2 TIMOTHI 3:2 - SHEEYU BAIBEL (BSI)

² Daiolouzü maikhe mainou haibülai süolouzü, lahye leshi baiyu, loküyu, aduzhai souyu, khaophu souyu, chi souyu, pfüpuo chi zübayu, soupei muh sümoyu, sheemoyu,

2 TIMOTHI 3:2 Iomraidhean Croise

LOUTAO 10:3

Mai ashimai nou lah puletao vei jüpa hinou le dusho loure; puletao hai dutounüyu nasü veiwe tiloua Mapao ye sü paoshiwe.

LOUTAO 49:6

toungi shoa buyu maitao, ae puletao vei kini vanou khaophu soua laiyu maitaoye sü Enou pilai moe.

LOUTAO 52:1

Aduso maitaore, neletao vei ashi hisünou daidonou neletao hai khaophu sü souwe? Ramai vei chilee checheyu hai-o akhai ha-e.

ISAIAH 10:15

Ana Mapao nou paoe, “Marei nanou puhye poa daoyu mai na jünou dupu hie tea khalou süvu? Süva hai poa süü vayu maina jünou kopu hie tea paolou süvu? Süüda nanou maiye pochamoe, ana mai nou süüda nasü polou-a baiwe.”

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 7:25

Puhnou Kukulai Ramai ye paoshilai, ae Ramai vei maitaoye souvealai, alia puletao vei rathoyu zhai ae khonü khesü souhare donou telai; ae Ramai vei maitao hai puh bah hinou po asüa da hai veashoa hrülai.

MATHIU 15:6

Südonou, neletao vei puopao zhaina donou, neletao nou Ramai vei chikhahai sou poshu hako peiwure.

LUK NOU RÜYU KO AVEIBVÜ 12:15

Alia puhnou puletao hrülaihi paoe, “Leikeilo, alia loküyu teitei hinou neletao zhutoulo; daiolouzü emai hrühai puhvei kini alao soua buyu süna hinou bubaimoe.”

LUK NOU RÜYU KO AVEIBVÜ 16:14

Phariseemai taonou chi sütao teitei choulouyu kisü puletao nou Jisu ye konü loure, daiolouzü puletaosü pousha züpae.

LUK NOU RÜYU KO AVEIBVÜ 6:35

Ana neletaoye ngaoba maitaoye leshilo ea puletao hi avei soupeikhaio; ngaoda khaire chokhaimoa poupeikhaio, sübülouzü neletao vei buusü dusholai ea neletao sü Aku Kulai Ramai vei nahmaitao soulai; daiolouzü puhwo mai veamuh sümoyu ea dutou nüyu maitaoye-a zhuvea peiwe.

SEI-ATAMAI VAHTAO 5:36

Daiolouzü raikia Theudas nou puh lah puhyenou adumai alie tea tashuloua poutumai kaidaipha puhye koa tae; ana puhye southeayu thaisü puh thaifü maitaosü porarou taloua süsü haliamo baire.

ROMMAI 11:18

Südonou, nenou süübotao kua chatayu puletaoye sü ngaophou moyu souwu laimoe. Nenou kakua khaophu souloulai? Ne sü süübo alibaie; nenou mataoye pfümoe, mataonou neye pfüwe.

2 KORINTHMAI 5:15

Alia hria buyu puletao nou lah puletaoye donou hrimoa puletaoye donou thaipeiyu ea hrishu louyu puhye donou hriloure puhnou maikhemai hrülai donou thaipeire.

PHILIPPIMAI 2:21

Mai hrülaihai Jisu Khrista donou moa lah lah vah donou lenoua bubaie.

KOLOSSEMAI 3:5

Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

2 THESSALONIMAI 2:4

Puhnou maikhe mainou tho-a buyu ra veishi moa na taye balai, alia puh lahnou sütao teitei pei hi adukhana soulai. Alia puhnou Rathoki hi koute talou buloua lah puh hai Ramai baie tea paolai.

1 TIMOTHI 1:20

Puletao hrohisü Enou Saitan bah hi thoupeiyu Humenas ea Alekjandar puhaie; sübüa thoupeiyu hinou puhai nou Ramaiye paoshiyu hai shie touyu sü süloulai.

1 TIMOTHI 1:9

Sütoukhaia Eletao nou licholou molouzü shie, süolouzü razhai hai maivei mai donou soupeimoe, ana zhai souphe-souphomai, paoyu zübamai, Ramai ha-a hrüyumai ea mahsoua laimai, sheemomai moa chechemomai, lah puletao pfüpuoye southeamai ea maiye datheamai,

1 TIMOTHI 3:3

Puh hai zhaoh shozhiyu moa maiye tai-dava süyu maili soulaimoe, ana nataiyu ea maiye zü-veimoyu mai ali souvu zülai;

1 TIMOTHI 6:10

Daiolouzü pousha züpayu hai ashi teitei vei maa nasüe. Mai kamainou sünasü ngaolou nüshoa phoutayu vanou puletaosü lü hinou doushoa tare ea puletao lesü veahoyu tyalinou souphe-soukhore.

