3 JOHAN 1:11 - SHEEYU BAIBEL (BSI)

¹¹ Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.

3 JOHAN 1:11 Iomraidhean Croise

LOUTAO 34:14

Ashi vah souyu khesü thaokhaiwua vah aveih soulo, nevei tsüle teitei nou pei-a kaonayu nasü phoulo.

LOUTAO 37:27

Vah ashi souyu khesü thaokhaiwua vah aveih soukhaio, sükulouzü neletao vei tyaosholea maitao nou teidei hisü teisa nou veia hrülai.

TAPALOUYU 23:2

Vah ashi soure hio acheche moyu mainou poua buyuma puletao thaisü füso, moyuma puletao phaobo loua zü nasü souda laire donou shaki souso.

TSÜCHITAO 12:11

Kounou shoa tatayu maina sü touso alao bulai, ana komoyu vah liye thaihu-a laiyu puh sü tsü ha-e.

JOHAN 10:27

Azhao taonou Apai keiwe, alia Enou puletaoye süwe ea puletao nou Athai fütawe.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 3:20

Daiolouzü ashi vah souyu mai veishinou avaye ngaorawe, alia avahi vemoe, süku molouzü puhvei vah taosü popa ngaowushulai.

1 KORINTHMAI 11:1

Südonou Enou Khrista zhai douyu kua neletao-a Azhai doulo.

1 KORINTHMAI 4:16

Südonou Enou neletao hi khowe, Azhai douyumai soulo.

EPHESAMAI 5:1

Südonou neletao hai Ramai nou leshiyu nahmaitao baiyu donou, neletaosü puh zhai dou vuzülai.

PHILIPPIMAI 3:17

Athaihou jürai khemai, Azhai douyumai soulouwo. Ehnou neletao hi cheche zhai soungao khaitouyu sütao thaifüa laiyu puletao hisü le peitou loukhaio.

1 THESSALONIMAI 1:6

Alia neletao hai Eh ea Mapao vei zhaido douyumaitao souloure, daiolouzü vea-hoyu alaosou daokhaia, neletao nou chipao süsü Rako Mashinou süpeia sasa-a poloure.

1 THESSALONIMAI 2:14

Eh thaihou jürai khemai, Judea hi buyu Ramai vei lüloumaimetao, süolouzü, sühi buyu Jisu Khrista vei maikhe maitaohi payu sübütoua neletao hi-a paloure. Puletaoye lah pule Jihudi mai tao nou souvea peiyu büa neletaoye-a lah nele teidei maitao nou souvea peiwe.

2 TIMOTHI 3:10

Ana newo Avei doupeiyu, Azhaidou, alia Ahrühi soure tsüdo, Alü; Avei shameayu, Avei leshi, Avei teisanou shameayu,

EBRIAMAI 6:12

Nelenou hitayu sü Ehnou züpa moe, ana lü ea shameayu vanou Ramai nou apaopei khaitouyu ngaolouyu sümaitao zhai doulouyu sü züpae.

1 PITAR 3:11

Puhye panou ashi hinou tareiloua avei nasü soulou khaio; puhye panou puh le teiteinou kaonayu sü phoulou khaio.

1 PITAR 3:13

Chuwo neletao nou avei nasü sounüshoa bulouzü thaohnou neletaoye soushiwulai?

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 3:10

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

1 JOHAN 4:1

Leshiyu Asakhemai, rako hrülaiye loucheso, ana rako sütaosü Ramai hinou vevemosa touyu sü zhuloure donou rakotaoye sü zhai zhukhaio. Daiolouzü madayu rachi paolamai alaosou deiphao hi veloure.