2 TIMOTHI 1:9 - SHEEYU BAIBEL (BSI)

⁹ Puhnou Eletaoye khailu peie ea lah puhmai souloure donou Eletaoye kuloue, süsü Eletao vei vahvei donou moe, ana lah puhvei aroh ea zhuvea vanoue. Puhnou zhuvea hainasü Khrista Jisu vanou teideiphao soushumo jühinou Eletao hi peire,

2 TIMOTHI 1:9 Iomraidhean Croise

MATHIU 1:21

Puhnou nahpoutu ali nalai ea nenou puh zhih sü Jisu tea salai— daiolouzü puhnou puh maitaoye mah hinou khailupa peilai.”

LUK NOU RÜYU KO AVEIBVÜ 10:21

Teile süphabü hinou Jisu nou Rako Mashi hinou le sasholoua paoe, “Apuo, raki ea deiphao Mapao! Enou neye kalo paowe, süolouzü nenou tsü veimai ea hasümai nghojünou pokukhai touyu sü nahtumai taohi pongao peire; ovai, Apuo, haibüyu hai nevei züpa nabaie.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 17:9

“Enou puletao donou veachi paowe. Enou deiphaomai donou veachi paomoe ana nenou Ahi peikhai touyutao donou paobaie, daiolouzü puletaosü nevei baie.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

SEI-ATAMAI VAHTAO 15:18

vah haitao dao raikinou souposhu maikhe maiye panou sülouyu Mapao nou paoe!’

SEI-ATAMAI VAHTAO 2:47

Alia haikua Ramaiye shoa, maikhemai hrülaivei zhuvea sü ngaoloue. Alia Mapaowo nou khailuloua buyu maitaoye sü teithe tsünou puletao me hisü pothou pupeie.

ROMMAI 11:14

Soulou veilouzü Enou lah Atahrüh maitaoye panou southou ngaorai peiwu-a puletao hronou kamaiye panou khailu loulai.

ROMMAI 11:29

Daiolouzü Ramai hai puhnou dolouyu ea hapeiyu mai süna vanou puhvei tsü hai datayu hae.

ROMMAI 16:25

Eletao Ramaiye paosho laikhe! Enou Jisu Khrista vanou paodouyu Ko Aveina ea dao deiphao soushu rainou khei-a khaikhai touyu kheitsüna pongao peiyu thaifüa, puhnou neletaoye panou neletao vei lü hinou khouchi-a lalou süe.

ROMMAI 3:20

Daiolouzü razhainou sou-pfüwo touyutao souyu donou maitaliye Ramai nghojünou souzü peimoe; daiolouzü razhai vanou mah vei tsü nasü vebaie.

ROMMAI 9:11

Alia nah sühaiye namo jühinou ea veiyu, shiyu touyu hatalia soumo jühinou, vah vanou moa ana Ramai nou kulouyu vanou Puhnou dopayu vei lichoyu süsü thaokhaimoa takoure donou,

ROMMAI 9:24

Daiolouzü puhnou kulouyu Eletao hai Jihudimai hrohinou likhei baimoe ana tahrüh kukhemai hrohinou-a kuloue.

1 KORINTHMAI 1:18

Daiolouzü kros vei chipao hai ha-kare ludu hinou ta-a bumaitao donou louzü avochi baie; ana khailupoa buyu Eletaoye donou louzü haisü Ramai vei khoukoe.

EPHESAMAI 1:11

Ha teitei hai Ramai nou soudayu ea puh leli thaifüa souloure; alia Khristaye koa ali soulouyu hinou Ramai nou Eletaoye lah puhvei maitao souloure donou doloure daiolouzü Ramai puhnou soudayu nahai shuraikai hinou puhnou le layu süna vahinou beih soua bue.

EPHESAMAI 1:9

Ramai puhnou puhvei ratsü ea lekhe hinou zhingao-a buyu teiteinou koa puhnou soulai tea soudakhai touyu nasü souloure, alia Khrista vanou souche khowulai tea le layu puhvei kheikhei souyu leli nasü Eletao hi pongao peire.

EPHESAMAI 2:5

süolouzü Eletao sü Eletao vei paoyu zübayu vanou rako hinou thaia buyu phahinou puhnou Eletaoye sü Khristaye koa souhri peire. Neletaoye khailu peiyuhai Ramai zhuvea vanou baie.

EPHESAMAI 3:11

Haisü Ramai nou puhvei teisavei aroh thaifüa souloue, alia süsü Eletao Mapao Khrista Jisu vanou souloure.

PHILIPPIMAI 3:14

Südonou Enou Khrista Jisu hinou rakiva hilonou Ramai nou kuyuvei bu süna donou koyubuhmü hilova hupoa kouwe.

1 THESSALONIMAI 4:7

Daiolouzü Ramai nou Eletaoye khulou soure donou kuloumoe, ana sheeyu hrü hrüre donou kuloue.

1 TIMOTHI 1:1

Eletaoye khailu-apeio Ramai ea Eletao vei areih Khrista Jisu vei chikha hinou Khrista Jisu vei sei-atamai soua buyu Paul nou,

2 TIMOTHI 1:1

Eletao nou Khrista Jisu ye koa buyu hinou ngaolouyu apaopei khaitouyu ahrü nasü shangao peire donou seita-a buyu Ramai tsüdo hinou Khrista Jisu vei sei-atamai ali soua buyu Paul nou —

TITA 1:2

rahrüzhai süsü teisa ahrinaye rei-a buyu süna vanou soushupa khaitoue. Mada moyu Ramai nou shurai jühinou haina hai Eletao hi peilai tea apaopei khaitoue,

EBRIAMAI 3:1

Südonou raki hilonou kulouyu hi koa louzha ngaozho louyu, sheeyu thaihou jürai khemai, Eletao nou füa laiyu lü haina vei sei-atana ea Napao Peichana Jisu ye lichokhaio.

1 PITAR 1:20

Deiphao soumo jühinou Ramai nou puhye sü doloure, alia neletaoye donou akhai teithe haitao hinou pongao peire.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 17:8

Nenou ngaoyu khaosou sünasü teile alihi hria bue, ana chuwo hrikhai more, alia sünasü akhai hayu raobvü hinou tapare hinou bure ea puhvei hakayuhi tawe. Teideiphao soushurai hinou ahri larübvühi zhih rüthoulou moyu deiphao hinou hria buyu maitao nou khaosou sünaye ngaolouyu kisü khupalai, daiolouzü puhsü teile lihi hrie, chuwo hrikhai more, ana puhsü vepukhailai.