2 TIMOTHI 1:8 - SHEEYU BAIBEL (BSI)

⁸ Südonou Eletao Mapao donou moa Khristaye donou hukhamai soua buyu Avanou zhopaoh souyu hisü ahraowuso, ana Ramai khouko hinou Ko Aveina donou talou veayu zha nasü ngaozho khaio.

2 TIMOTHI 1:8 Iomraidhean Croise

LOUTAO 119:46

Enou nevei chikha khesü veo maitao hi paongao peilai, ae E hraokhai toulai moe.

LOUTAO 19:7

Mapao vei chikha hai chekho baie, haina nou rakoye sü souchü soukhou peie. Mapao vei kharochi hai louche louveie, haina nou tsüdo hayu maiye sü tsüdo aveih peiwe.

ISAIAH 51:7

“Acheche süyu maitao, Enou paoyu keilo, neletao vei tsüle hi avei chikha pothou khaitoua buyu maitao, mainou neletaoye paoshi-a züyu sü ngaopiso, ae puletao nou cha-a züpeiyu vanou neletao chathai taso.

ISAIAH 8:20

Neletao nou puletao hisü haibüa chila peilai, “Mapao nou Eletao hi doupeiyu khesü keilo! Keingumai ae thaimai ko pola-apei maitao nou paoyu sü keiso, puletao nou paopeiyu hinou haveih ali koute-a palai moe.”

MARK 8:38

Südonou maita linou chu khulou souyu ea mah souyu maikha haina hinou Avanou ea Achipao vanou ahrao louzü, Mai Nahpoutu-a sheeyu rakivamaitaoye koa Puo vei khouko ava hinou veyu kisü süna vanou ahraolai.”

LUK NOU RÜYU KO AVEIBVÜ 9:26

Daiolouzü maitamai linou Avanou ea Avei chipaotao vanou ahrao louzü, puhye donou-a Mai Nahpoutu nou puhvei, Puovei ea sheeyu rakivamaitao vei khouko ava hinou veyu kisü ahraolai.

JOHAN 15:27

alia neletao-a Avanou zhopaoh soulai, daiolouzü neletao-a shurai hinou Eye koa bue.

JOHAN 19:35

Süna ngaolouyu puhnou zhopaoh peire, alia puhvei zhopaoh sü cheche-e. Alia neletaoye panou louche loure donou puhnou acheche nasü paobaie touyu sü puhnou süwe.

SEI-ATAMAI VAHTAO 5:41

Süthaisü puletao nou zhih süna vanou ahrao ngaozüe touyu sü Ramai nou choloure tea sasa-a tsümeye thaowu-a tare.

ROMMAI 1:16

Daiolouzü chipao Avei vanou Esü ahrao moe; haisü lü loucheyu mai hrülai süolouzü raikai-a Jihudimai ea süthai tahrüh kukhe maiye-a khailu peire Ramai vei khouko nasüe.

ROMMAI 16:25

Eletao Ramaiye paosho laikhe! Enou Jisu Khrista vanou paodouyu Ko Aveina ea dao deiphao soushu rainou khei-a khaikhai touyu kheitsüna pongao peiyu thaifüa, puhnou neletaoye panou neletao vei lü hinou khouchi-a lalou süe.

ROMMAI 8:36

Haisü haibüa rüthouyu kue, “Neye donou Ehye teithe tsünou southeawe; datheare zhaotutao kua Ehye chopeire.”

ROMMAI 9:33

Haisü haibüa rüthouyu kue, “Zhukhaio, maikhe maiye panou phisü loure chuh, puletaoye soukaore chuhdu ali Enou Zion hi pokhai khaitoue. Ana puhye loucheyu mai taliye sü panou ahrao ngaolaimoe.”

1 KORINTHMAI 1:6

Khrista vanou paokhai touyu chipao sü neletao hronou soutaosoua poloure,

2 KORINTHMAI 6:7

chechevei chipao hinou, alia Ramai vei khouko hinou lah Ehhai Ramai vei kilaitaoe touyu zhopaoh soue. Duloure ea khuloure donou lah Ehvei acheche vei basei bue.

EPHESAMAI 3:1

Qo haina vanou, tahrüh kukhemai neletaoye donou Khrista Jisu vei hukhahi bumai soua buyu Paul Enou Ramai hi veachi paowe.

EPHESAMAI 3:13

Südonou Enou neletaoye donou veahoyu süna vanou le khaitayu souwuso tea Enou neletao hi khowe; haisü neletao vei kathe baie.

EPHESAMAI 4:1

Südonou Mapaoye kuvah souyu donou hukhahi loua buyu Enou neletao hi khowe, süolouzü Ramai nou neletaoye kulouyuki puhnou panou talai touyu hrüzhai süna hinou züdoua talo.

EPHESAMAI 4:17

Südonou Mapaowo zhih hinou Enou haisü neletaoye tukha-a paowe: hako tsü pfüa buyu zhaohsho maitao büa neletaowo hrüpu khaiso;

PHILIPPIMAI 1:7

Neletao hai teisanou Alekhe hinou bue! Alia sübüa neletaoye Alekhe hinou choa buyu sü Eye donou souzüshoe. Daiolouzü chu Enou hukhahi bubuki-a, Ko Aveinaye donou dua vah souloure donou madosoua hrübuki hi-a ea kukhemai hi süna vanou paodoupeia bubuki hi-a Ramai nou Ahi puhvei zhuvea peikhai touyu hisü neletao hrülainou koa zha ngaozho loure.

