2 TIMOTHI 2:2 - SHEEYU BAIBEL (BSI)

² Alia nenou zhopaoh maitaoli nghojünou Enou paoyu chou-choulouyu doupeiyu taosü poloua mai kukhe maiye-a doupei lousü laiyu puletao bah hi lüthou peikhaio.

2 TIMOTHI 2:2 Iomraidhean Croise

EZRA 7:10

Ezra nou Ramai vei chikha nasü soutao soua süloure donou puhvei lü teitei nou peia phouwe, daiolouzü Israel mai hisü haitao hai poa vah soure donou alia maikhe mai hi doupeire donou.

EZRA 7:25

“Ne, Ezra, Ramai nou ne hi peikhai touyu dokai hai poloua, rei dapolova nou buyu maitao donou tukha apeimai alia chiku apeimai ye dopalo, alia chikha sümoa buyu maiye sü nenou doupeio.

NEHEMIAH 7:2

Jerusalem nuhdu nasü panou khore donou ae reihkhao maitao peikhowo panou soure donou Enou athaihou soua buyu Hanani ae Hananiah puhaiye sü vahbu thoupeiwure, daiolouzü puhai hai kukhe maitao jünou louche louveipu hie ae puhai nou Ramai ye ngaopipu hie.

LOUTAO 101:6

Chilee checheyu maiye sü Enou zhuvea peilai, ae puletao hai Eye koa abuh hinou bulai; tsüle sheesha tea nou buyu maiye sü panou avei kuvah soua bulai.

TSÜCHITAO 13:17

Kopola peiyu mai ashi nanou maikhe maiye panou veahoyu daowe, ana louchelou veiyu kijü pamai linou souvei louyu pfüve peiwe.

JEREMIAH 23:28

Me muyu rachipaola maisü panou mesü paokhaio, ana achipao paoyu maitao sü panou checheyu hinou achipao sü shapao khaio. Thouba sü thou hinou daie veiyu bue?

LEVIMAI LARÜBVÜ 14:42

Süthaisü chuh polai khaitouyu thaosü chuh kukhe nou pove thouloulai, ae kivo hai-a shitho nou mealoulai.

MALAKAI 2:7

Daiolouzü napao maitao mütai hisü tsüdo aveih chipao paore phae, alia maikhe maiye panou puh hinou chikha phoure phae, daiolouzü puh hai Hrülai pei hi Mapao vei ko aveih pfüve peiyu na-e.

MAIPEI PHOUYU 12:7

Ana Enou avei kilai Moses hisü tyakua nou chawe; avei Israel mai hrülaiye sü puhye panou khore donou puh bah hi Enou khouko sü thaothou peikhai toue.

MATHIU 13:52

Alia puhnou puletao hi paoe, “Südonou, raki Vedei vei rozümai soulouyu razhai dou-apeimai talihai puhvei ki hinou ashu ea aku natao popayu ki paopumai aliye kheihaoe.”

MATHIU 24:25

Zhukhaio, Enou neletao hi raia paokhai peire.

LUK NOU RÜYU KO AVEIBVÜ 12:42

Alia Mapao nou chila peie, “Sübüyu thaisü, teile zhou avei hinou puletao hi puletao zha touso peire donou puhvei paopuwo nou puhye panou puhvei kikha teitei pei hi kholaiyu louchelou veiyu ea tsü veishoyu touso khadapeio sü thaoh-e?

1 KORINTHMAI 4:2

Süpeinou, peipha-apeimai alinou bumo shilaiyu matsü ko alinawo louzü puhvei paopuye panou loucheyu sünasüe.

2 KORINTHMAI 2:14

Ana Ramaiye kalo paowe! Daiolouzü Khristaye koa ali soulouyu hinou Ramai nou Eletaoye sü teisanou kolouyu hi süthai salaipeie, alia Eletao vanou Khristaye sülouyu tsü navei kai nüvei nasü buh likihi panou vurao tawe.

2 KORINTHMAI 3:5

Vah haina hai Ehnou soulousüe tea Ehnou halia paolou hoe. Ehnou soulou süyu khouko hai Ramai hinou vebaie;

KOLOSSEMAI 1:7

Neletao nou Ramai zhuveasü Eletao süh Khrista vei acheche vah soumai soua buyu Eletao nou koa qila soua laiyu leshiyu Epaphras hinou süloure.

1 TIMOTHI 1:12

Avah haina donou Ahi khouko peikhai touyu Eletao Mapao Jisu Khristaye Enou kalo paowe, daiolouzü puhnou Eye nou puhvei kuvah souzüe tea chopeia,

1 TIMOTHI 1:18

Anahpoutu Timothi, rachi paola mainou raia ne vanou paokhai touyu chi sütao thaifüa chuo Enou ne bah hi chikha hainasü lüthou peiwe, süolouzü reih koloure donou chipao sütaosü bahsei büa seilo,

1 TIMOTHI 4:14

Tsümaitao nou ne pei hi bah lakhaipei-a rachipaola maitao nou rachi paola payuki hinou nehi peikhai touyu süolouzü nehi buyu rakovei sapeina nasü ngaophou moyu souwuso.

1 TIMOTHI 4:6

Doupeiyu haitao hai nenou thaihou jürai maitao hi peire toulouzü, ne sü Khrista Jisu vei kilai veili souloulai. Nenou teisanou thaifüa laiyu lüvei chipaotao ea cheche-a doupeiyutao vanou nelah nevei rakosü soudu palo.

1 TIMOTHI 5:22

Maitali pei hi thala-a bah lakhaiwuso, moa mai kukhemai mah hi lou koa zha ngaozhowuso; nelah sheetoua bulo.

1 TIMOTHI 6:12

Lüvei reih nasü soutaosoua zülo; alia teisa ahri nasü lah neye donou kolo; daiolouzü nenou zhopaohmai taoli nghojünou nevei lü nasü dua paopayuki Ramai nou neye kulouyu sü hrü haina hisüe.

2 TIMOTHI 3:10

Ana newo Avei doupeiyu, Azhaidou, alia Ahrühi soure tsüdo, Alü; Avei shameayu, Avei leshi, Avei teisanou shameayu,

2 TIMOTHI 3:14

Ana newo nenou sülouyu ea soutaosoua louche louyu hinou tobai soumoa bulouwo. Nenou neye dou-apeimai taosü thaohmaisa touyu sü süwe,

EBRIAMAI 2:17

Südonou puhnou Ramai vei kuvah souyuhi puletao vei acheche ea zhuvea peilou süyu Napao Peichana souloua maikhe maivei mah taosü khailu peiloure donou ha tali hinou puhye panou puh thaihou jürai maitao kheihao vuzülai.

1 SAMUEL 2:35

Achi züyu napao mai ali Enou dopa loulai, ae puhnou ale hinou tsücho-a buyu avei jüpa vah teitei sü soupeilai; ae Enou puh vei tyaosholea maitaoye sü soudusho peilai, sübüa puhnou tapa talou-a Enou theadzü napei khaitouyu veo nghoujü nou teisa avei kuvah soulai.