3 JOHAN 1:10 - SHEEYU BAIBEL (BSI)

¹⁰ Südonou Enou velouzü, puhnou soua buyu süolouzü shi-kha chinou Eletao pei hi puhnou raochichi-a buyu teiteisü popa ngaopeilai. Alia sükoutea khamoa puhnou thaihou jürai maitaoye-a shepei bae, alia puletaoye shepei nüyu maitaoye-a puhnou nuwe ea puletaoye lüloumaime hinou hutawe.

3 JOHAN 1:10 Iomraidhean Croise

TSÜCHITAO 10:10

Nghimaiyu mai nasü maiye radaipa-a baiwe, ana khuveia züpeiyu mai nanou soukaona peiwe.

TSÜCHITAO 10:8

Mai aveih linou paodou peiyu khesü polouwe, ana mü pouyu vomai liwo hakata-a bailai.

ISAIAH 66:5

Mapao ye ngaopi-a puh chi züa buyu maitao, puhnou chi paoyu sü keilo: “Neletao nou achi züa buyu donou neletao thaihou jürai kamai nou neletaoye ngaoralai, ae neletaoye ngaophou moa haibüa konüa paolai, ‘Mapao ye panou puhvei aduso nasü pongao khaio, ae neletaoye khailupa peikhaio, sükulouzü neletao nou vasa-a buyu sü Etao nou ngaoloulai.’ Ana puletaoye sü panou hraongu ngao-a bailai.

LUK NOU RÜYU KO AVEIBVÜ 6:22

“Mai Nahpoutu vanou neletaoye maikhemai nou ngaorayu, souku payu, sou ahrao peiyu ea maishie tea neletaoye zhih phawuyu kisü rakoveie!

JOHAN 9:22

Puh pfüpuo nou Jihudimai taoye piyu donou sünahai paoe, daiolouzü maita linou Jisu ye Khrista-e tea louche louzü, puhye sü rathobuh hinou hutalai tea Jihudimai taonou kukou chere.

SEI-ATAMAI VAHTAO 1:15

Alia teithe sütao kisü lüloumaitao hrohinou Pitar nou tashu laloua paoe (vedzüa buyu mai kaihlia kai phae),

2 KORINTHMAI 13:2

Raiki mah souyu maitaoye ea kukhemai hrülaiye tukha-a Enou paowe, alia Enou neletaoye lüh ahai chena ve zhuyu ki paoyu büa chu Enou habuki hinou puletao hi tukha-a paopuwe, süolouzü Enou veyu kisü, puletao sü tudee peiyu hinou halia tupa louhoe.

GALATIAMAI 6:10

Südonou Eletao nou teile kao-avei ngaosasü maikhemai hrülaihi koulihsoua lüloumai kikhahi bumaitao hisü avei vah soupei laikhe.

1 TIMOTHI 5:13

Sübaimoa, puletao nou ki ki hinou ta-a teile souhare dosü puletao nou doulouwe; alia hi-a buyu likhei baimoa puletao nou maichi-maila ku-a ea mai vahnou lahvah soua puletao nou paozü moyu chinou paota baiwe.

2 JOHAN 1:10

Südonou mai talinou neletao hi ve-a doupeiyu hainasü povepei molouzü puhye sü neletao kihi salou shepeiwuso moa puhye sasa-a khurüwuso.

2 JOHAN 1:12

Enou neletao hi rüre alaosou bue, ana Enou larü ea larüdzü nou sei-a rükhailai moe. Süjüwo, Eletao vei asah nasü panou chekhou loure donou Apfüzho nou neletao hi taveloua neletaoye zhukhei haonou tave dao-a chiphare sü Enou rei-a bue.

3 JOHAN 1:3

Daiolouzü Khristamai thaihou jürai kamainou taveloua nevei acheche hrü vanou zhopaoh souyuki Esü daizhozhou lesasa, süolouzü chekhaoa ne hai teisanou acheche hinou ta-a bue.

3 JOHAN 1:5

Leshiyu Asa, nenou nevei Khristamai thaihou jüraitao hi ea koulihsoua shevai-shesü maitaohi soupeia buyu vah tali hinou ne sü daizhozhou chechesa.