1 TIMOTHI 6:4

puhsü khaophu souyu nou phouloure ea halia sükhaimoe. Puh hisü veimoyu züpa süolouzü chipao vanou veivanüyu ea züvanüyu nasü bue, alia sünanou avei zhai ngaobayu, züvayu, maiye sou ahrao peiyu, ashi hilonou letsüyu,

2 TIMOTHI 3:4

khei-a ngaobamai mü boyu, le souyu, nou khouyu, Ramaiye leshiyu jünou pfüphao vayu naye leshiyu sükuyu sü palai;

JEMS 2:8

Neletao nou sheeyu larübvü hinou ngaolouyu, “Lah nenou neye leshiyu büa nevei kinapaye leshilo,” touyu vedei vei razhai nasü züloure toulouzü neletao nou vei-a souloure.

JEMS 4:16

Ana chu hihai neletaowo khaophu souwe ea baotaitaiwe. Haibüyu khaophu souyu teitei hai ashi baie.

JEMS 4:6

Ana Ramai nou peiyu zhuvea sünanou koulihsoua khoupuhie. Haisü sheeyu larübvü hinou paoyu büe, “Khaophu souyu puhye sü Ramai nou nuwe, ana nataiyu puh hisü puhnou puh zhuvea nasü peiwe.”

1 PITAR 5:5

Sübüa, nahlemaitao neletao-a tsümaitao khakhe hinou hrülo. Alia neletao hrülai nou alinou liye kuvah soure donou nataiyu vei sahnü nasü noulo; daiolouzü, “Ramai nou khaophu souyu maiye bawe, ana nataiyu mai hisü zhuvea peiwe.”

2 PITAR 2:10

Koulihsoua ke-zhe züpa thaifüa khulou souyu maitao ea Ramai vei khakhehi hrübayu maitaoye Ramai nou tudeilai. Amada dou-apeimai haitaosü khuveiwe ea khaophu souwe, alia khouko ava buyu rakimaiye paoshiyu halia pimoe. Süjüwo puletao nou sütaoye sou ahraopeie.

2 PITAR 2:12

Ana mai haitaowo pfüna tsünou vah soua tsü hayu rekhaosou kua panou niloure ea southeare donou nakoubaie; puletao nou sükhai moyu talisü puletao nou sou ahrao peia duwe. Rekhaosou kua puletaoye souhawulai.

2 PITAR 2:18

Puletao nou khaophu souyu ea voyuchi paowe, alia kao-zü moyu hinou hrüyu maikhemai hronou chubünou tupaloua buyu puletaoye sho hinou muloure donou ke-zhe züpa vahnou chaowe.

2 PITAR 2:3

Puletao vei loküyu süna vanou, puletao nou neletaoye amada chipaonou souha-souka peilai; puletao pei hi mah dukhairesü dao raichokinou soudapoa koure, alia puletaoye Souhawure nasü zhaihepoa bure!

JUD VEI SEIKO 1:16

Mai haitao sü mülealeayu ea nousüyu maitao baie; puletaosü lah puletao nou ashi naye züpayu thaifüa hrübaie; puletaosü lah puletao vanou khaophu soubaie ea puletao lah zhiloure donou kukhe maiye paoshoh baie.

PONGAOPEIYU 13:1

Alia Enou khaosouli kai kiruo ea pei anai pfüa zai hinou tapayu ngaoe. Kai sütao alili vahisü veo peirü chekhei bue, alia pei sütao alili vahisü Ramai chi paoshiyu zhih chekhei pfüe.

PONGAOPEIYU 16:11

Sübüa puletao vei souyu ea chükü paopayu sütao donou puletao nou rakibu Ramaiye chaloure. Ana puletao vei ashi vah hinou puletao lesü daloubae.

PONGAOPEIYU 16:21

Rateivanou maikhemai pei hisü reithou alilinou sühcho raingoupha süyu dushoyu reithoutao rükou loure. Alia reithou vanou veahoyu süna donou maikhemai nou Ramaiye chaloure, daiolouzü veahoyu süsü ngaopi zhulere.

PONGAOPEIYU 16:9

Puletaoye sü soushoyu meisounou chapeire, alia veahoyu haitao pei hi khouko buyu Ramai puh zhihsü puletao nou paoshi paokha peire, alia puletao nou le daloua puhvei dushosü paosho peibae.