounou krawe?” tea Hazael nou nouwe. Elisha nou chila peie, “Daiolouzü nenou ngaopi shoyu vah haso khesü Israel mai pei hi soupei laiyu sü Enou süwe. Nenou puletao vei reihkhaobu khesü meidei peilai, nahlemai hrülai sü southa peilai, nahtou maiye sü soude sousasa peilai alia nahpfüyu maiye sü pou hinou nahtou hai popa peilai.”

JOB VEI LARÜBVÜ 19:3

Eye hraongu soupeiyu thainou hraongu soupei khaikhai-e, hraongu bo lia sükhai toumoa neletao nou Eye paoshi laihivu?

JOB VEI LARÜBVÜ 5:19

Puhnou neye veayu hinou vupapei khai khailai.

TSÜCHITAO 6:16

Mapao nou ngaorayu alia healou hoyu na anai bue: khaosouyu nghithou, dayu mali, mah lia hayu mai zhe soupayu bah, do ashi phouyu lüthou, ashi hi thashoa tuhoyu phi, dahrührüa dashakhi soumai, alia thaihou-jürai mai hrohi sha southou apeimai.

KOPAODOUWO 11:2

Nevei kini buyu taohai zha anai moa acha soua dade khailo, daiolouzü deiphao haihi dai shili palaisa tiyu nenou sümoe.

ISAIAH 28:27

Rachipou (dill) hai süüpo nou poa dacha moe, moa deihathou hai lukiphi nou poa luwu moe, ana rachipou thou ae deihathou hai süü tai tyanou poa da baiwe.

ISAIAH 41:15

Enou neletaoye sü huh pfüyu, hei veishoyu alia sheetou touyu dou poa thou dayu süü ali soupeilai. Neletao nou sübüa deichi sü daphe dapho loulai, ae deichi khesü thouba büa soulai loulai.

ISAIAH 7:16

Ana sübüyu teile koumo jünou neletao nou ngaopi-a buyu veo ahai vei teidei khesü soushi khaia panou mai ali-a bumoa bailai.

ISAIAH 7:8

Daiolouzü Sairia jünou Damaskas-a dupu hie, ae Damaskas jünou veo Rezin-a khoupu hie. Alia po rairoungou levai hinou Israel maiye sü panou peposasa-a hrüyu tyahrü ali soupeilai.

ISAIAH 8:4

Daiolouzü nahtou nasü dupa ‘Pfü’ ae ‘Puo’ tea kuloumo jünou Damaskas hi kini khe ae Samaria hi shaolouyu nakhesü Assaria hi veo nou potalai.”

AMOS 1:11

Mapao nou paoe, “Edom mainou vu asü-dai soucho soulayu donou, puletaoye tudeere nasü pokhaiwu laimoe. Daiolouzü puletao thaihou-jürai soua buyu Israel maiye sü thaokhai toumoa teisa nou hubaie.

AMOS 1:13

Mapao nou paoe, “Ammon mai nou lü asü-dai soucholayu vanou, puletaoye souveayu nahai Enou polaiwu laimoe; daiolouzü puletao teidei souka pupa loure donou puletao nou Gilead hi poupfüa buyu nahpfümai koute-a southare.

AMOS 1:6

Mapao nou paoe, “Gaza mainou mah soukhai khaiyu donou, puletaoye Enou souveare nasü polaiwu laimoe; daiolouzü puletao nou Edom mai hi tyahrü teitei nou pa qila soure donou zhothou peiwure.

AMOS 1:9

Mapao nou paoe, “Tair mainou lü asü-dai soucholayu vanou puletaoye souvea laiyu nahai Enou pokhaiwu laimoe; daiolouzü puletao nou tyahrü teitei nou Edom mai bah hi zhothou peiwure, ae puletao nou tyaraitao hi vo soukhai touyu nasü lilou moe.

AMOS 2:1

Mapao nou paoe, “Moab mainou lü asü-dai soucho soulayu donou, puletaoye tudee laiyu nasü Enou polaiwu laimoe. Puletao hai Edom maitaoye ngaophou moa nou vemai khesü mei deithou vounai vipeire.

AMOS 2:4

Mapao nou paoe, “Judah mainou mah soukhai khaiyu donou, puletaoye souvea laiyu nasü Enou polaiwu laimoe; daiolouzü puletao nou Mapao vei chikha nasü malaiwure alia puhvei kharochi khesü zümore, ana puletao paipaoye süthai mah tayu bashara nanou puletao ye süthai mah potare.

AMOS 2:6

Mapao nou paoe, “Israel mainou lü asü dai soucholah-a mah souyu vanou, puletaoye souvea laiyu nasü Enou polaiwu laimoe; daiolouzü puletao nou acheche nasü shahu nou lealoure, alia touha-a vealaiyu maiye sü phikha pali nou zholoure.

ZEKHARIAH 9:1

Mapao vei chipao sü haitaoe: Mapao nou Hadrak teidei ae Damaskas nuhdu pei hi tukhare chi sü peiwure. Israel tyahrü hrülai themoa Aram nuhdutao-a Mapao veie.

ZEKHARIAH 9:2

Hadrak deiraih soua buyu Hamath hai-a puh veie, sübüa Tair ae Sidon nuhdutao süpeinou puletao vei dokai teitei hai-a puh veie.