2 TIMOTHI 1:7 - SHEEYU BAIBEL (BSI)

⁷ Daiolouzü Ramai nou Eletao hi piyu rako peimoe ana khouko, leshi ea lahye tukhalou süyu vei rakona peikhaitoue.

2 TIMOTHI 1:7 Iomraidhean Croise

LOUTAO 119:80

Eye panou nevei chikha khesü soutaosoua zütou toulo, sübüa Eye panou hraongu nasü ngaoso.

TSÜCHITAO 2:7

Puhnou maiveih maiye donou tsüvei sü pojüwe; Puh hai checheyu mai vei rüe.

TSÜCHITAO 8:14

Ahi douzüapei alia veiyu ratsüa bue, Ahi tsünghei-a bue, ae khouchia bue.

ISAIAH 11:2

Mapao vei Rako sünou puh hisü bupeilai, ae puh hisü ratsü, sükulou süyu tsü, maikhe maiye kholou süyu dokai, khouko, hasü alia Mapao ye piyu rako sü puh hi bulai,

MIKAH 3:8

Ana Eye donou louzü, Mapao nou puhvei rako ae khouko sü peie, ae kaozü tsü nasü ahi peie alia Israel maitao hi puletao vei mah khesü paolouyu khuvei nahai ahi peie.

ZEKHARIAH 4:6

Rakivamai nanou ahi paoe, “Mapao vei chipao haitao hai Zerubbabel ye donoue: Nevei pfüchi alia khouko vanou veilou laimoe, ana Avei Rako vanou veilou bailai.

LUK NOU RÜYU KO AVEIBVÜ 10:19

Zhukhaio, nghoutao ea hairakhaotao pei hi nou taipoa taloure, alia ngaobamai vei khouko teitei koloure khouko Enou neletao hi peire, alia hatalinoua neletaoye zhuwu laimoe.

LUK NOU RÜYU KO AVEIBVÜ 15:17

Ana puhnou tsü chodakhai louyu kisü, puh lahnou haibüa paoe, ‘Apuo hinou zho kutoua buyu mai kazhounou touli-tousho-a busa, ana Ewo buh haihinou khütheawuzhu laire!

LUK NOU RÜYU KO AVEIBVÜ 24:49

Alia zhukhaio, Apuonou peilai tea paopeikhai touyu nasü Enou neletao hi seive peilai; ana reikonou kou neletaoye khoukonou züpeimo koutesü nuhduna hinou chao-a buwo.”

LUK NOU RÜYU KO AVEIBVÜ 8:35

Südonou maikhe mainou dai paresa touyu sü zhure donou tapare, alia puletao nou Jisu hi taveyu kisü, rashinou thaowu-a tayu mai sünasü sahnü bahnoua ea tsü lei-a Jisu phi hinou chobua buyu sü puletao nou tave ngaoloue; alia puletao veishi sü pisho loure.

JOHAN 14:27

“Kaonayu hai Enou neletao hi thaodai khaitoue; Avei kaonayu nasü Enou neletao hi peikhaitoue; Enou neletao hi peiyu hai deiphao mainou peiyu kumoe. Neletao lehai chorowuso, moa piwuso.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 20:24

Sütoukhaima Enou lah Ahrühai Eye donou ha muhlia hae tea chobaie; Enou züpayuwo louzü Ahrü hi soure vah ea Enou Mapao Jisu hinou ngaolouyu Ramai zhuvea vei ko aveina vanou zhopaoh soure vah souchere sütao likhei baie.

SEI-ATAMAI VAHTAO 21:13

Ana puhnou chila peie, “Neletao daisounou haibüa kra-a Ale souphewe? Daiolouzü Mapao Jisu ye donou Jerusalem hinou Eye hukhahi panou thouyu likhei baimoa sühinou thaiyu koutea Ewo souda-a bue.”

SEI-ATAMAI VAHTAO 26:11

Alia tobai soumoa Enou puletaoye rathobuhtao hinou souvea souhopeie ea puletaoye panou Ramaiye paoshire te-e; alia puletao pei hi rarou lekha buyu vanou Enou puletaoye souvea-souhore donou vakou teidei hi koutea tahoe.

SEI-ATAMAI VAHTAO 26:25

Ana Paul nou chila peie, “Adu sho soua buyu Festa Ewo vomoe! Ewo acheche chitouh nasü paobaiwe.

SEI-ATAMAI VAHTAO 6:8

Alia Stephan nou zhuvea ea koukonou phoupeiloua khupa vah aduli ea shee alaosou maikhemai hrohinou soue.

SEI-ATAMAI VAHTAO 9:22

Ana Saul vei paodouyu sü khoupu lailai loua Jisu hai Khrista vuzüe tea soutaosou zhopaoh peiloua Damaska hi buyu Jihudimai taosü puh hi ha chila lia peire hare.

ROMMAI 5:5

Alia areih nanou Eletaoye panou le veamoe, daiolouzü Eletao hi sa-a peikhai touyu Rako Mashi vanou Ramai nou puh leshi hai Eletao lethou hi lathou peire.

ROMMAI 8:15

Daiolouzü Ramai nou neletao hi peikhai touyu Rako sünanou neletaoye panou qila soutamoe ea neletaoye panou pimoe. Süjüwo Rako sünanou neletaoye panou Ramai nahtao souloue, alia Rako sünavei khouko hinou Eletao nou Ramai hi, “Puo! Apuo!” tea shapae.

1 KORINTHMAI 2:4

alia Enou paodouyu ea Avei chipaotao sü dokai veishoyu emai chipaonou paomoe, ana paoposhu louchelou süyu Ramai Rako vei khouko hinou paobaie.

GALATIAMAI 5:22

Ana Rakovei shithouwo louzü, leshiyu, sayu, kaonayu, shameayu, zhuveapeiyu, aveina, louchelou veiyu,

KOLOSSEMAI 1:8

Puhnou Eletao hi Rakonou neletao hi peikhai touyu leshi süna vanou paongao peiwure.

EBRIAMAI 2:15

alia haiküa athai naye piyu donou puletao hrüphao nou qila soupoa kouyu sümaitaoye do sou peire.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 JOHAN 4:18

Leshi hisü piyu hae; liche-a leshiyu sünanou piyu teiteiye sü hulaiwu baiwe. Südonou leshi hai pi-a buyu maitali hisü southou liche loumoe, daiolouzü piyu sü tudee ngaore bue.