PHILIPPIMAI 3:10

Enou züpayu teitei sütaowo louzü Khristaye süyu, puh hrishuyuvei khouko sülouyu, puhvei veahoyu koa zha ngaozhoyu ea puhvei athai hinou koa puh büyu süsüe,

PHILIPPIMAI 4:13

Eye soukhou peiyu Khrista puh vanou Enou ha teitei soulousüe.

KOLOSSEMAI 1:11

Neletao nou shameayu noupu ha teiteisü teisanou shameapoa buloure donou, neletaoye sü puhvei avavei khouko hinou veyu achaa sütao teiteinou soukhou peiyu souloukhaio.

KOLOSSEMAI 1:24

Alia neletaoye donou Enou veaho-a buyu hisü chuo Enou lesa loure, daiolouzü Apfüphao hinou veaho peiyu süna vanou Khrista nou puhvei pfüphao, lüloumaime süh soua veaho peiyu hi chelou moyusü panou cheloure donou Enou soukha peiwe.

1 THESSALONIMAI 3:4

Daiolouzü Ehnou neleye koa bubuki hinou Eletaoye souvea vuzülai tea raia Ehnou nelehi paopeire; alia neletao nou süa buyu sübütoua paloure.

1 TIMOTHI 2:6

Puhnou lah puhye sü maikhemai hrülaiye khailupa peire donou posheela peie. Sünanou Ramai nou emai hrülaiye panou khailulou nüwe touyu sü teile zhou avei hinou zhopaoh souwe.

2 TIMOTHI 1:10

alia chuo süsü Eletaoye khailu-apeio Khrista Jisu nou veyu vanou Eletao hi pongao peire. Puhnou athaivei khouko nasü souhare ea Ko Aveina vanou teisa ahri nasü pongao peire.

2 TIMOTHI 1:12

alia sübüyu donou Enou veayu haitaosü dao-a bue. Ana Ewo ahraomoe, daiolouzü Enou loucheyu puhye sü Enou süwe, alia puhnou Ahi lüthou peikhai touyu nasü teithe süki koute puhnou khopei lousüe tea Enou louchewe.

2 TIMOTHI 1:16

Mapaowo nou Onesiphoras kikha maiye zhuvea peiyu souloutheo, daiolouzü teisa nou puhnou Ale sousapeie. Ehai hukhahi bumai alie touyu vanou puhnou ahraoyu hae,

2 TIMOTHI 2:3

Paoyu züyu Khrista Jisu vei reihmai alibüa veayu hisü koa lou zha ngaozho khaio.

2 TIMOTHI 2:8

Enou Avei Ko Aveina hinou paodouyu büa athai hinou hrishu louyu, David tyao-nah hinou veyu Jisu Khristaye li-chokhaio.

2 TIMOTHI 2:9

Daiolouzü Enou Ko Aveina paodouyu vanou Esü veahowe ea mah soulaimai ali kua Eye sü hurainou phukhaitoue. Ana Ramai vei chipaowo hurai nou phukhai moe.

2 TIMOTHI 4:17

Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie.

2 TIMOTHI 4:5

Ana newo teisanou lah neye tukha-a bulo, veayu sü shamealo, Ko Avei paodou peimai ali vahsü soulo, alia Ramai kilai alibüa ne vah teiteisü soulo.

1 PITAR 1:5

Kaa sütaosü akhai teithehi pongao peire donou souda-a buyu khailu peiyu süna donou lü vanou Ramai khoukonou pokutoupei khaitouyu neletaoye donoue.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

JUD VEI SEIKO 1:24

Neletaoye kao-dulaiyu hinou khopeilou süyu ea neletaoye chaa ha-a ea sasa-a dushoyu Puh nghojühi pove peilou süyu Puh hisü —

PONGAOPEIYU 1:2

alia Johan nou puhnou ngaoyu teiteisü paongao peie. Puhnou zhopaoh souyu sünawo louzü Ramai vei chipao ea Jisu Khrista nou pongaoyu cheche zhopaoh süna vanoue.

PONGAOPEIYU 1:9

Jisu hinou neletaoye koa veayuhi-a, vedeihi-a ea shameayuhi-a zha ngaozhoa buyu neletao thaihou jürai Johan Esü Ramai vei chipao ea Jisu nou pongao peiyu chechena paodouyu vanou Patmos zaipeidei hinou bue.

PONGAOPEIYU 12:11

Alia Eletao thaihou jürai maitao nou zhaotu sünavei zhe ea puletao zhopaohvei chipao süna vanou puhye sü koloure, daiolouzü puletao nou thai koute puletao vei hrümaisü pakhaimoe.

PONGAOPEIYU 19:10

Sühinou Esü puhye tholoure donou puhphi hinou kou kaoloure. Ana puhnou Ahi paopeie, “Nenou, haibüa souwu laimoe! E-a neye ea Jisu vei zhopaoh soua buyu ne thaihou jürai maitaoye koa kilai souyu maibaie. Ramaiye tholo!” Daiolouzü Jisu vei zhopaoh sünawo louzü rachi paola payu vei rako sünasüe.