2 TIMOTHI 3:1 - SHEEYU BAIBEL (BSI)

¹ Ana akhai teithetao hisü tatei shoyu pha-teile velai touyu sü süa bulo.

2 TIMOTHI 3:1 Iomraidhean Croise

SHURAI 49:1

Jakob nou puh nahpoutu maitaoye kuloua paoe, “Neletao haihi tave jülowo, Enou haithailo neletao mai alili hi daie vepalai touyu khesü paopeilai.

ISAIAH 2:2

Haithai naki haibüa nou vepalai, süolouzü Mapao vei Rathoki soukhai touyu deichi nasü deichi teitei jünou kupulai, ae deitao kukhe jünou taopulai. Tyahrü hrülai nou hai hisü tobai soumoa tave loulai.

JEREMIAH 48:47

Ana haithai vere teile hiolouzü Mapao nou Moab maiye sousava peipulai. Haitao veishi hai Mapao nou Moab mai hi vepalai tea paokhai toue.

JEREMIAH 49:39

Ana haithai naki louzü Enou Elam sü sousava peipulai, Haisü Mapao Enou paowe.”

EZEKIEL 38:16

Nenou avei Israel maitao hisü teikhai teirü ashi veyu büa veloulai. Teile süna veyu phaki, Enou neye sü panou avei teidei hi soureih soua huloulai, sübüa tyahrütao hi avei sheeyu nasü ne vanou soungao peilai.

DANIEL 10:14

Enou haihi ve neye panou haithai nevei maitao hi daidai vepa laiyu taosü süloure donou vewe. Haihai akhai teithe hi vepare vei zho ngaopeiyu nasüe.”

DANIEL 11:36

“Sairia hi veo nou lah sounü pfünü khesü soupfü loulai. Puhnou khaophu soua rah jünoua puhnou dupu hie alia Khoukhoulai Ramai jünoua puhnou dupu hie tea lah puhye paolai. Puhnou haibüa savayu ae veia bukou laiyu hai, Ramai nou puhye tudee laiyu teile vemo koute puhnou bukou loulai. Ramai nou soure hai puhnou tsüchoda khaitouyu bütoua soupeilai.

DANIEL 12:11

“Posheelayu ae rathoyu zhai nasü souha laiyu alia vakou maivei rah ae basharatao pove khailouyu teile hai teithe thelia kaih haia raikü (1290) loulai.

DANIEL 12:7

Züzüyu sah ba-a reilova buyu nanou puh bah ahai khinou lashu loua teisa hria buyu Ramai zhih kuloua haibüa paoyu Enou choue, “Haitao vepare teile hai po asüa da bulai hie. Ramai vei maitaoye souveayu teile cheyu thainou haitao teitei hai vepalai.”

DANIEL 7:8

Enou kai sütao sü tsüchoa zhua buyu phaki, kaitao hrohinou kai taitou ali paopa-a zhingaoe, kai sünatou nou paopaloua rai-a buyu kai kukhe asü taoye sü bei hinou soula laiwure. Kai sünatou hisü nghithou ali bue, alia khouphu soushoyu chipao paoyu mü ali bue.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

MIKAH 4:1

Vere teithetao hisü Mapao vei Rathoki buyu deichi nanou deichi kukhe jünou kukalai, deichi veishi jünou kukayu nasü soulai. Tyahrü khenou hai hisü zhapoa nou velai,

2 TIMOTHI 4:3

Daiolouzü maikhe mainou acheche lüzhai nasü keilai moyu teilesü velai, ana lah puletao züpa thaisü fütalai ea lah puletaoye donou puletao nou keizhou zhouyu chi paopeire dou-apei maitaoye povedzü khailai,

2 PITAR 3:3

Raikai-a, neletao nou sülou vuzü molouzü shie, süolouzü, akhai teithetao hisü, lah puletao vei ke-zhe züpa thaifüa hrüyu mai kamai velai, puletao nou neletaoye konüa,

1 JOHAN 2:18

Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.

JUD VEI SEIKO 1:17

Ana, leshiyu Asakhemai, Eletao Mapao Jisu Khrista vei sei-atamai taonou raia neletao hi paopeiyu taosü lipukhaio.

JUD VEI SEIKO 1:18

Puletao nou neletao hi, “Akhai teithe kisü Ramai loumoyu puletao vei ke-zhe züpa thaifüa tayu ea neletaoye konü laiyu maikhe maitao velai” tea paore.