2 TIMOTHI 4:3 - SHEEYU BAIBEL (BSI)

³ Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai,

2 TIMOTHI 4:3 Iomraidhean Croise

1 VEMAITO 18:22

Süthaisü Elijah nou paoe, “Mapao vei rachipaolayu mai hai E lah likhei baire, ana Baal veo rachipaolayu mai hai 450 buhie.

1 VEMAITO 22:18

Ahab nou Jehoshaphat hi paoe, “Puhnou ahi haveih ali-a paolai moe tea Enou ne hi paomovu? Puhnou teisa sü shi-a pao baiwe.”

1 VEMAITO 22:8

Ahab nou haibüa chila peie, “Mapao vei leli nasü noupu loure mai ali bupu hie. Puh sü Imlah nahpoutu Mikaiah toue. Ana Enou puhye ngaora-e; daiolouzü puhnou avanou haliro vei-a paopei moe, ana ashi khaikho nou paopei-a baiwe.” Jehoshaphat nou paoe, “Veo, ne sübüa paoyu kaomoe.”

TAPALOUYU 32:33

Mapao nou puh hi chila peie, “Avei larübvü hisü mah souyu maitao zhih popha-a bailai.

ISAIAH 28:12

Ramai nou neletao veahoyu mai hrülaiye panou bu-so loure donou soupeie, ana puletao nou puh paisü keipei bare.

ISAIAH 30:10

Puletao nou rachipaola-apei maitao hi paoe, “Etao hi kaozüyu ae dai-e souzüe touyu khesü paoso, Etao nou keinüyu chipao nou pao-a baio, cheche moyu tyanou Etao hi pao-a baio.

JEREMIAH 18:18

Süthaisü maikhe maitao nou paoe, “Etao nou Jeremiah pei hi hali soupei laikhe! Daiolouzü teisa nou napao maitao ae hasüyu maitao nou Etaoye paodou peia bailai, ae rachipaola maitao Ramai vei chipao sü paopeia bailai. Eletao nou puhye chipao lakonou paodu peilaikhe, ae puhnou paoyu chi sü keipeilai moshe.”

JEREMIAH 27:9

Südonou neletaoye Babilon hi veo vei khakhe hi buso tea paoyu rachipaola maitao, moa mümuyu maitao, keingu maitao, moyuma kheikupado soulousü maitao chi loucheso.

JEREMIAH 29:8

Daiolouzü Khoukhoulai Mapao, Israel maivei Ramai nou haibüa paoe: Neletao hrohinou koa buyu rachipaola maitao ae vepare ngaoyu maitaoye panou neletaoye lalouso, ae puletao nou memuyu khesü keiso.

JEREMIAH 5:31

rachipaola maitao nou acheche chi paomore; napao maitao hai rachipaolayu maitao vei kharochi hinou teidei kho-a baire, ae avei maitao nou haisü jüpa loure. Ana akhai teile veyu kisü puletao nou dai soulai?”

MIKAH 2:11

“Mai haitao nou cheche moyu ae dahrührüa haibüa paopeiyu rachipaola maitaoye jüpawe, ‘Enou neletaoye donou rashidzü ae ke veiyu zhaoh sü panou küvere ko sü paopeilai.’

LUK NOU RÜYU KO AVEIBVÜ 20:19

Alia razhai dou-apeimaitao ea napao adumai taonou sübü hinou Jisu ye niloure donou te-e, daiolouzü puhnou nada sünasü puletao pei hi paokhai baie touyu sü puletao nou süe; ana puletao nou maikhe maiye piloure.

LUK NOU RÜYU KO AVEIBVÜ 6:26

“Mai hrülainou neletaoye paoshoyu kisü neletaoye donou daizhozhou ngaopisa, daiolouzü puletao vei pai-paomaitao nou-a madayu rachi paolamaitao hisü sübüa paoshopeie.

JOHAN 8:45

Ana Enou achechena paoyu donou, neletao nou Eye louche moe.

SEI-ATAMAI VAHTAO 17:21

(Daiolouzü Athenmai hrülai ea sühinou hrüa buyu vakoumai taonou puletao teile teitei sü chi ashu pha-kua buyu likheithe sounüa bubaiwe.)

1 KORINTHMAI 2:1

Athaihou jürai khemai, Enou neletao hi veyu kisü, chi-la veinou moa tsü veinou sei-a Ramai vei pongaopei khaitouyu acheche nasü paongaopoa vemoe.

1 KORINTHMAI 2:4

alia Enou paodouyu ea Avei chipaotao sü dokai veishoyu emai chipaonou paomoe, ana paoposhu louchelou süyu Ramai Rako vei khouko hinou paobaie.

GALATIAMAI 4:16

Chuo Enou neletao hi acheche nasü paopeiyu vanou Esü neletao vei ngaobamai soutarewu?

1 TIMOTHI 1:10

khakha chaozüyu mai, emai zhaimoa koa züyumai, mai vaoyumai, amadamai, mada-a chi lapeimai ea cheche lüzhai hinou moa aku zhai hinou vah soua laimai, süolouzü

2 TIMOTHI 1:13

Nenou Ahinou choulouyu acheche chipaotao vei zhai taosü soutaosoua thaifülo, alia Khrista Jisu ye koa ali soulouyu hinou Eletao vei soua buyu lü ea leshina hinou bulo.

JUD VEI SEIKO 1:18

Puletao nou neletao hi, “Akhai teithe kisü Ramai loumoyu puletao vei ke-zhe züpa thaifüa tayu ea neletaoye konü laiyu maikhe maitao velai” tea paore.